عايز تكون من أوائل الجمهورية؟

[أمة الرحمن]

بسم الله الرحمن الرحيم
طبعا كلنا عارفين أزمة الثانوية العامة والأب والأم بيبقوا شايلين هم الثانوية العامة من ساعة ما يتولد ابنهم. ياترى ليه الرعب ده من الثانويةالعامة؟ أي حد هيقول لأن الثانوية العامة بتحدد مصير الطالب .كلام جميل جدا.
طيب عايز تكون من أوائل الجمهورية؟عايز تجيب مجموع كبير وتدخل الكلية اللي انت عايزها؟ طبعا أي حد هيقول ياريت أبقى كده. ولهذا السبب أنا حبيت أقدملكم هذه النصائح والموضوع ده عن تجربة شخصية.
1-ارضاء الله سبحانه وتعالى:
ا-الصلاه:لازم لازم تصلي كل فرض في وقته ،يعني مش ترجع من المدرسة وتنام وتضيع عليك صلاة الظهر وتقول هصلي الظهر مع العصر هل ده ينفع؟ هل ده هيحققلك التفوق؟ لما انت تتهاون في فرض من فروض الله عايز ربنا يكرمك ازاي.صدقني لو صليت كل فرض في وقته ربنا هيكرمك من حيث لا تحتسب.
2-القرآن:واظب على قراءة القرآن لو حتى صفحة في اليوم وخليك فاكر ان ربنا اللي نزل القرآن هو القادر على أن يرفعك الى أعلى الدرجات يعنى مش القرآن اللي هيضيعلك وقتك.وخليك فاكر انك ممكن تقعد تذاكر كتير وربنا لا يبارك لك في مذاكرتك عرف ليه؟ عشان انت أهملت القرآن.حاول تقرأ صفحة واحدة من القرآن كل يوم وأكيد ربنا هيكرمك ويباركلك في وقتك ووالله الكلام ده عن تجربة شخصية .جرب و هتشوف النتيجة وتذكر قول الله سبحانه وتعالى(ومن يتوكل على الله فهو حسبه) صدق الله العظيم
ننتقل للخطوة التانية نحو التفوق: فيه أكتر من طالب يقول أنا نفسي أجيب مجموع كبير بس مش عايز أذاكر وماليش نفس أذاكر وحاسس بالملل من المذاكره أعمل ايه؟
الاجابة على هذا السؤال في المرة القادمة أن شاء الله والسلام عليكم ورحمة الله وبركاته

[fares elnet]

شكرا لموضوعك الجميل والمجهود الكبير ده


بس احنا اتكلمنا فيه كتير وفيه موضوع اسمه عنق الزجاجه



وفيه موضوع للعضو بلال كان من اوائل الجمهوريه


بيوصف ازاى تكون من اوائل الجمهوريه


يعنى موضوعك للاسف مكرر