|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
25-12-2010, 09:11 PM
|
|||
|
|||
ماتش الاهلى
بسم الله الرحمن الرحيم ..................... مقدمه  ولا بحب اكتب مواضيع ولا بحب اعملها حتى الا نادرا ياعنى بس بعد اسبوعين سخفين امتحانات وخاصه اخر اربع ايام اللى كانو كلهم ورا بعض امتحانات والفران اللى كانت عماله تطاردتنى ف كل حته  فلازم الواحد يطلع الغل اللى جواه ف حاجه عدله بدل ماانا مطلعاه ع اخواتى كده فممكن تلاقوا كلام عجيب ومش لايق ع بعضه وومكن كلام متناقض وممكن مش مترتب وممكن متكرر عادى جدا اعملوا نفسكو مش واخدين بالكو اخش بقى ف الموضوع وكفايه رغي ............. ماتش الاهلى ان شاء الله يوم الخميس اللى جاي ربنا يستر مما لاشك فيه اكيد مش متفائله خالص قلقانه جدا جدا مش بتفائل لما بلاقى الزملكاويه متفائلين غالبا بناخد ع دماغنا لما نبقى واثقين ف نفسنا اوى ومستهيفين اللى قدامنا والعكس بنعمل نتيجه كويسه و نلعب جيم حلو لما نبقى خايفين ومتوقعين الاسوء (عامه مش ع ماتش الاهلى) (مش دعوة للتشاؤم مجرد ملاحظه ) ... طبعا وكالعاده الحظ اللى مش ناوي يسيب الاهلاويه ف حالهم لازم حاجه تحصل تعليهم نفسيا قبل اى ماتش مهم او مرحله مهمه زى ماتش الحرس كده يبقوامغلوبين وبعد كده يكسبوا ابو تريكه يجيب كام جول و معنوياته تتحسن ولسه يا عالم هيحصل ايه ف ماتش المقاولين او زى الموسم اللى فات يجيبوا جول ف اخردقيقه فيعلو نفسيا و ياخدو دفعه هايله كملوا الدورى بيها بعد ماكانو وحشين مشكله ماتش الاهلى و الزمالك نفسيه اكتر منها بكتير فنيه هاتكلم عن الفنيه تحت شويه نفسيا بقى للاسف علشان ال6 سنين اللى فاتو الاهلى بيدخل الماتش وهو اعلى مننا نفسيا بكتير كلاعيبه و كجماهير و واثقين ان لو دخل فيهم جول ولا حتى10 هيكسبوا ع عكس لاعيبه الزمالك اللى بتنزل الماتش و هى شايله ع اكتافها حمل ال6السنين اللى فاتو مع كل كورة ولو اتغلبوا ولو دخل جول و الجمهور و الاعلام وكل الكلام ده حتى احنا كجمهور بيبقى عندنا الاحساس ده والكلام ده بان جدا ف اخر ماتشين ف ماتش 3-3 اللاعيبه ماكنتش مصدقه ان خلاص اخر دقيقه وهيكسبوا و بسبب الغلطات الهبله والغبيه من احمد غانم اتعادلنا ف ماتش3-1 و نتيجه للى حصل ف ماتش3-3 من الاحباط الكبير للزملكاويه ولاعبيتهم يتقدمو3مرات و يتعادلو و ف اخر دقيقه و الثقه الرهيبه اللى خدها الاهلاويه نتيجه ده و الضغط الكبير اللى كان ع لاعيبه الزمالك ان يا يكسبوا يا يكسبوا حصل اللى شوفناه ده و شفنا اشباه اللاعيبه اللى كانت موجوده ماحدش عارف ولا يستلم ولا يسلم ولا اى حاجه استحاله بأى حال م الاحوال ساعتها ان يكون ده الفرق ف المستوى بين الفرقتين الضغط النفسى علينا و ثقه الاهلى و وعدم الثقه عندنا خلى الماتش يخرج بالماتش ده و اصابه ابراهيم برده اول 10 دقايق كملت الموضوع بيتهيقلى لو كانت نفس لاعيبه الاهلى دول بمدربهم بكل حاجه ب بيلعبوا بس مش اسم اى فريق تانى حتى لو برشلونه ف نفس الملبعب ونفس التوقيت ماكنش هيخرج الماتش كده ابدا بس انه يبقى ماتش عادى بين فرقتين فنيا بس ونشيل الحته النفسيه دى هنشوف كلام غير كده خالص .... (((لكى تنجح لابد ان تكون رغبتك ف النجاح تفوق خوفك من الفشل ))) اهى الجمله دى اللى انا عامله الموضوع ده كله عشانها لو الزمالك عامه و خاصه لاعيبته نفذوا الجمله دى هيبقى المشكله اتحلت خلاص المشكله ف كل الماتشات اللى فااتت ف الاخر دى ان هما بيبقوا خايفين يتغلبوا اكتر م انهم عايزين يكسبوا فبنلاقى التوتر والميس باص والسرحان والتوهان و الغلطات اللى تودى ف داهيه اللى يأكد الكلام ده كمان اكتر لما نراجع الاجوال اللى دخلت ف الزمالك اخر موسمين او3 م الاهلى هنلاقيهم مش مهارة و قوة م الاهلى خالص بالعكس غلطات متخلفه م لاعيبه الزماك #جول شريف عبد الفضيل الحيطه مفتوحه و بتقوله هات جول # جول عماد متعب ف 3-3 الصفتى واقف بيتفرج ف ماتش خلص1-0 برده لفلافيو م عرضيه لوحده خالص ولا حد كان معاه خالص # جول لفلافيو برده ف ماتش افريقيا م عرضيه جلبرتو لما محمد عبد الله ادهالو مع ان الكورة كانت م اعبط ما يكون # اجوال بركات رساله شكر وتقدير لاحمد غانم عمل الواجب و زياده و اغلبيتهم بقى لو راجعتوهم هتلاقو كده اجوال الزمالك بقى هنلاقى معظمها اجوال ملعوبه اكتر ماهى غلطات او هفوات م الاهلى ياعنى لو لاعيبه الزمالك مركزة وشايله م دماغها حوار الاهلى ده خالص ماعتقدش كانت هتغلط خالص بالشكل ده فنيا بقى مش مقتنعه خالص بالكلام احنا اقوى م الاهلى بكتير ياعنى لو قارنا بمنطقيه هنلاقى التفوق بس ف خط الهجوم ×الساحر شيكا طبعا (و اللى مش مضمون خالص ف ماتش الاهلى علشان اللى جماهيرهم هتعملوا ) المشكله بقى ان الفرقه بقت معتمده اعتماد تام ع شيكا لو بصينا ف 3/4 الماتشات اللى اتلعبت او اكتر كمان هنلاقى شيكا هو السبب بعد ربنا طبعا ف الفوز يا يجيب الاجول يا يعملها و امبارح كان اقرب حاجه جاب جول و عمل التانى بمهارة غير الفرص اللى عملها والاعيبه ضيعتها زى بتاعه هانى سعيد مثلا و الكورة الى رقص فيها 3 و النحس وقف قصاده وعدت م ادام خط الجول وكنت هتشل انا وهو فيها فلو جماهير الاهلى استلمتو وده غالبا و هو استسلملهم او واحد رخم زى حسام عاشور مسكو و شيكا استسلملوه يبقى البقاء لله ف حوالى 80% م القوة بتاعتنا حراسه المرمى رغم ان نظريا ماينفعش نقارن بين وحيد و ابو السعود بس و حيد بمستواه بتاع اخر كام ماتش ربنا يستر فماتش الاتحاد مش فاكرة ان وحيد صد كورة واحده طول الماتش ال3كور اللى عليه دخلو اجوال و العرضيات كمان هو ضايع فيها و بقى يخرج بطريقه متخلفه م الجول قلقانه جدا منه بجد ربنا يستر الدفاع وخط النص حدث ولا حرج شوارع و طرق صحراوى مفتوحه ماشاء الله ولو قارنا كأفراد هنلاقى خط نص ودفاع الاهلى دولى كله تقريبا و عندنا 3 بس منهم واحد مالعبش الا ماتشين بس او اقل و واحد ماكملش5 ماتشات و الصفتى ربنا يحميه ويحمينا م غباؤه غانم كذلك لولعب ربنا يستر عمر جابر 18 سنه بجد فيما عدا الهجوم بقيه الخطوط رايحه ف داهيه داخل فينا اجوال كتير جدا جدا امبارح بنلعب م غير حد احتياطى للصفتى و فتح الله ولولا ان عندنا هجوم بيعوض كان زمانا متسوحين المشكله بقى ان ف ماتش زى الاهلى مافيش فرصه ان يدخل فيك جول واتنين وترجع تعوض فربنا يستر بردو عامه برده الفريق كأداء مش وحش بالعكس بقوا بيلعبوا بجماعيه كويسه وانتشار حلو (علشان ماتقولش متشائمه بس (.... الموسم ده عامل زى موسم6_1 كان هجوم الزمالك جبار و عامل ريكورد جامد ف الاجوال بس الدفاع كان عامل هو كمان ريكورد ف الى دخلوا فيه لحد ماحصل الللى حصل ف الماتش ده ربنا يستر نقط سريعه كده # شيكا : خايفه عليه مووووت بجد م جماهير الاهلى اللى حصل ف ماتش الحرس و الكلام ع منتدايدتهم و صفحاتهم ع الفيس و الصور اللى بيعملوها بيقول انهم بيحضروا لمصيبه سوده بجد حساه هينهار و مش هيستحمل وهو طيب وحساس . عجبتنى اوى حركه ان وحيد اداله الشارة امبارح و غالبا برده احتمال يدهاله ف ماتش الاهلى علشان يعليه ويساعده نفسيا اللى عمله شيكا امبارح بعد الجول بيطمن شويه انه ولا همه ولا بتاع بس مش ضامنه اللى هتعملو جماهير الاهلى خالص. زعلت اوى ع الكورة اللى ضاعت منه امبارح م ادام خط الجول بس اتمنى ان يكون ربنا كاتبهاله يبقى جوله ال10 ف الاهلى علشان يخرص اللى هيشتمو وساعتها ممكن الاهلاويه يقلوا فيها للنص و يا سلام بقى لو جاب جونين ولا حاجه يا سلام ربنا يكرمك يا شيكا يارب و يكرم الزمالك معاك # ابو تريكه : انا ممكن استحمل ان احنا نتغلب الماتش ده بس ان الكائن ده يجيب جوله ال100ف الزمالك و يحتفل بيها ع افانا او يجيب ال101 برده والاهويه يغنو الاغنيه السخيفه بتاعتهم لا يبقى كتير ياعنى مش يبقى موت و خراب ديار نفسيتى ماتستحملش و احنا داخلين ع امتحانات كده يجبهم ف المقاولين يجيبهم بعد ماتش الزمالك ان شالله يجيب 100كمان زيهم بس ف الزمالك لا و لو ان غالبا واحنا نادى فقر وجمهور نحس ده اللى هيحصل # جدو : حاسه انه هيجيب جول زمالك رولز  # حسام حسن : ربنا معاك يارب اتمنى ماتعمل لود جامد ع اللاعيبه علشان مايحصلش زى الماتش للى فات ان شاء الله خطه كويسه وتشكيل كويس ولو لا قدر الله حصل اى حاجه ف الماتش ااتمنى يبطل يعمل شغل البلاي ستاشن بتاعه يطلع الدفاع وخط النص وينزل بالهجوم كله و بجد م كل قلبى مش عايزة اشوف خلقه ابو كونيه ف الملعب خالص # أاحمد الطيب : يارب شوبير يخليه جدع ويبطل رخامه ويسيبه هو اللى يذيع بجد المعلق الوحيد اللى يتسمعله دلوقتى متعه متعه وانت بتتفرج عليه و زملكاوى و بيعشق شيكا وبيلقح كلام وبتبقى حاجه جامده بجد يارب يفضل يذيع ع طول واسمعه بيباركلنا بالفوز كده  اخيرا ان شاء الله هنكسب وان ماشائش هنتغلب او نتعادل( لا قدر الله) يارب سنه سعيده علينا جميعا يارب و نهايه سعيده للسنه دى ياااااااااااا رب .................. (مش عارفه الموضوع طلع طويل كده ليه؟  يارب ياعنى لو حد قراه مايزهقش
(
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
آخر تعديل بواسطة Bent 3bdo ، 26-12-2010 الساعة 12:23 AM |
|
#2
26-12-2010, 12:28 AM
|
||||
|
||||
اقتباس:
أنا قرأت الموضوع من أوله لأخره علشان أشوف التفاؤل اللى جوايا جايبه منين ملقتلوش مصدر لقيت هيجى فينا أجوال و الدفاع بايظ وخط الوسط مش دولى والهجوم حلو بس لأنه بيعتمد على شيكا بس شيكا عليه العوض من الجماهير هتعمله فيه يعنى الهجوم بايظ برضه بس لما وصلت للأخر لقيت مكتوب إن شاء الله هنفوز قولت الحمدلله لكن لقيت بعدها و إن.......هنتغلب قولت مفيش فايده على فكره إنتى مفسره اللى بيدور فى دماغ بعض الزملكاويه بالظبط بس بإحباط شديد ذنبهم إيه المتفائلين بالفوز يقرأو اللى بيدور فى دماغهم بالإحباط ده حرام عليكى ضيفى ذرة تفاؤل للموضوع
 |
|
#3
26-12-2010, 12:43 AM
|
|||
|
|||
|
اقتباس:
انا بفسر معنى كلمه ان شاء الله بس ف كتاب زملكاوى بتاع عمر طاهر كان بيتكلم ع نوع من جماهير الزمالك بيقولك بيبقى واثق ف فرقته بس مش بيبن او بيحاول يخفى كده او مايصدقش الاحساس ده علشان يحافظ ع جو الاثارة بس ماعتقدش انى كده خالص خير خير
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#4
26-12-2010, 10:22 AM
|
|||
|
|||
|
# الوقت بدل الضايع :
مش عايزة اشوف حد بيضيع وقت ولا حد يتصاب الماتش 90 دقيقه مش عايزة ولا دقيقه زياده وياريت كمان لو يتلعب 89 واحده صابحت بتقول بس مش عارفه صح ولا لا لو الماتشات 89 دقيقه بس كان زمان الاهلى معاه نقطه بس اهم حاجه علشان نخرج بالماتش ده لبر الامان مانلعبش وقت بدل ضايع
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#5
26-12-2010, 08:13 PM
|
||||
|
||||
|
اقتباس:
إن شاء الله ربنا هينصرنا |
|
#6
26-12-2010, 09:24 PM
|
||||
|
||||
|
اقتباس:
لا ما احنا فى الماتش ده مش هيفرق معانا الوقت لأن هنكون غالبين بفرق كبير
|
|
#7
26-12-2010, 09:30 PM
|
||||
|
||||
|
اقتباس:
إن شاء الله الفوز لينا يا مستر
بس هو حضرتك طلعت من الجماهير اللى بتحب تقنع نفسها إن فرقتها ملهاش لازمه ولا إيه |
|
#8
27-12-2010, 10:34 AM
|
|||
|
|||
|
اقتباس:
شكرا يا مستر و ربنا يخيب ظنى ونكسب اقتباس:
اقتباس:
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
آخر تعديل بواسطة Bent 3bdo ، 27-12-2010 الساعة 01:17 PM |
|
#9
27-12-2010, 02:21 PM
|
||||
|
||||
|
اقتباس:
اعتقد هذا الكلام لا يليق بلاعب مثل ابو تريكة وكلمة كائن هذه كما لو كنتي تتحدثين عن مخلوق اتي من كوكب آخر
نحن نريد الروح الرياضية وندعو اليها كما ندعو الى نبذ التعصب الأعمى تجاه الأندية فلا داعي من مثل هذه الألفاظ التي تؤدي الى اشعال فتيل الخلافات بين جمهور الناديين .
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين   آخر تعديل بواسطة MR : ABO BATTA ، 27-12-2010 الساعة 02:23 PM |
|
#10
28-12-2010, 01:19 AM
|
||||
|
||||
|
اقتباس:
من الممكن أيضا للمشجع الزملكاوى أن يعيش جو الإثاره ولكن بطريقه أخرى فهناك من يفكر إن النادى الأهلى ممكن يشيل هزيمه تقيله أو هناك من يفكر فى مفاجأة التشكيل التى لابد ولا مفر أن تأتى فى هذه المباراه وهناك من يثق ثقة عمياء فى فوز فريقه ولكن يعيش جو الإثاره فى المباراه نفسها وقت إحراز الأهداف وهناك الشخص الأخر الذى أخذ يستعد للمباراه قبل أن تبدأ بساعات وقرر أن يأخذ إستراحة قصيره ويخلد إلى النوم فنام فى ثبات عميق وغفل أن المباراه فى السادسه مساءا واستيقظ فوجد فريقه متقدم بنتيجه كبيره (طبعا أكيد ده كان بيحلم)
|
|
#11
28-12-2010, 01:44 AM
|
||||
|
||||
|
اقتباس:
ههههه على فكره هى كويس إنها جات على كلمة كائن لأن الواقع فى زملكاويه كتير بيكرهوا أبوتريكه لدرجة إنهم يكرهوا يقولوا إسمه أنا لو قولتلك صاحبى بيقول عليه إيه مش هتزعل من كلمة كائن دى
|
|
#12
28-12-2010, 12:16 PM
|
||||
|
||||
__________________
معلم اللغة العربية بمدارس المنصورة كولدج الدولية  |
|
#13
28-12-2010, 02:25 PM
|
||||
|
||||
|
اقتباس:
يا حضرة الزملكاوي للأبد هذا الاسلوب لا يليق .. اللي يكره اي لاعب يكرهه مع نفسه .. ورأي صاحبك احتفظ بيه لنفسك .. انا قلت عايزين الروح الرياضية تسود ..
وبهذه المشاركات سيحدث جو من العصبية واكيد هتجر وراها الغلط اللي مش عايزين نوصله .. فبعد اذنك بلاش من هذه المشاركات
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين |
|
#14
28-12-2010, 04:25 PM
|
|||
|
|||
|
ايه يا لولو الجمال دا كله توبيك جاااااااااامد جداااااااااااااا وان شاء الله هنكسب واسكور كمان ان شاء الله
__________________
اللهم استجب من ام يعتصر قلبها على فراق ابنتها .. و اربط على قلبها .. و برّد عليها نار الفراق .. يا رب احشرها مع الانبياء و الصديقين يا ارحم الراحمين |
|
#15
28-12-2010, 04:26 PM
|
|||
|
|||
|
اقتباس:
زملكاوية والفخر لينااااا
__________________
اللهم استجب من ام يعتصر قلبها على فراق ابنتها .. و اربط على قلبها .. و برّد عليها نار الفراق .. يا رب احشرها مع الانبياء و الصديقين يا ارحم الراحمين |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:45 AM.
