عالم فلك: اقتراب الأرض من قمة الشمس سبب ثورة يناير

[طارق69]

أوضح الدكتور مسلم شلتوت نائب رئيس الاتحاد العربي لعلوم الفضاء التابع لجامعة الدول العربية أن ثورة يناير حدثت نتيجة لاقتراب كوكب الأرض من قمة الشمس وهو أقصي نشاط للبقع والانفجارات الشمسية، معللاً ذلك بأن هناك نظريات عن «تأثير الطبيعة» لبعض علماء الشمس والتاريخ تؤكد أن الوصول إلي قمة الشمس لها دور في الثورات الكبيرة مثل الثورة الفرنسية والثورة الروسية والحرب العالمية الأولي والثانية، حيث إن هذه الثورات حدثت أثناء قمة نشاط شمسي عال ونتيجة للبقع والانفجارات الشمسية التي أدت إلي حدوث عواصف مغناطيسية علي الأرض وتغيير المركبة الأفقية للمجال المغناطيسي الأرضي بمقدار كبير، ونظرًا لأن الجهاز العصبي للإنسان مركب علي مجال مغناطيسي معين فإن هذه التغييرات المفاجئة للمغناطيسية تؤدي إلي زيادة حدة الانفعالات عند الإنسان وبالتالي تقود إلي ثورات وحروب.

ولفت إلي أن كثيرًا من علماء التاريخ يرفضون مثل هذه النظريات العلمية لتفسير التاريخ علي أساس أنها تتجاهل العنصر البشري وإرادة الإنسان وأن الثورات تحدث نتيجة لظروف اقتصادية وسياسية ودينية وفي بعض الأحيان مرتبطة بالإنسان نفسه.
http://www.rosaonline.net/Daily/News.asp?id=113384

[Mr. Ali 1]

ويا تري قبل 25 يناير كان كوكب الأرض مقترب من قاع الشمس ؟!
طيب والثورة التونسية كان كوكب الأرض فين ؟!

[العروبة2]

لا والله وده بقى على اى اساس؟؟؟؟؟؟؟

[راجى طاعة الرحمن]

دة على أى أساس الكلام دة؟؟؟؟؟؟؟؟

الثورة دايماً من جوة الشعب ومن داخل مشاعره مش من إن الأرض موجودة عند قمة الشمس

طيب المتظاهرين كانوا عارفين الشمس فين؟

الدعوة للمظاهرات كانت قبليها بفترة كبيرة

[هانى الشرقاوى]

عمو عبده اللى على ناصية شارعنا
مقتنع إن حلاوة الكشرى بتاعه هى سبب ثورة يناير
لأن الثوار كانوا بياكلو من عنده

وواحد صاحبى مقتنع انه سبب الثورة
لأن عيد ميلاده 25 يناير

ههههههههه
ولسه

[ابو ضيف 15]

شكرا حضرتك على الخبر بس نقدى موجه للعالم الفذ
عايز اسؤاله ليه الارض مولعتش بينا هههههههههههههههه

[Arkenine]

لا إله إلا الله ، وما دام بقى الحكاية كدة . اشمعنى الثورة حصلت عندنا أحنا بس مش المفروض باقى الناس انفعلوا برضه ولا إيه ؟؟؟؟!!! ربنا يشفى كل مريض .

[basmet el rabi3]

شئ محزن إنهم بيعاملوا الناس على إنهم على قدر كبير من السذاجة ليصدقوا أى شئ يلقى عليهم .
لو صح الكلام ده ... كانت حصلت أحداث تانية مشابهة فى كل بقاع العالم زى أوروبا و أميريكا و غيرهم مش بس فى العالم العربى ... و للا إيه ؟

[احمد م حجازي]

انها ارادة الله

و الاهم أن النصر و ازاحة النظام الفاسد السابق من عند الله لقد دب الله الرعب في قلوب هؤلاء الفسدة مع كمل الجبروت و القوة و السيطرة و جهاز الامن الاقوي من أي جهاز بالمنطقة العربية كما كانوا يدعون

أنه نصر الله افيقوا ايها الناس و ارجعوا الى ربكم و احمدوا الله على ما نحن فيه الان من نعم
و لنعمل جميعا على انجاح الثورة و ليغير كل منا من نفسة

لولا نصر الله لكنا مثل اليمن أو سوريا او ليبيا أو أكثر مثل الصومال

لا ائتلاف الشباب و لا شباب الاخوان و لا شباب الاحزاب و لا اي قوي على سطح الارض كانت سبب النصر فى ثورة 25 يناير انما النصر من عند الله

اشكروا الله و احمدوا الله و ارجعوا النصر الى الله الذى دب الرعب في قلوب الظلمة الفاسدين المفسدين

جزاكم الله كل الخير و اعز بكم المسلمين فى كل بقاع الارض