احلى نكت تسمعها

[NAGHAM2000]

مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون

واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!

دكتور بيطري بيقول لمراته انا بهيم في حبك قالتله وانا ماقدرش ارفسلك طلب

بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل

واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر

بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر

واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة


ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش

مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

واحد رمى على حبيبته ورده فماتت ليه ؟؟؟؟؟؟؟؟؟؟؟؟؟؟؟؟ نسي يشيل الوردة من الفازا

واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده

واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى... قاله افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية


سأل الأب ابنته بعد امتحان القيادة هل نجحت فى امتحان القيادة ؟ لا أدرى .. فالممتحن لا يزال فى المستشفى


صرصار خارج من السوبر ماركت فرحان عشان شاف صورته على علبة ريد


واحد كمسري بيقول لابنه تذاااااااكـــــــــــــــــــــــر ............. تنجح

واحدة عندها قطة كل ما تيجي تتخلص منها ... القطة ترجع تاني.... فبعتت ابنها يتخلص منها و يرميها بعيد عن البيت عشان ما ترجعش ... راح واخد القطة وقعد يلف يلف لحد م تاه عن البيت ورجع متأخر .....فسألتة والدتة اتأخرت لية؟؟ قال لها انا تهت ......قالت له طب رجعت ازاي؟؟؟ قال لها مشيت ورا القطة

واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه


مرة واحده سافرت وسابت قطتها مع صديقتها ..وبعد فتره اتصلت بها وقالت لها ايه أخبار القطه؟ ..... قالت لها قطتك ماتت. قالت لها طب كنتى تمهديلى الخبر شويه فتقولى... (القطه كانت تلعب بالكره).. (الكره جريت الى الحديقه ).. (الكره جرت الى الشارع).. (القطه كانت تجرى وراء الكره).. (عربيه خبطت القطه ).. (ماتت القطه).. ثم قالت لصديقتها كيف حال العائله قالت لها : (امك كانت تلعب بالكره)........


واحد مؤدب اتجوز واحدة مؤدبة ، الست حامل فى توأم ..فـ يوم الولادة قعد الدكتور ساعات يولدها ... عشان كل واحد من الطفلين عمال يقول للتانى .. لأ اتفضل انت الاول

واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه

واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق

مره واحد بيقول لواحد صاحبه: اسكت مش انا حماتى ماتت امبارح... قاله يا ساتر يا رب... ماتت ازاى الست دى؟ قاله وانا واقف معاها فى البلكونه وقعت من الدور الخامس... قاله دى موته وحشه ... قاله لأ.. ماهى ماوقعتش على الارض... قاله امال ماتت ازاى؟ قاله وقعت على سلك الكهرباء... قاله يا ساتر يارب دى موته وحشه قوى.. قاله بس الكهرباء كانت مقطوعه... قاله امال ماتت ازاى بس؟ قاله اصل السلك نطرها في حمام السباحه... قاله ماتت غرقانه... قاله لأ طبعا... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟ قاله ما انا لما ما لقيتش فايدة رحت خانقها بالإيشارب

ديك و فرخه معدييمن من قدام محل شاورما ..الديك بيقولها شوفى اللى بيحصل للى مبتسمعش كلام جوزها

ثلاث صقور اتراهنو على اللي يصيد اكتر طار الاولاني ورجع لقيو منقاره غرقان دم وقالهم شايفين الشجره اللي هناك قالو ايوه قال صدت هناك ارنب قام التاني طار ورجع منقاره غرقان دم اكتر قالهم شايفين الشجره اللي هناك قالو ايوه قال صدت عندها غزال قام التالت طار ورجع وشو كلو غرقان دم وقالهم شايفين العمود اللي هناك قالو اه قالهم انا ماشفتهوش

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

مطرب صوته وحش قوى قاعد يغني ويقول ..هينووبه ايه العازول لما يفرقونا.. قام واحد من القاعدين قال له هينوبه ثواب

مرة واد بيقول لجدتة تتجوزى يا تيتة ولا تاكلى مهلبية قالت لة أنا ما ليش سنان للمهلبية يا أبنى

واحد مبسوط شوية بيكلم نفسه .. أنا مش عارف مواعد واحدة الساعة اثنين ولا مواعد اثنين الساعة واحد

مرة اثنين عندهم كلاب صيد صاحب الكلب الاول أول ما يضرب طلقة من الندقية ، يجرى الكلب ويروح يجيب الفريسة.... والثانى أول ما يضرب الطلقة كلبه يكّش.... فنصحة صاحبة انه يروح الافراح فى الارياف ، فالكلب هيتعود على صوت الرصاص... راح الارياف وفضل يحضر فى افراح لمدة 6 شهور...... وبعدين رجع يصطاد ، راح ضارب طلقة من البندقية... راح الكلب وقف على رجله وقعد يزغرط

واحد اشترى موبايل فحب يعملها لمراته مفاجأة راح داخل البيت في السر واستخبى في الحمام واتصل بيها من الموبايل ولما ردت عليه قال لها ازيك يا حياتي أنا جاي في السكة قالت له :لأ اوعى تيجي دلوقت أحسن أبو سيد مستخبي في الحمام

واحد إشترى رغيف عيش جه ياكله لقى فيه ديل فار ، راح يتخانق مع بتوع الفرن قالوله دي مسابقة .....أكمل أجزاء الفار تكسب 10 أرغفة مجاناً