استفسار الي اصحاب الخبرة

[elmister_79]

انا اعمل مدرس لغة انجليزية ولاننا كتير في المدرسة ففينا اللي واخد 9 حصص واللي و اخد 6 ولان المدرسة فيها مدرسين عربي قليلين فالواحد فيهم واخد 12 حصة فعملوا أعتصام داخل المدرسة وطلبوا من مدير المدرسة انه يساوي الجميع فهو علشان يرضيهم راح قال ان كل المدرسين هيكمل ليهم الجدول الي 18 حصة يعني ناوي يضيف لنا حصص مواد أخري غير تخصصنا فهل هذا قانوني أرجو الرد ؟

[أبـو مـريـم]

من الواضح أن مدرستك ابتدائى
شوف يا أشتاذى
مدرس اللغة الانجليزية والحاسب الألى والرسم والموسيقى والتربية الرياضية بالذات محدش يقدر يشغله حصة واحدة فى الجدول فى غير تخصصه
مشكلة الزيادة مش مشكلة المدرسة ولا المدير دى مشكلة توجيه
أنا مدرستى فيها نفس الكلام ده
فيه ناس معاها 6 وفيه 9 وفيه 24 كمان
ومحدش بيتكلم بصراحة ويقول اشمعنا على الرغم من الفارق الكبير جدا بين 24 حصة وبين 6 حصص
ولكن تقديرا من المدرسة لهم أعفتهم من حصص الاضافى ومن الريادة

[وليد زكير]

لابد من نقل الزيادة الى مدارس العجز هذا من العدل

[بنت كايرو]

الله ايه الجمال ده

انا كنت 30 حصة و ان شاء الله بعد العيد هكون 24
مش عارفة هعمل ايه فى الوقت الزيادة هههههههههههههه

مع العلم ان مدرسنا الاول هيفضل 30

خلاص تعالى عندنا المدرسة

[eltabry]

ياجماعه انا شايل 12 حصه ورياده ومشرف وده كله لاني الراجل الوحيد الي ف اسره الدراسات وبقيه الاسره بنات ده حلال ولا حرااااااااااااااام