مليونة للمعلمين الجمعة 10/6 لردع الظلم عنا

[هيما2010]

مليونية المعلم بميدان التحرير يوم 10 / 6 هى لأحسن رد على استبعاد المعلمين من الحد الأدنى ..... انشروا الخبر يا معلمين و اشتروا جريدة الأخبار النهاردة الجمعة .....!!!! شوفوا مستشار وزير المالية بيقول ايه استبعاد من يتقاضي كادرات خاصة من الحد الأدني للأجور مش كفاية الدرجات المالية ضاعت علينا ارجو من كل معلم لو عنده كرامة او زرة دم يتحرك وشارك في المليونية من جميع المحافظات

[kind_heart100]

اقولها صراحة المليونيات لن تفيد لان المسئولين عارفين انها مليونية وتخلص

اما افضل شئ هو الرد العملى ( الاضرابات عن امتحانات الثانوية العامة والتصحيح)
ومن هنا اقسم بالله انى لن اذهب الى امتحانات الثانوية العامة مهما حصل اخرتها ايه يعنى جزاء مش مهم
ارجوا ان نتحد ولو لمرة واحده

[hanafi32]

فى ظل هذا الوزير الذى أعلن الحرب عل المعلمين وطرقة كلامه عنهم لا مفر من أن نعترف بالحقيقة وهى ان المعلم محتقر من الكل وذلك لتقاعسه عن المطالبة بحقه حرمان من الدرجة وكمان من الحد الأدنى لأنك محسوب غنك يتاخد كادرو إن كان عاجبكم يا معلمين أعلى ما فى خيلكم اركبوه لا درجة ولا حد أدنى

[محمود درهاب]

لابد من وقفه جاده ايها المعلمون ونقف كلنا ضد هذا الظلم

[mimi1234]

قلنا اضراب من زمان قلتو لا الخير جاى طب خدوا ثمن السكوت بقى

[شاعر الليل وظلماه]

اتمنى أن نتحد ونتخذ قرارا للمرة الأولى في تاريخ المعلمين
لا لكادر المعلمين
لا لضياع الحقوق
لا للكرامة المفقودة
مرة واحدة يا معلمي مصر نريد أن نشعر بكرامتنا
مرة واحدة نبحث وندافع عن حقوقنا المنهوبة والمسلوبة

[أ / نادر النقاش]

أنا مش عارف المعلم ده منحوس ، و الا البلد دى إل متستهلش الخير ، الوزير ده طلع خرو................................ وللعلم لله احنا موعودين بوزرا مينفعوش حتى نظار حظيرة حيوانات

[المصارع]

لا ما ينفعش السكوت ع المهذله دى

[dr.mhmud]

المشاركة الأصلية كتبت بواسطة mimi1234

قلنا اضراب من زمان قلتو لا الخير جاى طب خدوا ثمن السكوت بقى

صدقت والله
كانت أمامنا فرصة كبيرة يوم 2 مايو
لكن للأسف السلبية أساءت للجميع

[عبدالحليم احمد عبد الحليم]

قلنا اضراب من زمان قلتو لا الخير جاى طب خدوا ثمن السكوت بقى
بصراحة نستاهل اللى بيحصلنا


افتكروا اللى انا كتبته فى الرابط ده

http://www.thanwya.com/vb/showthread.php?t=308135

[mostafa_basha]

انا نفسى افهم هوة مفيش حد بيفهم فى الاقتصاد غير سمير بية

[عادل كمال احمد]

هما تقديرهم لنا كده
انتوا ليه مش عاوزين تواجهوا نفسكم بالحقيقة
كل من في الدولة يحتقرنا
ساعة ما يلقوش حاجة يتكلموا فيها
بيكون المدرس هو الخروف اللي بيدبحوه ويسلخوه ويعملوا عليه شربة
علشان شوية شهرة
هو ده وضعنا ما دمنا راضيين وساكتين

[booody47]

ارفع راسك ... فأنت المعلم ... و أنا المعلم ... أنت الصانع قبل الصانع .... و أنت القاضى قبل القاضى ... و أنت الطبيب قبل الطبيب ... و لولاك ما كان أحد ....!! مليونية المعلم ... فى جمعة المعلم ... فى 10 / 6 / 2011 ... ميدان التحرير .... نعم لتحرير المعلم ... كفانا استجداءاً .... كفانا كلاماً ... كفانا صمتاً .... ارفع رأسك ... و قل أنا المعلم ... أنا المعلم ..!!

[شعبان ناصر على]

لازم تولع هذا الاسبوع

ثورة على الكادر الظالم للمعلمين
ان شر البلية ما يضحك
بالتاكيد موافق على الاضراب
لقد زادت مرتبات المعلمين الزيادة القصوى بفعل هذا الشئ المسمى الكادر
حقا نحن نستحق ما يحدث لنا
ولسه اكثر من ذلك سوف يحدث
طول ما احنا بهذا التخاذل الرهيب بين المعلمين فى كل المراحل
و على راسها المرحلة الثانوية
انها مهزلة ان نحرم من كل المميزات الممنوحة
لكل موظفى الدولة
و الحجة اننا كادر
الا لعنة الله على هذا الكادر
الذى اذل المعلمين كل هذا الذل
اخوانى المعلمين
يجب ان بكون لنا موقف رجولى حقيقى
كلنا معا
وليس مجرد 200معلم يتظاهرون امام ماسبيرو
فالنتعاون جميعا على اجراءات فعلية
فالوقت يمضى
و العجلة تفرم المعلمين
وسلملى على الكادر والسيد الوزير الهمام
المدافع عن المعلمين
وعجبى عليكى يا بلد يا اللى تخلى معلمينك يتسولون ما هو حقهم
انها حقا مهزلة
ولابد من توصيل هذا الرفض
الى اعلى المستويات فى الدولة باى اسلوب
وباى طريقة
ليعلموا ان هناك معلمين شرفاء يدافعون عن حقوقهم
فليس هناك ما يمكن البكاء عليه
وحسبى الله ونعم الوكيل

[هومان]

وزير وزير عاوزين وزير منا يكون عنده تقدير للمعلم