"التربية والتعليم" تعلن تطبيق الحد الأدنى للأجور على المعلمين

[أ/اسلام المنياوى]

"التربية والتعليم" تعلن تطبيق الحد الأدنى للأجور على المعلمين

السبت، 4 يونيو 2011 - 18:59
أحمد جمال الدين موسى وزير التربية والتعليم
كتب حاتم سالم

أعلن الدكتور طارق الحصرى مساعد وزير التربية والتعليم للتطوير الإدارى، أن المعلمين سيدخلون ضمن مشروع الدولة لإعادة هيكلة الأجور ، ووضع حدين أدنى وأقصى لها .

وأكد "الحصرى" فى تصريحات خاصة لـ "اليوم السابع" أن الوزير أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات التى ينطبق عليها الحد الأدنى للأجور لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر مستوحاة من الدرجات المنصوص عليها بقانون العاملين بالدولة 47 لسنة 78 .

وكانت حالة من الجدل قد سيطرت على المعلمين خلال ال48 ساعة الأخيرة بعد انتشار أنباء عن استبعاد المعلمين من الجدول الجديد لأجور الموظفين بدعوة أنهم من أصحاب الكوادر الخاصة ، إلا أن مساعد وزير التعليم للتطوير الإدارى أكد أن المعلمين سيدخلون ضمن الفئات التى سينطبق عليها الجدول الجديد.


المصدر : اليوم السابع
http://www.youm7.com/News.asp?NewsID...65&IssueID=168

[أ/اسلام المنياوى]

للاسف انا كنت اول من شرح انهم لن يستطيعوا منع المعلمون من الزيادة فى الحد الادنى واننا استعجلنا لكن لقيت هجوم على وكاننى معادى للثورة

لازم تعرفوا اننا اى المعلمون لسنا قلة فى البلد واللى يقول غير كده يبقى هو اللى حاسس بالقلة
وهذا تصريح من اول من فجر الهجوم انظروا ماذا يقول

انا الحقيقه مفجر موضوع قيمه الحد الادنى بالمنتدى واول خبر وطالبت فيه بالاعتصام لانه ظلم وده واضح من مشاركاتى ولكن انا بأكد ان الوزارة والله بعتت لى رساله مفادها اننا ضمن الهيكل الجديد للاجور وخاصه على الاميل والفيس بوك وده اوضح دليل وشكرا لموقفنا الثابت لاننا على حق ومش بنلوى دراع حد ده العدل ازاى اتساوى مع واحد بدون تعليم مع انى ارفض العنصريه ولكن الازدواجيه هما ليهم تقديرهم ووظائفهم مش بقلل منهم بس انا بتكلم فى نقط الدرجات الماليه وليس المهن

بيعتذر بعد اتضاح الامر

[عادل كمال احمد]

اولا الكلام ده مش رسمي
ثانيا
الوزير لا يملك ادخالنا في الحد الادنى للاجور
ثالثا
التصريح لازم يكون من وزير المالية ويتم التطبيق على كل العاملين بالوزارة
رابعا
اياكم ان تنخدعوا بمثل تلك التصريحات

[أ/اسلام المنياوى]

يا جماعة افهموا هو وزير المالية اصلا صرح اننا محرومون علشان يصرح انه لينا

الخبر اتنشر فى الجرايد وكذبه مصدر من وزير التعليم

زى ما نكون عايزين ننحرم من الحد الادنى

ياريت نفكر بعقلانية و احنا مش قلة واللى مفروض نكدبهم هم اللى بيقولوا انهم اتصلوا وقلهم ان الوزير مقلش وبينفخوا فى النار

المعلمين مش قلة ومحدش يقدر يعاملهم بكده

[طارق احمد عبد السلام]

ماهو قال للى اقل من700جنية
يعنى بمبة

[zidan956]

خد بالك من الكلام وفسره كويس

المصيبة مازالت قائمة لأن العباقرة سوف يحسبون الإجمالى على النحو التالى


الأساسى + الأجورالمتغيرة + الحوافز + بدل المعلم + بدل الإعتماد + توزيع مكافأة الامتحانات على شهور السنة

وبكده يبقى جميع المعلمين لا يستحقون الحد الأدنى لأنهم يتخطون 700 جنيه بالحسبة السابقة

[أ/اسلام المنياوى]

يا جماعة لسة تفاصيلالصرف وحسابها ازي

[hanafi32]

هل تعلم ايها المعلم السلبى الجبان ان هذا الوزير وهو معين مخصصوص علشان يغطى على موضوع الدرجات المتوقفة وهو الذى أوعز لوزارة المالية ان المعلمين يتمتعون بكادر ولذلك لا يستحقون أى زيادات فماذا أنتم فاعلون هل ستناموا تانى فى العسل بعد النفى الشفهى الذى قدمه أحد أذناب الوزير أم انكم ستواصلون للحصول على كافة حقوقكم وطرد هذا الوزير الذى يسوى بين الفراش والمعلم مربط الفرس هو الدرجات وليس الحد الأدنى

[أ/اسلام المنياوى]

الخبر على بوابة الخدمات الاليكترونية بيقول

أعلن مصدر مسئول بوزارة التربية والتعليم أن المعلمين سيدخلون ضمن مشروع الدولة لإعادة هيكلة الأجور، وتطوير منظومة الأجور .
وأكدت الوزارة أن الدكتور أحمد جمال الدين موسي أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات الهامة التى ينطبق عليها إعادة هيكلة وتطوير منظومة الأجور .
وحيث أن المعلم أبرز عناصر العملية التعليمية التي يرتكز عليها تطوير التعليم، لذلك يتحتم استفادة المعلمين بكافة وظائفهم من تطوير منظومة الأجور ومن رفع مرتباتهم.

يعنى هنتعامل زى اى موظف فى الدولة لان ده يا جماعة اسمه حد ادنى ولكل درجة الحد الادنى بتاعها يعنى الدرجة السادسة هى اللى شرط انها تكون اقل من 700 علشان تاخد ال 700 يعنى مفيش ظلم خالص فلا تقلقوا

وادى جدول جريدة الاخبار رغم انى لا اثق فى جريدة الاخبار لانها هى مفجرة الفتنة والاخبار الغلط

[عاطف جوده]

نفسي حد يفهمني الجدول دا ماشي ازاي

[smsmale]

اظاهر ان الجدول واقف مش ماشى

[د/عزت التونسى]

المشاركة الأصلية كتبت بواسطة عاطف جوده

نفسي حد يفهمني الجدول دا ماشي ازاي

وانا زى حضرتك والله عاوز حد يفهمنى الجدول دة وكمان موضوع ال700جنيه للأقل من هذا المبلغ اما الاقدم يكون مصيره ايه **ايه التعمية وعدم الشفافية دى ليه اللف والدوران وعدم الوضوح

[شريف منير]

الجدول مرتبط بالدرجات واحنا لم يعد لنا درجات .. أين الدرجات ؟

[هيما2010]

هل تعلم ايها المعلم السلبى الجبان ان هذا الوزير وهو معين مخصصوص علشان يغطى على موضوع الدرجات المتوقفة وهو الذى أوعز لوزارة المالية ان المعلمين يتمتعون بكادر ولذلك لا يستحقون أى زيادات فماذا أنتم فاعلون هل ستناموا تانى فى العسل بعد النفى الشفهى الذى قدمه أحد أذناب الوزير أم انكم ستواصلون للحصول على كافة حقوقكم وطرد هذا الوزير الذى يسوى بين الفراش والمعلم