تغير المرحلة بالنسبة للسادة اللذين تم تعينيهم حديثا فى محافظة المنيا

[kkkk22]

نريد مقابلة السيد مدير مديرية التربية و التعليم بالمنيا لتغير الصفة من معلم أبتدائى الى معلم اعدادى خصوصا وأنة يوجد الكثير منا تربية عام حتى ولو تركنا ندرس فى المرحلة الابتدائية موقتا و لكن يقوم بتغير المرحلة رسميا على الورق كما فعلت معظم المحافظات الأخرى ................. هذة فرصتنا لأنة لو لم تغير فى هذة الأيام لن تغير فيما بعد

[الصصاروخ]

انا معاك هنعمل ايه

[ابو عمر الفاروق]

يا سيدس انا بستغرب ان كل المحافظات بتسعي لكدا ما عدا المنيا وبمعني ادق ماعدا محافظات الصعيد الظاهر اننا اتعودنا علي السكوت عن حقوقنا ومش عايز اقول ان اللي اتكتب علي القطر ايام الثورة كان صحيح للاسف

[sondoos]

جاءفاكس فى المديرية بعدم تغيير المرحلة عرضه علينا البيه مدير المديرية منه لله شخص غير محترم عندما كنا نحاول تغيير المسمى من معلم فصل لمعلم مادة وهم رفضين أى سماع شكوى مننا ولا ا ستجابة للتغيير وللاسف كنا عدد قليل حسبنا الله ونعم الوكيل للاسف معلمى المنيا معندهمش كرامة ولادفاع عن حقهم نحن جبناااااااء

[محمد فيثاغورس]

انا من الدقهليةولكن الصعيد دول رجالة واحنا معانا ناس من سوهاج مسيو عاطف ومجموعة من سوهاج بس للا سف مش كله عنده نت ولذلك حاولوا تعرفوا اللى مش عارف ان موعدنا الخميس 9 ستة ان شاء الله

[wmwmwm]

ربنا معاكم
أنا من الدقهلية

[محمد فيثاغورس]

موعدنا الخميس ان شاء الله

[الصصاروخ]

ياجماعة بلف ما بين موجه في الادارة والمديرية وشئون عاملين وتنظيم كل واحد كلامه عكس التاني ومنهم الى مش عايز يرد اصلا فقررت اكلف محامي قالوا استنه شوية مع ان حالات الكوسة قدامي كثير ، مش عارف اخرة البهدلة مع المسئولين ايه
بخصوص التحويل من معلم فصل الى مادة قالوا من بداية يوليوا لجميع ادارات المنيا بعد ما التوجيه طلع عينينا في كلام قاعد المرحلة ....................................... ولا الدرجات المالية

[ahmedhammam]

لازم يتغير المسمى الوظيفى حسب المؤهل ......... يعنى ظلم ان التربية العام يعمل فى الابتدائى و التربية الابتدائى يدرس اعدادى

[mhegazi]

المشاركة الأصلية كتبت بواسطة ahmedhammam

لازم يتغير المسمى الوظيفى حسب المؤهل ......... يعنى ظلم ان التربية العام يعمل فى الابتدائى و التربية الابتدائى يدرس اعدادى

ياجماعة نظموا نفسكوا
ونتقابل تاني امام الوزارة
احنا كنا هناك يوم الخميس 9/6/2011
وشايف انها بجد قربت
وياجماعة ماحدش يتحجج ببعد المسافة احنا كنا من اسكندرية وغيرنا كان الدقهلية وغيرنا من الفيوم والمنوفية والشرقة ومن باقي المحافظات

[kkkk22]

يامعلمى المنيا تربية عامة و متعينين أبتدائى بطلوا السلبية السلبية السلبية التى لديكم و هيا بنا نذهب لوكيل الوزارة أو مدير التربية و التعليم بالمنيا لان هذة الفرصة الوحيدة أمامنا قبل فوات الأوان