المرتب فى شهر سبعه الف مبروك للمعلم الجديد

[ahmed198411]

المرتب الجديد بعد التعين حوالى 700 لالا 800 لالاانا سمعت انها

مش هتكو ن اقل من 900 لالا ياعم هما اكتر شويه 1200

يا ناس احمدوا ربنا مهما كان احسن بكتيررررررر اوى من الاول

وبعدين كل المعلمين لالا اسف الا القليل اوى قاعدين وعايزين حد يجبلهم حقهم

حد يعرف معلم شارك فى الثوره ممكن بس قليل اوى اوى كل المعلمين قاعدين خلف الكمبيوتر ومستنى يفتح
يلاقى مرتبه 2000 جنيه وهو قاعد

اكتر وقفه عملها المدرسين كانت حوالى 150 جنيه لا اسف 150 مدرس

يا ناس دا معظم المدرسين كانوا شغالين دروس ايام الثوره

والدراسه تتاخر وهما مبسوطين شغالين بره وكدا كدا هياخد مرتبه

انا اسف بس هيا دى الحقيقه الا القليل

[mostafa_basha]

طيب لحد دلوقت مش فاهم حضرتك عايز توصل لاية؟

[elbasha205]

الاستاد مصطفى الرجل عايز يقول احنا معند نش دم بس فهمت طبعا انا اسف على الحقيقة

[manonelmasry]

لأبد من ان نتحرك

[رضا عبد الحميد عبد الرازق]

اذن استاذ احمد نعلم من ذلك انك كنت من العناصر الفاعلة فى الثورة ام انك كنت أحد المقصرين وتلوم نفسك وتلومنا معك ارجو التوضيح

[محمد السويركى]

الاستاذ رضا عبدالحميد
شكرا لك لانك رديت وقلت اللى انا كنت عاوز اقولو
واضح ان الااستاذ احمد كان فى الميدان وبيفرز فى المتظاهرين وبيعرف ده شغال ايه وده شغال ايه.... وبعد كده حسبها فمش لقى ولا مدرس فى الميدان فراح يستفسر عنهم بالاسم فلقاهم كلهم بيدو دروس خصوصية

[المريسي]

صح كدا تمام!!!!!!!!!!!!!!!!!!!

[shaerhamada]

يعنى مؤهلات ثانوى و اعدادى و شغالين ابتدائىيعنى كل سنة من العقد القديم يقولك محو امية و سكتنايعنى قالك دبلومة تربوى و عملنايعنى قالك رخصة دولية و خدنايعنى قالك مفيش حد ادنى و سكتنا مستنى ايه . هو دة اخرة السكوت

[sahar_ali9]

إحنا كدا لما حد يكلمنا في الصح ويدوس على الجرح بتاعنا ويكشف حقيقتنا نتريء عليه ونسخف من رأيه مع أن الأستاذ أحمد مكتبش غير الحقيقة وكشف نفسه وكشفنا كلنا وعرانة أمام نفسنا فعلا الثورة كانت شغالة وكلنا مشغولين بالدروس ومبسوطين مش عشان بلدنا بتتغير لالالالالالالالالا كنا مبسوطين عشان المدارس اتأخرت وهنسبق المنهج ومرتاحين من المدارس والصحيان بدري ويا سلام كنا في قمة التفاعل مع الثورة كلنا بعد ما نخلص شغلنا نقعد أمام شاشات الكمبيوتر ونتابع الأحداث اللي بتجرى ويا سلام نعلق على الموضوعات بكلمات مثل ( مشكووووووووووووووووووور ) ( بارك الله فيك ) ( كلنا معاكم ) وتعليقات من هذا القبيل.
والأدهى والأمر إننا كلنا لسه لحد دلوقتي قاعدين أمام شاشات الكمبيوتر نكتب تعليقات ونندب حظنا وقال إيه مش عاجبنا الوزير ولا سياسة الدولة ولا الميزانية الجديدة وعايزين ندخل في الحد الأدنى ويا ترى هيطبق علينا ولا لا وكله بس بالكلام وقلنا هنعمل وقفة احتجاجية واعتصام يوم 7 / 6 وكان النزول الجارف للمدرسين يا سلام 30 مدرس فعلا احنا فعالين وهنتطور وهناخد حقنا.

لي بعض الاستفسارات
1. هل نحن معلمون؟؟؟؟؟ المعلم هو من يعلم التلاميذ ويربيهم على أن يكونوا قادرين على أخذ حقوقهم والمطالبة بها ( فاقد الشيء لا يعطيه ) لكم التعليق.
2. هل نحن فعالين في المجتمع؟؟؟؟؟؟؟ المعلمين فعالين في المجتمع ولكننا نخاف من التعبير عن رأينا ولا نشارك في الأحداث الجارية وليس لنا دور في مجتمعنا ( فكيف نزرع في التلاميذ قيمة المشاركة الفعالة في المجتمع؟ )
3. هل سيطبق علينا الحد الأدنى؟؟؟؟؟؟ كيف والحد الأدنى يطبق على الدرجات ونحن ليس لنا درجات؟؟؟؟؟؟
4. أيهما أفضل لنا الحد الأدنى أم الكادر؟؟؟؟؟؟؟؟ الحد الأدنى للموظفين ذوي الدرجات الثابتة في الحكومة. أما الكادر فيسمح لك بأن تأخذ الحد الأدنى ويضاف عليه كادر المعلمين ولكن لا بد أولا بأن نثبت على درجات وظيفية ثابتة ( فليكن مطلبنا الأول التثبيت على درجات وبالتبعية نأخذ الحد الأدنى ثم الكادر الخاص بنا )

فقد تكامت ولكم التعليق

[ايهاب2323]

لو مفيش درجات نزلت فى اول يوليو المفروض اننا ننظم اضراب عن العمل فى امتحانات الدور الثانى وفى بدايه الدراسه احتجاجا على القهر الذى يتعرض له المعلمين

[yasowm]

ياريت حضرتك بلاش اسلوب التهكم وياريت تغير عنوان الموضوع لان فيه نوع من التهكم ومع علم حضرتك ان في مدرسين مبيدوش دروس وحاسين بالقهر والظلم

[نورالحبيب]

يمكن كلام حضرتك فيه شىء من الحقيقه للبعض ولكن حضرتك مخدتش بالك ان فى تخصصات واخده على دماغهاو بعدين ملهاش فى الدروس الخصوصى مثلا الحاسب الالى والمكتبات مع العلم احنا بناخد342 جنيه فقط لاغير تفتكر ده مش ظلم احنا حتى اقل من المواد التانيه يعنى مدرسين الانجليزى والاخصائيين الاجتماعيين زمايلنا فى نفس الاداره بياخدوا 362 جنيه تفتكر ده مش ظلم ولكن احنا اكثر الفئات صبرا واحتراما مش اقل قوه ولا نستحق السخريه على فكره انا اول واحده بنادى بالتحرك والتغيير والمطالبه بحقوقنا وان كل واحد يروح بنفسه يطالب بحقه وحق زملاؤه ولكن انا شايفه ان حال البلد متدهور يوما بعد يوم حتى كادت البلد توشك على الافلاس وهنا لازم نصبر شويه او نطالب بحقنا المشروع لكن بهدوء دون اثاره ضجه او بلبله
ولكم جميييييييييييييييييييعا الاحترام والتقدير معلمى مصر الجدد
ومن يتق الله يجعل له مخرجا ويرزقه من حيث لايحتسب ..........صدق الله العظيم
مش كده ولا ايه

[رضا عبد الحميد عبد الرازق]

يا جماعة الموضوع مش مين اللى شارك فى الثورة وراح ميدان التحرير صدقونى كلنا شاركنا فيها بالتشجيع والدعاء وغيره
وأقسم بالله انا قبل الثورة كتبت موضوع عنوانه ( اقسم بالله لن أنتخب مبارك ولاأحد من النسل ) وتفاعل مع الكثير من الأعضاء ولكن لحساسية الموضوع بعد فترة حذف الموضوع وهذا كان قبل الثورة بحوالى اسبوعين وكانت الأمور فى الأحوال الطبيعية ولكن من أحساسى بالقهر وكل يوم الوزير يقول بكرة بعده

أما بالنسبة للدروس الكل يعلم أن لولاها لم يستطع الكثير ان يعيش فأنا مثلا رب أسرة حوالى 8 أفراد هل سيكفينى مرتبى
اما الزملاء الذين يتعللون ان موادهم ليس بها دروس لابد من فتح باب رزق اخر مثل مكتبة محل صيانة كمبيوتر وسوفت وانا اتحدث عن واقع اعيشه والله العظيم وأرى زملائى يقومون بهذه الأعمال وهذا ليس عيب او حرام

[mooa1000]

يا جماعة يا ريت نتكلم فى موضوع مفيد

[نورالحبيب]

وايه رأيك يااستاذى ان زوجى حاول فتح مشروع مكتب كمبيوتر فعلا تبع تخصصه كمدرس حاسب لكن قالوا ان البطاقه الضريبيه بعد ماعملها يعنى قالوا لازم تتغير لانه موظف ولا يحق له ان يكون عنده مشروع تجارى وده بعد ماكلف حوالى 800جنيه ؟؟؟؟؟؟؟؟؟؟
فما راى سيادتكم ؟؟؟؟؟؟؟؟؟؟؟؟
ولا مجال للدروس الخصوصى؟؟؟؟؟؟؟
ولامجال للكسب الغير المشروع ربنا يغنينا عنه بالحلال يعنى مش هنسرق ولانبيع مخدرات ولا نسرب امتحانات من الكنترول زى ماسمعنا عن الاخرين يبقى ايه فاضل الا المطالبه بالرزق الحلال الطيب اللى يكفينا من وظيفتنا؟؟؟؟؟؟؟؟؟؟؟؟؟
ما تعليقكم؟؟؟؟؟