اضمن ال 150 درجة الباقيه(فيزيا -رياضة _احياء _ مادة ادبية) ان شاء الله وتحدى

[محمد سعدون]

بعد نزيف الدرجات الذى حدث فى امتحانى اللغة العربية واللغة الانجليزية والاخطاء القاتله
على العلم ان امتحانى اللغة العربية واللغة الانجليزية اتوا من امتحانات الثانوية العامه السابقة
قطعة البلاغة جات من امتحان 1995
وسؤال سيد قرارك جه من امتحان 2007 دور ثان
وفى الانجليزى الترجمه جات من امتحان تقريبا 2001 او 2000 دور اول
و3 اختيارى جابهم من امتحانات سابقة برضو
لذلك انصحكم بحل امتحانات الفيزياء من سنه خوفو وخفرع لو معاك حل من 90 حتى انت مش ضامن وبعدين امتحانات الفيزياء قبل 95 كانت ناررررررررررر والله متسبش سؤال فيهم حلهم عشان متندمش بعد الامتحان وتقول يارتنى
وركز على اسئلة ال 100 سؤال بتوع كتاب الزبالة اقصد الوزاره سورى
ونصيحة اخيرة من اخوكم اللى حاسس نفسه غلط كتير فى اللى فات او لغبط ومش متاكد
اهتتتتتم بالمستوى ارجوك لما ياجى وقته
اى مستوى عربى انجلش احياء اى حاجة حتى لو كان مستوى صينى
بس المشكله انى احنا معناش امتحانات السنوات السابقة فى المشتوى الغفير اقصد المستوى الرفيع
ارجو ان يكون موضوعى افدكم بس دا لمصلحتك
:0 22yb4:

[شوقى محمد المصرى]

طبيب جراحة ان شاء الله

لسه بتعتقد ولا فقدت الامل

انت جايب كام فى تانية صحيح؟؟؟؟؟؟؟؟؟؟

[H_Dody]

lأعتقد أن الجرح فى العربى والأنجلش كان بسيط
أنما يا خوفى من الفيزيا والرياضة والأقتصاد

نفسى أدخل الأمتحان ضمنه ال50
بس من أين لى بهذا ؟؟؟؟؟؟؟؟

[khaled.kabo]

امتحانات ال 50 مضمونة والله بس عايزة تركيز بس

انما العربى والانجلش لازم تنقص لااااااااااااااااااااااااااااازم

[H_Dody]

أه كمان أهتموا بالجرنال......وخصوصا ً الجمهورية ..........

بجد يا كماحه هو حلووووووووووو جدااااااااااااااااااااااا ً
نص الأمتحان بيجى منه

أرجوااااااااااااااا الأهتمام بالجرنال

[ahmed_06000]

انا والله ياجماعه خايف ان -لا قدر الله- املى يتحططططططططم
انا احياء ومرعووووووووووووووووووووووووووووب من هنا للسنه الجيه

[khaled.kabo]

على فكرة فى ناس هتنظلم فى حكاية الغش دى

[nooneasme1]

ليا 2 استفسار بس:-
1- أنا معنديش امتحانات ما قبل 1995 فيزياء وكيمياء محلولة اجيبهم منين ؟
2- امتحانات المستوى أنا معنديش إلا بتاع 2008 و 2009 و 2010 أجيب الباقى منين؟

[khaled.kabo]

المشاركة الأصلية كتبت بواسطة ahmed_06000

انا والله ياجماعه خايف ان -لا قدر الله- املى يتحططططططططم
انا احياء ومرعووووووووووووووووووووووووووووب من هنا للسنه الجيه

لا ان شاء الله هتحقق حلمك يا احمد يارب نخش اللى نفسنا فية بس لازم المواد اللى جاية متنقصش فيها كتير عشان هما دم اللى هيرفعوا مجموعك

[aa44000]

شكرا لك بس انا خايفة

[ahmnha]

]جيت على الجرح ياريت بجد نضمن ال150 درجة الى جاية ونعوض اللى حصل فينا الواحد اول مرة يخاف بطريقة دى يمكن عشان ممكن الحلم يطير فى ثانية ياررررررررررررررب

[thesaw]

اذا كان عمل كدا في العربي و الانجلش هيعمل ايه في بعبع الثانوية العامة الفيزيا يا خوفي لا يجيب امتحان زي سنة 2008 الواحد يطلع من اللجنة بقي و يروح يشوفله اي شغلانة تربي عربجي اي حاجة من الحاجات دي و لو زبال متكسفش يعني كله محصل بعضه

[محمد سعدون]

انا الحمد لله جبتالسنه اللى فاتت 202.5
هههههه بالنسبه للعربى فانا غلطت مش كتير اوى والانجلش غلطت 4 اختيارى و2 فى القطعة ههههههههههههه
انا بالنسبه للفيزياء انا ان شاء الله مش خايف منها بس مرعوب من الاحياء لانها مادة زبالة يعنى بمعنى اصح 15 % اسئلة المتفوقين مبتتحلش وبتكون صعبة اما الفيزياء انت بتكون عندك خبرة مثلا ممكن حل يبقى رياضة مثلا وفى مسائل زى كدة كتير
وبتكون داخل وانت مهيا للامتحان انك حليت مسائل كتير قبل كدة افكار صعبة او سهله اما الاحياء انت داخل حافظ المقرر بنسبه 10000% ومفيش فرصة اتيحت لك طول السنه انك تشوف اسئلة متفوقين مثلا والعكس بتكون داخل امتحان الاحياء وانت مهيأ انك حافظ والامتحان مثلا ممكن يكون فيه حته ذكاء انا خايف بجد
وبالنسبه للامتحانات اللى فاتت حل والله مهمة جدا وان شاء الله ابقى ارفع على المنتدى امتحانات الفيزياء من 90 الى 95
واجابات ال 100 سؤال ان شاء الله
اما المستوى انا مش معايا غير 2008 2009 2010 بس وربنا يستر
لو استمرت الامتحانات بالشكل دا ممكن ترسى فالاخر على تجارة قسم حلاقين او زراعة قسم برسيم
ههههههههههههههههههه

[احمد محمود22]

ياريت اجابة ال 100 سؤال بتاع كتاب المدرسة ارجوك وبسرعة

[أزهار الخريف]

انا باى ادمرت
التعديلات جات فى الحاجات اللى حليتها صح
وغلطاتى مفيش ولا تعديل يعنى ان حالة البلاغة صح
وغلطانة فى القصة
ربنا يستر
لكن انا خلاص زهقت وكرهت الثانوية وكرهت مصر ومش بقيت بحب مصر دى خالص