د. سمير رضوان يعلن الحد الأدني الفعلي

[a7med_3adel81]

جريدة الجمهورية صفحة مال وأعمال علي لسان الدكتور سمير رضوان وزير المالية المحترم :
أشار إلي أن من أهم برامج الموازنة الجديدة في هذا المجال رفع الحد الأدني للأجور من 425 إلي 700 جنيه.

[M.Ahmed Elsaid]

هى وزارة المالية عاملة لنا مفاجئة ولا ايه ؟؟!!

ولا دى فزورة ؟؟

[math.sherif]

دي فعلا فزوره وفزوره باخيه وفزورة بايخه اووي

حكاية المرنبات دي زي ما يكون بنشحت

طيب ادينا منتظرين شهر سبعه

[foxwood55]

thankxxxxxxxxxxxxxxx

[منارسراج]

هو المرتب اصلا كان 425 جنيه والله ماوصلو اصلا ل 400 جنيه انا معلم واتثبت وبقبض كام ياحسرة والله 362 جنيه واحسرتاااااااااااااااه ع الكادر الخاص يافرحتى وواحد عسكرى بيقبض 850 جنيه اضعافى فين بقى تقدير العلم يابلد بتقدر العلم هههههههههاى وابقوا قابلونى يابتوع الكادر الخاص اللى اصحاب الدباليم والمخبرين والغفر احسن مننا اقول ايه بس وتقولولى ثورة ههههه البلد عمرها ماهتتعدل وابقوا سلمولى على الشهداء والله الخير اللى عملوه فى نفسهم انهم ارتاحوا من الحياة دى وهمها وراحوا للجنة واحنا فضلنا للنارنتحسر على عمرنا وحظنا الاسود الله يخربيوتهم بلقى الظلمة منهم لله ربنا ياخد بثارنا منهم وزى مادعيت قبل كده على احمد زكى بدر الله يجحمه مطرح ماراح قبل كده يستجيبها ربنا فى اللى بيظلمونا دلوقتى وهو ولى ذلك والقادر عليه

[mr.computer2011]

لما نشوف اخرتها اية

[loddodo]

اذا كان كده ماشي

[pink life]

يعنى ايه؟
هل يعنى ان اى حد مرتبه اقل من 700 هيبقى 700؟
يعنى هل ممكن احنا والفراشين نتساوى فى المرتب ولا ايه؟

[rawda12]

يا خوفي ليكون الحد الادني يشمل المستقطعات من المعشات والتامينات وغيره وتصفي في النهاية علي 500 جنيه ولا اقل

[مسيو اسامة حشمت]

دول عايشين فى بلد تانية خالص

[الغول_2009]

لنا الله ....... وحسبنا الله و نعم الوكيل

[ابن الأكرمين]

على فكرة ياجماعة الخير

الحد الدنى ده هيعمل مشاكل لرب السما

طيب واحد بياخد 700 على الدرجة السادسة واللي على الدرجة الثالثة زي المدرس المتعاقد جديد هياخد زيه

هنا هتقوم مظاهرات ارفعوا رواتب الدرجة الثالثة آه يابلد على فكره 1/7 مش بعيد وإنا لمنتظرون

[pink life]

والله مكنش ليها لزمه حكايه الحد الادنى دى مش وقته .بكرة الاسعار تبقى نار والطاق طاقين. كان المفروض الشعب كله يعيش حاله تقشف سنه كدا. يعيش على قد حاله اول اقل من حاله شويه .المهم فى المرحله دى ال احنا عايزينه هو الامن ثم الامن ثم الامن... هى صحيح لما ااتعيينا كان فكرنا المرتب هيبقى اكبر من كدا لا وايه راحين الاكاديميه وجايين من الاكاديميه وامتحان ومزاكرة واخرتها50جنيه زياده.. وايه الكل عايش احلام ان المرتب هيعدى 1000 حتى الموظفين فى الادارة والله بيحسدو فينا.فالواحد مش حاسس ببركه فى اى حاجه وربنا يستر

[NESCAFIOOOOO]

المشاركة الأصلية كتبت بواسطة rawda12

يا خوفي ليكون الحد الادني يشمل المستقطعات من المعشات والتامينات وغيره وتصفي في النهاية علي 500 جنيه ولا اقل

لية هو إنت ما تعرفش الكلام دة ولا أية

[a7med_3adel81]

السلام عليكم يا جماعة الخير ألف شكر للناس المحترمة إللي عبرتني وردت هذا أولاً وثانياً ربنا يستر ويلاقوا فلوس يدوها مش تطلع مهدئات ويقولوا الميزانية راحت لإعانة المنكوبين من بركان إريتريا .