توهان وزارة ام توهان معلمين وطلاب , للنقاش

[mrhamed]

سابدأ مقالي بهذه الجزئية
قررت وزارة التربية والتعليم توزيع درجات 4 جزئيات بالسؤال الثالث "الاختيار من متعدد" من امتحان اللغة الإنجليزية للمرحلة الأولى من الثانوية العامة، والذى خاضه 449 ألف طالب وطالبة اليوم الأحد.

قررت الوزارة إلغاء هذه الجزئيات من السؤال الثالث من الامتحان وتوزيع درجاتها على الـ 12 جزئية الأخرى بنفس السؤال بعد التحقق من أن بها مفردات لغوية لم يدرسها الطلاب خلال هذا العام الدراسى، وهذه الجزئيات هى 2 و10 و11 و16.

يعنى سيادة المستشار يحط الامتحان كده فى البيت وعلى طول يحطه فى ظرف ويبعته يتطبع وامتحنوا ياولاد , اين لجان الاشراف على من يضع الامتحان , ولا هما شاطرين بعد كل امتحان يقولوا الامتحان يقيس مستويات الطالب المتوسط والمتميز والضعيف , جملة على لسان كل مسئول

هو الى بيحط امتحان مايعرفش انه امتحان ثانوية
ياجماعة والله انا لما بحط امتحان مستوى رفيع عندنا فى المدرسة التجريبي ( خلوا بالكم امتحان داخلي ) لازم اراجعه مرة واتنين وتلاتة واشوفه بيغطى المنهج ولالا واشوف هل قدرات الطلبة تساعدهم على حله ولالا , وانا عارف ومتاكد ان ماحد هيعلق لي على الامتحان ؟

والله النهاردة فكرت كمدرس انى اسيب المهنة دى لانى بجد زهقت لانى صعبت عليه الطلبة الى اهاليهم بيتعبوا علشانهم ويصرفوا من جيوبهم وفى الاخر يجي واحد مايفهمش فى المنهج ويحط امتحان

السنا فى ثورة , لن نتقدم ونحن بتلك العقليات؟

للنقاش
هل تعتقد ان الثانوية العامة بنظامها الحالي هتخرج علماء ؟
هل ترى ضرورة مراجعة امتحانات الثانوية من قبل خبراء قبل امتحان الطلاب فيها ؟
من يجب ان يضع امتحان الثانوية مستشار مايعرفش الطلبة اخدوا ايه ولا لجنة مشكلة يكون فيها مدرسين يقولوا اررائهم وبعدين اللجنة تضع الامتحان فى سرية تامة؟.

[bishoy2000]

اولا انا احترمك جدا على هذا النقاش اول هام الثانوية العامة بنظمها الحالى والسابق والجاى عمرها متخرج علماء من اى نوع وذلك لسبب بسيط حضرتك دلوقتى تشوف فى الشارع الواد رايح يصيع فين والتانى زبال وده بلطجى ومجتمع بقى متدنى وده لسبب واحد ان الواحد حياته تحدد على هذه السنة ازاى يعنى الواحد يدرس 15 ولا 16 سنة ويضيعوا بسبب بنى ادم غبى مبيعرفش يحط امتحان وغالبية الشعب المصرى ليس لديه القدرة على الجامعات الخاصة وشوف فى السنة الواحدة لمدرس واحد بيتصرف عليه كام الف جنية وفى الاخر ولا كانة عمل حاجة كانه مسكهم وقطعهم وضيع كل الناس لذلك لو كان النظام المصرى العبقرى مطبق فى كل العالم مكنش بقينا بنكلم بعض دلوقى كل واحد يعمل دماغة فرخة ويحشيها طول السنة وبنهاية اللجنة تكون خلاص كل المعلومات اتمسحت خالص

2 - هذا سؤال لا يحتاج نقاش ما يحدث الان من مهازل فى وضع الامتحانات ما هو الا مسخرة بمعنى الكلمة يعنى ايه يحط اسئلة فى اختار ليها اجابتين زى العربى يعنى ايه يحط اسئلة بره المنهج زى الانجليزى وغيره وغيره فيجب فعلا فرض رقابة كبيرة على هذه المهازل التى تحدث الان

3 - احسن اجابة على السؤال ده انه يكون اب ليه ابن فى الثانوية العامة ومافضلش اللجنة لان كلنا سمعنا عن المدرسين اللى اتقبض عليهم بيوزعوا امتحانات الانجليزى 2 واجابته فلا افضلها اهم شىء يكون انسان عنده ضمير