ارجو حد يجاوب علي السوال ده ضروري

[عصام12]

ياريت حد يفسرلي اجابة السوال التالت في اختر بتاع الجهد علي النقط aوb
اصل انا عملها اكبر تنفع

[رحمتى]

الصح اصغر من الاستاذ قاللى كده

[عصام12]

طيب اية التفسير بتاعها

[ENG.HAGAR]

التفسير حضرتك ان فى الملف الدائرى ينشا تيار مستحث اتجاهه فى اتجاه عقارب الساعة
لان القطب المتولد نتيجة اقتراب المغناطيس هو القطب الجنوبى south
بالتالى التيار هيمشى من منطقة الجهد العالى كما هو معتاد زى الدوائر الكهربية الى الجهد المنخفض
يمكن تفسيرها بطريقة تانية بردو ان التيار لما يمشى قبل دخوله للمقاومة له جهد وبعد دخوله فى المقاومة له جهد اقل
بالتالى الجهد بعد اقل من الجهد قبل .
وربنا يهدى المصححين علينا يااااارب
اتمنى اكون قدرت اوصل الفكرة

[msh-tlba]

Tmam keda ,

[omar hassan]

انت بتقول ان التيار حيمشي من بي ل ايه و حيقل عشان ماشي في المقاومة يعني جهد ايه اقل من بي
انا بقول بقيت السلك مش فيه مقاومة يعني لو فرضنا ان ايه جهده كبيرو التيار مشي منه في اتجاه عقارب الساعة وراح للنقطة بي اكيد حيقل عشان ماشي في بقيت سلك الحلقة
فاشمعنى انت بصيت لها بس من حتة المقاومة

[ahmd77]

اعتقد أن طريقة صياغة السؤال هى اللى عملت اللبس ده لأن التيار المستحث هيكون فى اتجاه حركة عقارب الساعة فأنت لو بصيت لنصف الحلقة المواجه ليك هتلاقى التيار ماشى من b إلى a وبالتالى يكون جهد a أقل من جهد b أما إذا بصيت لنصف الحلقة البعيد عنك هتلاقى التيار ماشى من a إلى b وبالتالى يكون جهد a أكبر من جهد b ( تخيل الحلقة امامك على المكتب )

[mera_mar21]

المشاركة الأصلية كتبت بواسطة ahmd77

اعتقد أن طريقة صياغة السؤال هى اللى عملت اللبس ده لأن التيار المستحث هيكون فى اتجاه حركة عقارب الساعة فأنت لو بصيت لنصف الحلقة المواجه ليك هتلاقى التيار ماشى من b إلى a وبالتالى يكون جهد a أقل من جهد b أما إذا بصيت لنصف الحلقة البعيد عنك هتلاقى التيار ماشى من a إلى b وبالتالى يكون جهد a أكبر من جهد b ( تخيل الحلقة امامك على المكتب )

بالظبط كده
صراحه سؤااااااااال غبى انته ممكن تخلى المقاومه فى نص الدائرة الى فوق وهيبقى العكس

[aly_sha3ban]

المدرس بتاعي قاللي إن أ/أحمد إمام بركة عندة اعتراض علي حكاية أقل من دي