تيجــــــوا نذاكــــر ....يالا بينــا

[المشتاقة إلى الجنة]

الســــــــلام عليكم ورحمة الله وبركاته


أحبـــــــــــابى فى الله ...وحشتووووونى بجد يارب تكونو جميعا بخير


موضوعنا النهاردة خااص جدا بينا احنا طلبة الثاوية العامة


بصوا بقى يا أحباب دلوقتى خلاص احنا دخلنا شهر واحد وعام جديد

(وكل عام وانتم بخير )


ياترى بقى ايه اخبار مذاكرتك ؟؟؟!!


فى المشاركة دى ان شاء الله هانحط جدول مذاكرة مع بعض او بمعنى أدق جدول للمراجعة

(هاتقولى انا مابحبش نظام الجداول دى ..انا مابمشيش عليه )

لكن صدقنى لازم تمشى بجدول وتنظم وقت


وأقول لك بقى انت مش بتحب نظام الجداول ده لييه


لأنك بتكتب فى الجدول حاجات كتيير جدا وتوهم نفسك بأنك هاتقدر تخلص الكم ده مرة واحدة وتفاجأ بأن الوقت ماكفاش أو مثلا الجدول اتلخبط لان عندى فى الدرس المعين امتحان فاهضطر أذاكر للامتحان ده واسيب اللى كنت مركز فيه

لكن نصيحة ..ماتكتبش كده من اول مرة حاجات كتير فى الجدول

لأ ..حاول تاخدها بالتدريج وواحدة واحدة

يعنى مثلا تبدأ بمذاكرة مادتين فى اليوم وبعدين ثلاثة وهكذا


ماتزحمش الجدول بالمواد لانك لو ثقلت المواد عليك فى الجدول ةتيجى فى النهاية اليوم بقى وانت خلاص عايز تنام مش قادر تكمل تلاقى ان لسة فى الجدول حاجات انت ماعملتهاش او ماخلصتهاش

فطبعا هاتضايق (وانا معاك فى ان دى حاجة تنرفز فعلا ) ووقتها هاتقول والله ماعدت عامل جدول خالص واذاكر كده على أقدر ما اقدر وخلاص


لكن .....صدقنى الفترة الجاية دى فى أمس الحاجة انك تنظم وقتك


وأقولكم على حاجة ..لو فيه حد هنا ماذاكرش اى حاااجة خالص من اول السنة

بس عنده العزيمة والاصرار انه يبدأ صدقونى هايبدأ وهايخلص ويوصل ان شاء الله


لكن شوف اهم حاااجة ايه ..


العزيمة والاصرار


لكن طبعا مافيش حد فينا ماعندوش ولو خلفية حتى عن المادة اللى هو حاسس انه مقصر فيها لان بالتأكيد كلنا بناخد دروس وبنمتحن باستمرار وكفاية التعب اللى بتتعبه من اول السنة رايح الدرس جاى من الدرس


لكن دلوقتى مش دى قضيتنا .......

اوعى تفكر فى اللى فات ولا تقول انا مابذاكرش من اول السنة ازاى ربنا هايكرمنى ويساوينى باللى تعب وركز من البداية

لا لا ..ماتقولش كده خالص هو حد فينا عارف المكتوب له ايه وبعدين انت لو صممت وحطيت فى دماغك انك عايز تخلص وتراجع هاتذاكر وهاتوصل برده بإذن الله



دلوقتى أكيد فينا اللى ناقصه حاجات معينة فى مادة معينة

لو جينا بقى كده بعض سواء كنت فى ثانية او ثالثة ..علمى او أدبى هاتلاقى انه عندك مادة اساسية ب50 درجة

لازم تكون حاليا ماشى فى المادة دى كويس قووى وهى اللى هاتفتح لك بقية المواد وهاتعطيك دفعة غير عادية لأنك تخلص بقية المواد


المادة الأساسيه اللى عندك دى لازم مايكونش عندك أى قصور فى فهم اى باب فى الماده دى وتكون ماشى كويس فى كل باب فى الدرس لأن هى دى الأساس

وطبعا هاتواجه مشكلة طبيعيه كلنا أكيد بنواجها

وهى انك لما بتخلص باب معين وتبدأ فى اللى بعده بتنسى الباب ده ولا كأنك تعرفه

ودى حاجة طبيعية ماتقلقش منها وان شاء الله هايكون فى وقت كويس للمراجعة



وعشان ماتوترش نفسك ايه رايك لو تبدأ تراجع من دلوقتى


وطبعا المراجعة دى هاتكون شىء فرعى انت بتعمله بجانب المذاكر ة الاساسية للحاجات الجديدة اللى بتاخدها


المشــــاركة الجاية ان شاء الله ..

هانقول احنا هانعمل ايه الشهور الجاية دى ان شاء الله


وفى رعاية الله