البنت احسن من الولد مش مصدق خش وشوف

[آيه]

السلام عليكم ورحمة الله وبركاته


ثبت علميا بعد البحث والتدقيق أن البنت احسن من الولد للاسباب التاليه:-

1_البنت بتتكلم براحتها فى التليفون وباباها او جوزها هو اللى بيدفع الفاتوره

2_البنت مش ملزمه تجهز نفسها باباها أو البيه(خاطبها)هما اللى هيدفعو دم قلبهم

3_مفيش حد بيبص على بدلة العريس كله بيبص على فستان العروسه

4_لو واحده عملت مخالفه وعيطت شويه للظابط هايعديها ولو راجل هياخد على دماغه

5_لو واحد ما ادتش قرايبها عيديه مش هايقولو عليها بخيله هايقولو اصل العيب على جوزها

6_لو واحده اتاخرت على المحاضره ممكن الدكتور يدخلها لو ولد هايقولوله روح يا بابا كمل نوم فى الشمس

7_لو حصل زعل بين البنت ووالدها مش هايطردها بره البيت وهى بس يا دوب تعيط شويه وبابا هايروح يصالحها على طول اما الولد فيا دوب يلحق مكان ينام فيه جنب البواب

8_دلع البنت:-

يا ختى كميله (سنتين)

- يا عسوله (5 سنين)

- يا عروسه (12 سنه)

- يا قمر (18 سنه)

- يا هانم (40 سنه)

-يا ام العيال (50 سنه)

- يا ست الكل (60 سنه)

اما بقى دلع الولد:-

- انت ياد (10 سنين)

- انت يا شحط بقيت طول الباب (18 سنه)

- يا راجل (40 سنه)

- يا عم الحاج (50 سنه)

- يا راجل يا عجوز مناخيرك اد الكوز (60 سنه)

منقول (مش انا والله ) بس انا مؤمنه طبعا بالكلام ده

[راضيه]

السلام عليكم ...............على فكره موضوع دمه خفيف اوي......اول مره اضحك من فتره ........بس برضه لاتنسي ان الرجال قوامون على النساء...........على فكره اوعي تفتكري اني معاهم لاوالله بس دا كلام ربنا.............والسلام عليكم

[JusT l0sT]

ما هو اللى بيحصل اليومين دول من ايه
ماهو أخرة الدلع دلع البنات
ـــــــــــــــــــــــــــــــــ
موضوعك كتيييييييير رائع
مشكوووووووووووورة على مجهودك

[الرعد الاحمر]

موضوع جميل بس دا بيدل علي ان البنات عالم مدلعه و احنا اللي بناخد علي دماغنا علشان ايه "أحنا رجاله"

وشكرا علي الموضوع

[am_online5]

شكرا جزيلا لكي اية علي محاولاتك الناجحة في وضع الابتسامة علي وجوهنا التي قد فارقتها منذ زمن

وعلي فكرة الاحسن مبيكونش بالاسباب الي ذكرتيها
ولكن كل منا بعملة

وقل اعملوا فسيرى الله عملكم ورسولة والمؤمنون وستردون الي عالم الغيب والشهادة فينبئكم بما كنتم تعملون

صدق الله العظيم

واخيرا لكي مني كل التقدير والاحترام

[..Just Stop]

فعلا بنات اخر زمن

ماعلينا

بردو علينا الاستحمال

بس متنسيش بردو

الراجل بيعمل كل اللى هو عايزه

يسهر مع اصحابه

يدخل البيت متاخر
يخرج وقت مايحب ويجى وقت ما يحب

مالوش دعوة بشغل البيت

الست هيا اللى بتتمرمط فى شغل البيت لوحدها

..........................

اقول كمان واللا كفاية

شكرا على الموضوع


ودمتم

[amr_2010]

موضوع جميل

بس في حاجات كتير الولد فيها احسن من البنت

الولد بيتأخر بره البيت براحته وممكن يبات كمان عند اصحاب زي مانا بعمل وكبيرها كام كلمة وخلاص

الولد يلبس اللبس الي هو عاوزه وفي الصيف يلبس بنص كم او قط وينزل البحر بشورت بس

لكن البنت التحجيبه بتخنؤها في الحر واللبس كمان

والولد يعمل الي هو عايزه وفي اي وقت

وحاجات تانيه كتير

[..Just Stop]

هههههههههههه

تححيبة ايه ياعم عمرو

ال تحجيبة قال
انت مش عايش فى مصر يابنى وشايف اللبس عامل ازاى
اللبس دا الحاجة الوحيدة من الحوايج الكتير
اللى هما واخدين راحتهم فيها برمودة ومينى كات وجيب

ال تحجيبة ال

[ayooosh]

ههههههههههههههه

موضوع حلو يا آيه

وفعلاااااا الولا واخدين حقوق احنا ماخدهاش

والبنات نفس الحكابه

يلااا سلام

[Unique Muslimah]

lol..i ♥ it from a fun point of view, but from a professional one, i would say that we're all equal in the eyes of Allah (Swt) what is different is how much imaan and close relationship we have with Allah (swt) and that's what makes the difference

[..Just Stop]

نفسى يا سارة اشوفلك رد بالعربى قبل ما اموت

[amr_2010]

المشاركة الأصلية كتبت بواسطة medooooo

نفسى يا سارة اشوفلك رد بالعربى قبل ما اموت

هههههههه

معلش اصلها متوعدا علي كده مش تناكه يعني

بس انتي يا سارة كلامك مالهوش دعوة بالموضوع

[الملثمه]

هههههههههههههههههههه

اكيد حنا لينا بعض الخصوصيه والدلع وانا معاك في الكلام
بس هم ماخدين حقوقهم اكثر من اللازم سهر ولبس .......................الخ اقول ايه وخلي ايه

وشكرا على الموضوع الحلوووووووووو

[The Happy Angel]

هههههههههههههههههههههههههههههه الموضوع جميل اوي انا وصلت لمرحله الباب تقريبا عمرو 2010

هو اللي بيقلوله مناخيرك قد الكوز هههههههههه

[M I D O]

بصراحة موضوع فكاهى اكثر منه موضوعى وهادف

شكراا لمجهودك يا فندم