المدرسون فى الارض

[فارس القمه]

ارتفعت قيمه المعلم وقوة تاثيره عندما اعطى دروس خصوصيه وازداد غنى والغنى قوة واصبح ينظر اليه فى هيبة واحترام بخلاف زملائنا اللذين لا يعطون دروس خصوصيه ويعيشون حياة كادحه فيستهين بهم الطلاب ولا يخشوهم ومن ثم سمعنا عن حلات التعدى على المدرسين الفقراء بينما لو كانوا اغنيا ما جرؤ احد عليهم ولا استهان بهم جاهل فالدروس الدروس زملائى تنجوا من مما يدبر لكم

[raian2011]

والله عندك حق

[Mr/Ali Aswan]

صح كلامك مش هنستني الصدقه بتعتهم

[mohammed ahmed25]

دوله فاشله و حكومه فاشله و وزاره فاشله

[فارس القمه]

كرامة المعلم
اليوم اصيح المعلم في الارض بعد ان الغت الدولة هيبته فالحل في اللجوء الي الدروس الخصوصية حتي يستعيد منزلته المفقودة بين الناس بدلا من الاوباش لاعبو الكرة والسفهاء اصحاب الفن والانحلال الاخلاقي

[ا/مصطفى الشطى]

المعلم يجب ان يحترم لانه هو الذى يخرج كل الاجيال والمهن

[ammhhe]

هو انت عاوز تغرقها اكثر مما هى غرقانه
وبعدين وانا صادق
بدون حلفان
طظ فى الفلوس
طظ فى الدروس
انا دائما اتذكر استاذى عندما كان يجمع مننا الفلوس ويجرى على الدكتور
والله عمرى ما انساها
لقد كان موقف مؤثر


انا معلم ماده هامه بتاعه دروس
وارفض اعطاء دروس
ومش غنى
وانا مرتاح فى بيتى وبالى رايق والحمد لله
والقناعه القناعه
مش الدروس الدروس
والحمد لله الذى بنعمته تتم الصالحات

[فارس القمه]

يا اخى هذه وجهة نظرك انت حر فيها بينما انا وكثير من الزملاء يخالفوك هذا الرأى ونحن لا نحجر على رايك الذى انت حر فيه ثانيا :مدرسك الذى كان يعطيك درس خصوصى وبعد ما بياخد الفلوس بيجرى على الدكتور ده لانه تعبان ولو ماكانش بيدى دروس كان زمانه اتبهدل فى مستشفيات الحكومه ومات من زمان ثالثا: روح قول للطبيب اقفل عيادتك وللمهندس اقفل مكتبك وبتاع الميكروباص روح قوله معلش احنا هنركب الاتوبيس العام اعتقد ان الهجوم على الدروس نظره رجعيه تعسفيه فيها اهانة للمدرس الذى هو صاحب اشرف مهنه والاعلى منزلة بين الناس وشكرا

[أحمد قلانه]

باختصار شديد لم تقل هيبة المعلم إلا بسبب تلك الدروس الخصوصية
ماذا ننتظر بعد أن اصبحت يد الطالب هى العليا ويد المعلم هى اليد السفلى
لن أتحدث كثيراً حتى لا تعتقد أن حديثى بناءً على أن مادتى ليس بها دروس خصوصية
فأنا والحمد لله معلم تربية رياضية

[فارس القمه]

كل منا يا اخى تكون يده عليا احيانا وذلك عندما يعطى وتكون يده سفلى عندما يأخذ والحياه قائمة على الاخذ والعطاء حتى المعلم يجب ان يأخذ حتى يعيش فى حياة كريمه ويحقق احلامه فهو انسان فى النهاية وليس ملاك

[امين كريم]

لابد من نقيب محترم للمعلمين

[Signore.Ahmed]

المشاركة الأصلية كتبت بواسطة ايمن حسن عبد الوهاب حسن

يا اخى هذه وجهة نظرك انت حر فيها بينما انا وكثير من الزملاء يخالفوك هذا الرأى ونحن لا نحجر على رايك الذى انت حر فيه ثانيا :مدرسك الذى كان يعطيك درس خصوصى وبعد ما بياخد الفلوس بيجرى على الدكتور ده لانه تعبان ولو ماكانش بيدى دروس كان زمانه اتبهدل فى مستشفيات الحكومه ومات من زمان ثالثا: روح قول للطبيب اقفل عيادتك وللمهندس اقفل مكتبك وبتاع الميكروباص روح قوله معلش احنا هنركب الاتوبيس العام اعتقد ان الهجوم على الدروس نظره رجعيه تعسفيه فيها اهانة للمدرس الذى هو صاحب اشرف مهنه والاعلى منزلة بين الناس وشكرا

يا نهار أسود !!! بقى الهجوم على الدروس هو اللى نظره رجعيه !!! أنا مش هعلق بس تذكر أنك ستسأل يوماً ما على الكلام ده أمام الله !!!
وان شاء الله بكرة كل الدروس الخصوصية والمراكز تتقفل !!

[فارس القمه]

ان شاء الله ما حدش يقدر يقفل لنا حاجه والدروس حلال يا اخى بشهادة علماء الدين

[ammhhe]

اى علماء
فعلا ستسال يوم القيامه
وشكرا

[فارس القمه]

الدروس حلال بدليل ان المفتى لما سأل فى شأنها لم يستطع تحريمها وان شاء الله قررنا نزود الفيزيتا السنه الجايه كى تتناسب مع ارتفاع الاسعار واللى مش عايز ياخد درس يروح المدرسه وهنشرحله زى الدرس بس الدرس مروحه وكرسى جلد وطربيزه والطالب الى يقل ادبه بالجزمه هو وابوه مش زى المدارس السويقه اللى المدرس ينضرب فيها ولا حكومه تحميه لكن احنا عندنا بلطجيه وفلوس ونقدر نحمى نفسنا بس كله بالحق وما بنفتريش على حد بس قوتنا هى اللى بتحمى حقنا والا هننضرب على بطننا فهيا يا اخوانى نتحد ليحترمنا الناس بعد ما علمنا ولادهم بيهنونا علشان علمناهم ببلاش انما الفلوس بتخلى الناس يحترموا المدرس ويبقوا زى الجزم اسف يا جماعه على الالفاظ دى بس بجد عايز هيبة المدرس ترجع