|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
30-06-2011, 08:02 PM
|
||||
|
||||
حلوا يا حلوا مسلسل جديد يا حلو !!
السلام عليكم ورحمة الله وبركاته صباحكم ومساكم عسل نحل مخلوط بعسل السدر الجبلى مرشوش عليه عسل اسود طبيعى  كل سنة وانتم طيبين جميعا وفاضل شهر على رمضان ياترى هتصوموا ولا زى كل سنة اللى خلانى اكتب الموضوع ده هو انى بقيت اشوف كتيير اعلانات المسلسلات اللى هتتذاع فى شهر رمضان الكريم وكأنه بقا شهر المسلسلات مش شهر اللى نزل فيه القرءان وليله القدر اللى بينتظرها الناس شهر الصيام والتقرب الى الله وفجأة!! اصبح الناس بيسموه شهر المسلسلات كان زمان بيسموه شهر الفوازير ولكن الظاهر ان المسلسلات انتصرت على الفوازير اخير بعد العديد من الصراعات والمعارك ذات سفك الدماء كمية مسلسلات لا تعد ولا تحصى 24 ساعة فى 25 ساعة مسلسلات ومسلسلات كوميدى ومسلسلات دراما ومسلسلات اكشن ومسلسلات فى مسلسلات !!  زمان كان بيتذاع قرءان الكريم وبعده ادان الفجر دلوقتى تلاقو اثناء عرض المسلسل حان الان موعد ادان الفجر ماهى مسلسلات تتذاع فى اى وقت فجر وصبح وعشا  ومفيش استراحة كله اعلانااااات ومسلسلات تلاقى ليها نسبة مشاهدات عالية وفيهم فنانين بيتنططوا زى القرود فنانين بيقولوا اى كلام فاضى واى هبل على حبة عبط وتخلف والناس تتضحك وتنبسط ولابرامج الكاميرا الخفية اللى بتتذاع !! كاميرا خفية بيشتغلوا الناس ويضحكوا عليهم بيعملوا فيها حبة تريقة على حبة عبط وفى الاخر يقولك الضحية اللى هو اصلا معاهم وقابض 50 جنيه عشان يعمل فيها ضحية  برامج مقالب كتيرة واشتغالات فينانين اه الفنانين بيبقوا غالبا متفقين معاهم او اصلا الفنانين فاهمين وحدهم ان البرامج مقالب بس بيعملوا اغبيا عشان ميخسروش قيمة الحلقة اوقات الغباء بيكسب برضو وبرامج الحوارات مع الفنانين والفنانات العظماء  ويستضيفوا فنان متخلف وصايع ويسئلوه عن كفاحة وعن طفولته المتشردة وازاى صنع نفسه ووصل للنجومية وازاى قدر يكسب حب الحمار ويغنيله ونفس الفنان فى برنامج تانى يسئلوه نفس الاسئلة وتالت ورابع وخامس وعاشر وفى جميع البرامج وكانه بيعمل كعب داير فى الاقسام والناس مش كلها بتتفرج ومدحش هيلاحظ ان الفنان استضافوه فى كل البرامج واهو كل برنامج مدته 10 دقايق وساعتين وتلت اعلانات وشوية مسلسلات عرى لزوم جذب الانتباه والصحافة تتكلم عن الفنانة الفلانية اللى مش لاقية حاجة تسترها فى المسلسل والناس تستنى المسلسل عشان يشوفوا بعنيهم وعشان لزوم سبك الطبخ وشعار كل قناة المسلسل الحصرى على .... وطبعا القنوات كلها عندها نفس المسلسلات ويمكن اكتر كمان وبرامج الطبخ بقا دى موال تانى خالص عاوزينها تبقى قبل الفطار وطبعا كلها اكلات غريبة وغير مقبولة وبونوا بونو يا مدام وركزوا اوى معايا فى الجملة دى وعبيط حول العالم تبرع ولو برساله وقولنا ورشحلنا مكان نصور فيه البرنامج وبرنامج 100 مسا بتاع ميس حمدان اللى بتطلع لابسة فيه لبس راقصة وشخلعنى دلعنى ميعنى وضيعنى وصيعنى وبرنامج الشيخة ايناس الدغيدى بذمتكم هيبقى فيه طعم رمضان من غيرها يتعملها برنامج الجريئة وتفضل طول البرنامج ترقع بالصوت  رمضان كريم الصمت الحزين
__________________
رمضان كريم |
|
#3
30-06-2011, 08:29 PM
|
|||
|
|||
|
لا تعليق ...انا مصدوووووووووووووووووووووووووووووووومة
__________________
قررت أن أصوّت للسلفيين...لتصبح بلادي مزدهرة كأفغانستان،...متحدة كالسودان،شبعانة كالصومال,..و ديموقراطية كالسعودية!عليكم ان تحتارو بين نظام اسلامى كما فى هذة الدولوبين نظام اسلامى كما فى تركبا وماليزيا |
|
#4
30-06-2011, 08:45 PM
|
||||
|
||||
|
اقتباس:
اقتباس:
كنت اتمنى اسمع تعليقك واحنا فى بلد ديمويقراطى من حق كل واحد يقول رايه وشكرا لمرورك الكريم
__________________
رمضان كريم |
|
#5
30-06-2011, 11:15 PM
|
||||
|
||||
|
للاسف عندك حق فى كل كلمة
 شكرا على الموضوع جميل
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#6
01-07-2011, 12:06 AM
|
||||
|
||||
|
للأسف عندك حق
شهر رمضان بقى شهر المسلسلات لأ وتلاقى المسلسل بيتعاد خمس ست مرات فى اليوم عشان اللى ملحقش يحفظ كويس أو اللى فاته لقطه ولا حاجه واللى ينرفز تلاقى كل قناه كاتبه على المسلسل ( حصرى ) وكل ما تقلبى على قناه تلاقيه شغال بس المشكله ان فيه ناس كتير هى اللى بتشجع على التفاهات دى لأن الفنانين دول لو مش لاقيين اللى مشجعهم وبيتفرج عليهم هيقعدوا فى بيوتهم ..... ربنا يهدينا ويهدى الكل ويبلغنا رمضان على خير ميرسى على التوبيك
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#7
01-07-2011, 12:28 AM
|
|||
|
|||
|
ههههههههههههههههههههه ايوه ضحكتينى ايوا عارفاه بتاع بونو بونو ده فعلا عندك حق والله مش عارفة ايه علاقة رمضان بالمسلسلات سبحان الله وبعديه يجى براميل زبدة وسمنة وزيت كل حاجة كدهننة
__________________
وحشتونىىىىىىىىىىىىىىىىىىىىىىىىىىىىىى  |
|
#8
01-07-2011, 12:28 AM
|
|||
|
|||
|
حكاية مش جديدة يا فرح . كل سنة بتحصل الحكاية دي حتي قبل ما انتي تتولدي
أصل انتي مش عافة أصل الحكاية دي ايه ولا هي منتشرة في نسبة المشاهدة الكبيرة جداً ليه . زمااااااااااااااان لما كنا في سنكم , كان التليفزيون المصري فقط هو اللي شغال ( قناتين فقط ) وكل قناة بتذيع مسلسل عربي واحد في اليوم ( القناة الأولي مسلسل جديد بايخ جداً , والقناة التانية مسلسل معاد وأكيد بردوا بايخ جداً  ) فكان شهر رمضان بالنسبة للشعب المصري حاجة مختلفة في كل شيء . سواء مظاهر هذا الشهر المبارك ( فوانيس رمضان مع الأطفال - الفوانيس اللي بالشمعة - أو الفوانيس المعلقة امام كل بيت والزينة التي كنا نصنعها بأيدينا , والكنافة والقطايف والبلح والياميش , ودول مكنش الواحد يشوفهم غير في رمضان فقط ) وبالنهار مكنش فيه مسلسلات في التليفزيون خالص ( فقط برامج منوعة وفوازير عمو فؤاد ) لكن بعد الافطار , تبدأ المعمعة الكبري ( في الوقت دا كانت كبري ) فوازير نيلي ( أو سمير غانم أو شيريهان ) وبعد كدا مسلسلات علي القناتين ( كلها جديدة لانج ) وتفضل المسلسلات دي شغالة لحد قرأن الفجر . والناس كانت مرتبطة بالمسلسلات دي كتير جداً .تخيلي انتي بقي لما الناس فجأة تلاقي عندها أكتر من 15 قناة فضائية وكل قناة فيهم بتذيع 5 مسلسلات أو أكتر وكلهم جديدة لانج ( صحيح كلهم تقريباً بلا هدف مفيد ومعمولين علشان الاعلانات فقط , لكن الناس اتعودت وخلاص ) اما البرامج , فكان زمان البرامج المشهورة هي برنامج الجائزة الكبري ( لطارق حبيب ) وكان برنامج هادف وناجح جداً , وكذلك برنامج حمار سريع جداً جداً ( قصدي حوار صريح جداً جداً ) وبردوا كان برنامج ناجح جداً . ولما الناس ارتبطت بهذه البرامج الناجحة , العدوي بتنتشر بسرعة البرق . فأصبحت كل قناة لها برامج ( مش مهم خالص تكون هادفة , المهم انها تجيب اعلانات وبس ) بقولك ايه يا فرح . انا كتبت أكتر من موضوعك نفسه  كفاية كدا . بلاش تتفرجي علي المسلسلات ولا البرامج وريحي دماغك وخلاص . ( اتفرجي علي المسلسلات السورية التاريخية أو السورية الدينية فقط ) |
|
#9
01-07-2011, 12:33 AM
|
||||
|
||||
|
كل سنة وانتى طيبة ياقمراية
ومليووون مبروك نهاية الامتحانات هنلعب بقى ونزقطط اقولك ايه يافرح لسة النهاردة كنا بنتفرج عالتليفزيون وكانوا بيعلنوا عن مسلسلات رمضان قاعدين قبلها باكتر من شهر يعلنوا عن المسلسلات طبعا علشان كل واحد يختار المسلسل اللى هيتابعه فى رمضان  بدل ما تكون نيتنا هى التقرب الى الله فى هذ الشهر الرائع والاستعداد له بهمة عالية يقعدوا يعلنوا عن المسلسلات علشان يشغلوا عقول الناس والله يابنتى انا افتكر زمان(ما انا عايشة من زمان )كان هو مسلسل او اتنين عالقناة الاولى بعد الصلاة ومكنش فيه اعلانات دلوقتى تلاقى مسلسلات اشكال والوان وبرامج منتهى التخلف حتى فيه قناة اسمها القاهرة اليوم دى بقى بتفتح فى رمضان بس مهمتها هى فضح الفنانين ونشر البلاوى بتاعتهم لا وكاتبين عليها مغلق لرمضان وكأنه بقى شهر للفضايح (استغفر الله العظيم) دا انا افتكر السنة اللى فاتت كنت متابعة برنامج (مدرسة الحب) للاستاذ مصطفى حسنى وكان وقت البرنامج دا مسلسل عايزة اتجوز وما ادراكى من عايزة اتجوز اخواتى كانوا بيتعاركوا معايا علشان عايزين يتفرجوا عليه مع انه كان بيتعاد تانى بس ازاى لازم يتفرجوا عليه طازة السنة دى لو عملوا معايا كدا هفجرهم  .... ربنا يبلغنا رمضان ويااارب السنة دى نكون اكتر قرب من ربنا معلش فرح طولت عليكى اصل الموضوع تحفة بصراحة تقبلى مرورى
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#10
01-07-2011, 11:22 AM
|
||||
|
||||
|
بيفكرنى بالاعلان بتاع مؤمن .. رمضان مش شهر البركات ...رمضان شهر المسلسلات :D
لا و بتاع ميس حمدان اللى بتقولى عليه ده .. انا مرة بقلب فى التليفزيون .. شفتها بترقص و مش عارف (( قلت عييب طبعاً و قلبت xD )) سيبك من الرقص و الكلام ده ... دى دمها يموت .. دى قاتلة .. مش بتضحك خالص .. و تقول حاجة و هى اللى تضحك .. دى ديماجوجية شديدة على رأى فيلم السفارة .. و لا برنامج البطل .. و لا برنامج اجمد واحد ده .. و المذيع محمد عطية اللى بيفكرنى بالديك الشركسى .. و لا بقى القنبلة الذرية بتاعت كل سنة غادة عبد الرازق و كويس انها بتيجى بعد الفطار .. دى ممكن تيجى مكان المدفع .. هتفطر رجالة مصر كلها من غير مدفع يطلعوها اول ما الاذان يأذن ع طول ...هى لوحدها قاعدة مدافع ! و خدى من ده كتير بقى .. سفاهة و تفاهة و قلة ادب و اسفاف ... بالفعل .. انا اخر مرة حسيت انى فى رمضان .. كانت سنة 99 .. بعديها و بعد ما انتقلت من المنصورة الى القاهرة .. مفيش رمضان ده شهر عادى !
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !!  |
|
#11
01-07-2011, 06:43 PM
|
||||
|
||||
|
موضوع جميل يافرحتى ، طبعاً الاول كل سنه وانتى الى الله اقرب ياقمر
مسلسل ! مسلسلات ! دى منوعات يا ماما دول بيستنوا رمضان مخصوص علشان يكسبوا اللى يغيظك بقى انك تفتحى التلفازيون الرسمى وتشوفيه بيقول لك " مافيش حاجه حصرى كله على التلفازيون المصرى " حتى التلفازيون المصرى بقى يجيب مسلسلات اااااااااااه عشنا وشفنا يا جدعنا ، الفكره ان كل سنه عدد المسلسلان بتزيد عن السنه اللى قبلها وكلهم نفس الفكره واللى فكرته مختلفه بيبقى فكرته غريبه ومش تنفع فكره مسلسل أصلاً ، هما دول المصريين يموتوا فى يسرا و الفخرانى ومى وتاموره ، الا صحيح مش تامر عمل مسلسل ، يلا هى جت عليه ماهى بقت فوضى بقى ، بجد حاجه تخنق مش المفروض اننا نتفرج على برامج دينه ، طيب لما هما بيحبوا التمثيل اوى كده يعملوا حاجه دينه او حاجه فيها موعظه اى حاجه مفيده ، بصى بقى يافرح الموضوع ده مش حينتهى بالعكس حيزيد جداً عموما ربنا معانا ويرحمنا بقى من المهم ده الف شكر ياقمر وكل عام وانتى الى الله اقرب
__________________
 |
|
#14
03-07-2011, 09:48 AM
|
|||
|
|||
 جزاك الله خيرا
__________________
إن طالت أو قصُرت ، إن زانت أو شانت ؛ هي دُنيا وستنتهي ..  |
|
#15
03-07-2011, 05:33 PM
|
||||
|
||||
|
اقتباس:
بس يارب الناس تستجيب واننا منتابعش الحاجات دى وربنا يهدى المسلمين شكرا لمرورك اقتباس:
الناس بقت بدل ماتستنى شهر رمضان
اللى بتقرب فيه اكتر من ربنا بقت تستناه عشان تشوف اجدد واحدث المسلسلات والبرامج الجديدة وهو ده اللى مشجعهم على انهم ينتجوا مسلسلات وبرامج كتيرة واهم حاجة يكون اننا مش بنقول اى كلام فى الهوا ويكون فى تنفيذ ونشوف كام واحد مش هيتابع وده الاهم من اى تعليقات شكر وربنا يهدى المسلمين جميعا وشكرا لمرورك
__________________
رمضان كريم |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:23 AM.
