ازاى تحل مشكلتك مع الانجليزى؟؟؟؟؟

[الاحترام]

طبعا كلنا شفنا فى الفترة الاخيرة ،ان امتحانات الانجليزى دلوقتى بتعتمد على الامكانية الفردية للطالب !!
نعم يعنى اية؟؟؟
يعنى اللغة عندك اخبارها ايه ،وطبعا ناس كتير ممكن تكون شايفة ان الانجليزى يعنى Grammerوبس لكن الوضع الجديد ان اللغة حصيلة لغوية اولا ثم الجرامر .
طب What can we do ????
انا هقولكم على حاجه عملتها طوال سنتين رحلتى مع الثانوية وكانت فكرة ممتازة جدا ....:av4 056bb7jp3:
1-قبل كل شئ لازم نعرف ان اللغة الانجليزية او اى لغة اخرى عبارة عن feelingايوه بجد ،والله ده كلام عن تجربة لازم تحس الجملة وتعيش معاها ومتخدهاش على انها حاجة ولازم تتحل وتخلص يعنى مبدأ"حب ما تعمل حتى تعمل ما تحب "
2- الفكرة بأى هي ايه ؟؟
حضرتك هتجيب دوسيه حلو وجميل كده وعليه رسومات جميلة [عشان يبأى الموضوع يبعث على السرور]
3- هتحضر مجموعة من الاوراق برضه عليها رسومات حلوة وموجودة فى المكتبات ،وهتأسمهم
شوية [للافعال] ،شوية [للاسماء ]،شوية [للجمل والتعبيرات ] ، شوية لاسماء الحيوانات والطيور والاعمال ...]
4- بعد كده سيادتك هتبدى تمليهم ،طب ازاى ؟؟؟
اثناء الحل كل كلمة او فعل جديد تلاقيه يتحط فى مكانه السليم ،
وتيجى بعد كل صفحة او صفحتين يتملوا يتحفظوا ويتسمعوا ويتثبت عليهم
5- ولكن توجد ملاحظتين غاية فى الأهمية :1- خلى بالك كويس جدا من كتابتك للكلمة فى الورق ،يعنى تكتب spellingبتاعها بدقة شديدة
2- كل شهر مثلا ،حضرتك تيجى كدة وتأوم مراجع على كل الكلمات اللى اتكتبت فى الورق
وبجد يا جماعة هتلاقى نفسك فى النهاية عندك حصيلة لغوية مهولة من الافعال والكلمات ......
حاجة اخيرة احب اختم بها :
[فى اولى ثانوى استلمنا كتاب ضخم بتاع Longman الكتاب ده غاية فى الاهمية ،لو فتحته كده هتلاقى فى صفحات فيها رسومات وكلمات فى نفس الوقت ابدأ بحفظهم وممكن تجمع من القاموس كده اسماء الحيوانات او غيره
6-معلش افتكرت حاجة موقع Longman على النت موجود وهتلاقى اسم الموقع فى نهاية كتاب الانجليزىstudent book او كتاب الانجليزى الملون يعنى على الغلاف من بره،الموقع بصراحة مفيد جدا جدا
وفى النهاية ادعو الله التوفيق لنا جميعا وان نلتحق جميعا بالكليات التى نأمل بدخولها ويكون فيها الخير للوطن :07811 1rg3:
ارجو الرد لمعرفة رأيكم فى الموضوع والتثبيت