وتحبون المال حبا جما

[لايف از اسكند]

انا بشوف الناس هنا اعصابها تعبانة من المرتبات والزيادات وكل همها زيادة الفلوس والله يا جماعة انا ليه واحد صاحبي مدرس سافر السعودية تعاقد حكومة وكان هيموت من الفرح وقعد 7 سنوات هناك جمع فيهم مئات الالوف والسنه دي جاله مرض وحش في المعدة واستقال ودلوقت بيقول يا رب خد مني كل مالي ورجع لي صحتي . والله لو واحد فينا راح مستشفي وشاف المرضي هناك هيقول طز في فلوس الدنيا كلها . حقيقي الفلوس لا غني عنها بس مش هيه كل حاجة ولو احنا مخدناش حقنا من الحكومة لازم نجاهد سوا وناخد حقنا بس بهدوء ومن غير عصبية ونحمد ربنا اولا واخيرا ان فينا صحة نقدر نشتغل ونكمل حياتنا

[سيلفانو]

استاذى الفاضل
نحن لا نتاجر فى المخدرات ولا ارواح الناس ولا السلاح
لكى تقول لنا هذا الحديث
نحن نسعى الى رزقنا ونفرح لزيادته
وهذا كل همنا لان لكل منا اسرة يرعاها
وان المرض هذا ابتلاء من عند الله
ليس له علاقة بما كسبت ايدينا من حلال
فهل الله عاقب صاحبك بالمرض لانه سافر السعودية وعمل بها معلما وجمع منها المال ؟
وهل طلبنا فى زيادة حقوقنا المادية هذا حرام ؟

لا يا اخى فى الله فنحن نسعى الى زياده حقوقنا التى هي مشروعة وليست محرمة او مجرمة
فنحن راضيين بما قسمة الله لنا
وفرحين باى زيادة ما دامت بحلاله

[توفيق رفعت عجيز]

لو البلد مفيش فيها مرتبات مرتفعة واخري متدنية لو هذا حال البلد فعلا ساعتها هنرضي بمرتبنا بس الحقيقة ان هناك ظلم وقع علي فئه من الموظفين نححن اكثرها تظلما

[خالد خلف الله]

والله يا اخي كلامك ممتاز وياريت الناس هنا يضعوه في الحسبان حتى يعرفوا ان المال ليس كل شئ

[محمود رياضة]

اللهم اجعلها وسيلة لا غاية ، اللهم اجعلها فى أيدينا ولا تجعلها فى قلوبنا

[ابو فاخر]

كلامك فية شئ من الحكمة

[hamdy.alnoby]

شكرا على الحكمة التي نعلمها جميعا ولكن بين الحين والآخر نحتاج من يذكرنا بها

[رضا عبد الحميد عبد الرازق]

اللهم لا تجعل الدنيا أكبر همنا

[ayah25]

المشاركة الأصلية كتبت بواسطة توفيق رفعت عجيز

لو البلد مفيش فيها مرتبات مرتفعة واخري متدنية لو هذا حال البلد فعلا ساعتها هنرضي بمرتبنا بس الحقيقة ان هناك ظلم وقع علي فئه من الموظفين نححن اكثرها تظلما

كلامك صح وياريت يكون فيه عدالة فى المرتبات

[wahsh2008]

خير ان شاء الله

[ابوجنا2]

رزقكم فى السماء
رزقكم فى السماء
رزقكم فى السماء
رزقكم فى السماء

[مصطفى كوته]

ماضاع حق وراءة مطالب وهذه ابسط الحقوق يا اخى لانطلب سيارة ولاقصرا وانما نطلب عيشة كريمة

[منار على]

اولا الحمد لله على كل حال

ثانيا

حضرتك بتقول انا بشوف الناس هنا اعصابها تعبانة من المرتبات والزيادات وكل همها زيادة الفلوس ومن الواضح انك بتستنكر عليهم دا وكمان عنوان موضوعك دا بيدل على انك بتعتبرهم ماديين كل اللى يهمهم الفلوس وبس وبصراحه انا بختلف معاك تماما لانى بشوف ان عندهم الف حق يعنى المدرس اللى لسه متعين وبياخد 420 جنيه فى الشهر ومش بيدى دروس دا بقى فى ظل الاسعار المرتفعه دى هيكون نفسه امتى ويعيش حياته
المدرس اللى بقاله كام سنه وعنده ولاد فى مراحل تعليميه مختلفه وبياخد اقل من 1000 جنيه فى الشهر يعيش ازاى حياه كريمه اقل حاجه مش من حقهم لما يتعبوا يدخلوا مستشفيات نضيفه زى صاحب حضرتك وميحتاجوش لحد فى ظل ان فيه فى البلد اللى اجورهم بالالاف وكمان مش عاجبهم ياترى ينطبق عليهم عنوان موضوعك بصراحه الناس لما تشوف كدا غصبن عنها ضغطها لازم يعلى وتحس بالظلم ويطالبوا بالعداله الاجتماعيه وفى اسرع وقت ودا حقهم اللى مش معناه ابدا انهم ماديين جدا وبيجروا ورا الفلوس ومينطبقش عليهم ابدا عنوان موضوعك يعنى بصراحه بشوف ان دا حقهم وحتى لو فيه فينا اللى ميفرقش معاه زياده المرتبات المفترض انهم كمان يحسوا بغيرهم ويحطوا نفسهم فى مكانهم ويشوفوا ياترى هيحسوا احساسهم ولا لا هيثوروا زيهم ولا لا لكن للاسف الملاحظ على اغلبنا انهم مش بيحسوا غير بنفسهم وبس مادام هما عايشين كويس خلاص
وعلى فكره انا من المؤمنين جدا ان الفلوس مهمه لكن مش اكتر من وسيله واللى يعتبرها غايه ويقضى حياته فى جمعها يبقى انسان غبى بيضيع حياته لاننا مش بنعيش غير مره واحده وبس كمان من الناس اللى مش بتحب الظلم سواء ليها او لغيرها

واعتقد ان ظلم للناس دى انك تنكر عليها جريها ورا حقوقها واحساسها بالظلم بانعدام العداله الاجتماعيه ولا هما من الناس اللى بينطبق عليهم ابدا عنوان موضوعك لان اعتقد ان الناس اللى بينطبق عليهم عنوان موضوعك هما الناس اللى بيجروا ورا جمع المال وزيادته مش اللى حاسين بالظلم وبيطالبوا بالعداله ودخلهم حتى مش بيقضيهم لنص الشهر

[حمزة2222]

الحمد لله على كل حال
الاخ لازم ظروفه مرتاحة خااااااااااااااااااااااااااااااااااااااااااااااااا اااااااااااااااااااااااااالص

[tarekezzat2005]

المشاركة الأصلية كتبت بواسطة سيلفانو

استاذى الفاضل
نحن لا نتاجر فى المخدرات ولا ارواح الناس ولا السلاح
لكى تقول لنا هذا الحديث
نحن نسعى الى رزقنا ونفرح لزيادته
وهذا كل همنا لان لكل منا اسرة يرعاها
وان المرض هذا ابتلاء من عند الله
ليس له علاقة بما كسبت ايدينا من حلال
فهل الله عاقب صاحبك بالمرض لانه سافر السعودية وعمل بها معلما وجمع منها المال ؟
وهل طلبنا فى زيادة حقوقنا المادية هذا حرام ؟

لا يا اخى فى الله فنحن نسعى الى زياده حقوقنا التى هي مشروعة وليست محرمة او مجرمة
فنحن راضيين بما قسمة الله لنا
وفرحين باى زيادة ما دامت بحلاله

كلام جميل , نحن نسعى فى الخير , أما المرض فهو ابتلاء من الله عز وجل , فاللهم عافنا جميعا