رسالة الى ادارة المنتدى ومراقبيها المحترمين؟

[الاستاذ احمد الجندى]

ارجوا من ادراة المنتدى ومراقبيها المحترمين حذف الموضوعات الخاصه بالتثبيت فى حالة عدم وجود منشور

رسمى بذلك اولا باول لان ذلك يعمل ع زيادة الاحتقان ومن غيظ المتعاقدين من الممكن ان يخرجوا عن شعورهم ب
سبب المواضيع المشكوك فى صحتها

[مسيو إيهاب]

استاذى الفاضل لما بنحذف أى موضوع بنلاقى قنابل من الهجوم علينا بجد حاجة غريبة كل واحد عايز موضعه يتثبت مش يتحذف حتى ولو كان موضوع تافه وتلاقى الهجوم شغال تمام المشرف بيمارس دور أمن الدولة والمشرف فيه وفيه والمشكلة أن بعض الأعاء بيساندوا الناس اللى بتهاجم

فعلشان كده أنا مش هحذف أى موضوع الا بناء على طلب الأعضاء كلهم حتى لا أتعرض للسبوالهجوم والتهكم

[السيد أبو مروان]

الاخ ايهاب انت مراقب ويجب ان تقوم بدورك فعلا واعتقد ان كل الاعضاء قرأوا الشروط للمنتدى ووافقوا عليها
لذا انت تقوم بعملك وواجبك فقم به على احسن وجه ولا تلتفت الى كلام الاخرين
وفقك الله

[مسيو إيهاب]

انا تعرضت للشتم والقذف والاهانة من بعض الأعضاء
بسبب حذف موضوعاتهم

ولما اتكلم وأحذر الاقى هجوم
لدرجة أن بعض الأعضاء عيبوا عليه ويقولوا ده متعاقد لسه اسمه بالقلم الرصاص وازاى يحذف موضوعاتنا

وشتم وسب علنى
وهنا بعض الأعضاء هجوم مستمر بدون أى سبب لدرجة أنى بقيت متحير مش عارف ليه وأحنا نبسهر علشان نخدمهم

[الاستاذ احمد الجندى]

ما ادعو اليه يا مسيو ايهاب ان يكون لهذا المنتدى المصداقيه فى الاخبار؟
اعلم ما تتعرض له من بعض الاعضاء
اعلم ان الكل لن يجتمعوا ع كرهك ولا ع حبك

[مستر / وائل الفايد]

لا تلتفت الى كلام الاخرين
وفقك الله

[أ/ هاني خلف]

طيب عايزين باب لمدرسي الأزهر المثبتين وأخبارهم لأنه يوجد شعور عام بأن أخبار التثبيت محتكرة معظم أخبار المنتدي (معظم زملائي مشتركين معي في نفس الشعور). مع تعاطفنا الكامل واستعدادنا لدعم أخواننا المتعاقدين.

[أ/ سعيد موسى]

مشكله مصر الاساسية ان كل واحد عايز اللى يمشى على هواه
لو سرت مسيو ايهاب وراء كل واحد سوف يغرق المنتدى
افعل ياصديقى ماتراه صحيحا فاذا كان عدد اعضاء المنتدى
10 عندئذ نحن نحتاج الى 10 مشرفين لكل عضو مشرف يقوم
بتفصيل المنتدى على هواه
انا شخصيا يكفينى ادبك فى الحوار على الرغم من اختلافى معك فى كثير من الامور
ولكن يظل بيننا الاحترام والود دائما
وخذ من مستر خالد الغباشى نموذج يفعل مايراه صحيحا ولايلتفت الى اصحاب الصوت العالى
وفقك الله

[أ/ سعيد موسى]

المشاركة الأصلية كتبت بواسطة أ/ هاني خلف

طيب عايزين باب لمدرسي الأزهر المثبتين وأخبارهم لأنه يوجد شعور عام بأن أخبار التثبيت محتكرة معظم أخبار المنتدي (معظم زملائي مشتركين معي في نفس الشعور). مع تعاطفنا الكامل واستعدادنا لدعم أخواننا المتعاقدين.

اوافقك الرأى

[اسامه سنجر]

لما نتثبت يبقا نشوف الامور الاخرى وكمان نحن الان فى اجازة الصيف لما يبدا العام الدراسى يبقا نشوف الموضوعات ولكن الموضوع الاساس هو التثبيت واستحملونا شوية

[أ/ سعيد موسى]

المشاركة الأصلية كتبت بواسطة اسامه سنجر

لما نتثبت يبقا نشوف الامور الاخرى وكمان نحن الان فى اجازة الصيف لما يبدا العام الدراسى يبقا نشوف الموضوعات ولكن الموضوع الاساس هو التثبيت واستحملونا شوية

فرض علينا ان نستحملك اكتر من شوية فنحن فى الاخر اخوة
وفرحك يفرحنى وحزنك يحزننى
ماشى ا/ اسامه لكن بعد التثبيت انت تستحملنا علشان هنطلع عليكم
القديم والجديد

[الاستاذ احمد الجندى]

المشاركة الأصلية كتبت بواسطة مستر / وائل الفايد

لا تلتفت الى كلام الاخرين
وفقك الله

كأنهم خشب مسندة

[مسيو إيهاب]

ادعمونا من أجل رقى منتداكم

[السيد أبو مروان]

فعلا ياليت لو تم عمل منتدى لمعلمي الازهر المثبتين فقط
و منتدى اخر للمتعاقدين الذين سيثبتون بإذن الله قريبا
وكل يعرض فيه وجهة نظره ومشاكله وحلولها وموضوعاته حتى يستريح الكل فلا يزعل متعاقد من مثبت ولا مثبت من متعاقد
كما في منتدى التربية والتعليم هناك منتدى للمعلمين الجدد والمتعاقدين
وكما قال الرسول صلى الله عليه وسلم ( لا ضرر ولا ضرار )
واقول للمسيو ايهاب انت اخ لنا فلا تحزن ولا تزعل من بعض الناس لانك تقوم بعملك كما يجب

[محمودقنديل]

المشاركة الأصلية كتبت بواسطة أ/ هاني خلف

طيب عايزين باب لمدرسي الأزهر المثبتين وأخبارهم لأنه يوجد شعور عام بأن أخبار التثبيت محتكرة معظم أخبار المنتدي (معظم زملائي مشتركين معي في نفس الشعور). مع تعاطفنا الكامل واستعدادنا لدعم أخواننا المتعاقدين.

اتفق معك نحن نريد جزء خاص بنا لتبادل اخبار المعاهد والمنشورات الخاصه بالمعاهد وتبادل الخبرات ولا نريد ان نشترك في منتدي اصبح مقتصر علي اخبار الاعتصامات والتثبيت فالمتعاقدين لهم الحق في التثبيت ولكن لنا نحن كمان ان نشعر بان هذا المنتدي يهتم بكل معلمي الازهر وليس فقط للمتعاقدين فالمنتدي اصبح للمتعاقدين فقط