شوية استفسارات ...

[MOSTAFA093]

أنا الحمد لله جبت مجموع كلى 83% أدبى وعايز أدخل كلية أداب إعلام إن شاء الله
عايز أعرف أنا هكون مرحلة أولى ولا ثانية
كمان هو فى المرحلة الأولى بيحددوا مجموع القبول بكل كلية ولا الناس بتقدم وخلاص وبعدين بتظهر كل كلية قبلت من كام ، وكذلك فى المرحلة الثانية
وكمان أنا لو دخلت مثلاً تنسيق مرحلة أولى وقدمت على أداب وطلعت أداب مرحلة أولى مثلاً من 85% ، وبعدين نزلت مرحلة ثانية بمجموع أقل مثلاً من 79% يبقى أنا دلوقتى أعمل إيه عشان متقبلتش فى المرحلة الأولى ، هل أقدم مرحلة ثانية ولا هياخدوا الرغبات اللى بعدها اللى أنا مش عايزها بص حاططها كده طبقاً للشروط ، والمفروض إنى مقبول فى الكلية فى المرحلة الثانية
أرجو الإفادة لو سمحتم للأهمية

[MOSTAFA093]

للرفــــع .......

[MOSTAFA093]

للرفع ----------------------

[rozandlife]

وانا كمان عاوزه اخش اعلام او اداب اعلام وجايبه 90 فالميه ادبى حاقدر اخش اى حاجه من دول ولا ايه

[MOSTAFA093]

ممكن من فضلكم الإجاااابة لو سمحتم

[الأستاذة أم شاهندة]

المشاركة الأصلية كتبت بواسطة mostafa093

أنا الحمد لله جبت مجموع كلى 83% أدبى وعايز أدخل كلية أداب إعلام إن شاء الله


إن شاء الله تدخل
عايز أعرف أنا هكون مرحلة أولى ولا ثانية

لما تظهر نسب التنسيق حتعرف
وأتوقع تكون مرحلة أولى إن شاء الله


كمان هو فى المرحلة الأولى بيحددوا مجموع القبول بكل كلية ولا الناس بتقدم وخلاص وبعدين بتظهر كل كلية قبلت من كام ، وكذلك فى المرحلة الثانية

لا الناس بتقدم وبعدين هما مثلاً عاوزين 1000 طالب مثلاً
بياخدوا ألف واحد من اللى رغباتهم الأولى أداب
ويشوفوا آخر مجموع فيهم كمان يبقى هو ده الحد الأدنى
لو لسة مش كملوا العدد المطلوب
اللى هو الألف مثلاً
يبقى حتنزل الكلية مرحلة تانية


وكمان أنا لو دخلت مثلاً تنسيق مرحلة أولى وقدمت على أداب وطلعت أداب مرحلة أولى مثلاً من 85% ، وبعدين نزلت مرحلة ثانية بمجموع أقل مثلاً من 79% يبقى أنا دلوقتى أعمل إيه عشان متقبلتش فى المرحلة الأولى ، هل أقدم مرحلة ثانية ولا هياخدوا الرغبات اللى بعدها اللى أنا مش عايزها بص حاططها كده طبقاً للشروط ، والمفروض إنى مقبول فى الكلية فى المرحلة الثانية
أرجو الإفادة لو سمحتم للأهمية

لو أداب حتنزل مرحلة تانية أو توصل للمجموع أقل من مجموعك يبقى مؤكد حتقبلك ومفيش حاجة اسمها تقدم تانى فى مرحلة تانية

لكن لو لا قدر الله خدت أكبر من مجموعك (يعنى آخر واحد دخلها وقفلت الباب بعده أكبر من مجموعك
يبقى حياخدوا الرغبة التالية لها واللى حتكون أنت كاتبها


هدوا أعصابكم شوية

والأمور لا تحتاج كل هذا التوتر

إن شاء الله خير للجميع

ونحن معكم خطوة بخطوة

[ghada93]

انا جايبة 405 يعنى 98.8 ممكن الحق طب بشرى طنطا

[ghada93]

ممكن بعد ازنكم حد يرد و يطمنى

[ghada93]

ايه يا جماعة ماحدش بيرد ليه

[fadyssmm]

يا جماعه متقلقوش انهارده اتقالت مرتين علي القنوات الفضائية و علي النت ان السنه دي مرحله اولي علمي 90% و مرحله اولي ادبي 80%