حد يقولى احسب درجتى ازاى؟؟

الجنة امنيتى · #1 20-07-2011, 07:26 AM

انا فى تانية ثانوى وجبت 93.5 فى المية
حد يقولى ...السنة الجاية ان شاء الله لو جبت 100 من غير المستوى
بجمع الدرجات ازاى
والمستوى معاهم ازاى
وهكون شاكرة جداااااااااااااااااااا

الانيق الاشقر · #2 20-07-2011, 07:34 AM

اختى الفاضلة 93.5 يعنى 192 من 205 فى تانيه لو ربنا اكرمك فى سنه تالته وجبتى 100 يعنى 205 من 205 كده تجمعى
192 + 205 وحاصل الجمع تقسميه على 410 اللى هو مجموع السنتين علشان يطلع معاكى النسبة المئويه
اما بالنسبة للمستوى الرفيع فالحاصل على اعلى من 5 درجات بيضاف اليه ما بعد يعنى على سبيل المثال لو انتى جبتى 6 من 10 هيضفلك درجه وحده ولو جبتى 6.5 هيضفلك درجه ونص ولو جبتى 7 هيضفلك درجتين وهكذا
كده لو ربنا اكرمك باذن الله وجبتى 205 فى سنه تالته بالمستوى الرفيع مجموعك يوصل 96.8 % ربنا يكرمك باذن الله

الجنة امنيتى · #3 20-07-2011, 07:40 AM

يعنى انا بجمع الدرجة العادية بتاعة سنة تانية والدرجة بتاعة سنة تالتة والمستوى
واقسمهم كلهم على 410؟

الانيق الاشقر · #4 20-07-2011, 07:43 AM

اه كده صح ربنا يكرمك باذن الله

الجنة امنيتى · #5 20-07-2011, 07:48 AM

بس كدة مش هيطلع 96.8
طب انت حسب المستوى كام درجة؟؟

الانيق الاشقر · #6 20-07-2011, 07:58 AM

فرضا لو انتى نقصتى فى سنه تالته 5 درجات فى كل المواد والمستوى الرفيع جبتى فيه 10 من 10 يبقى هيضفلك 5 درجات بالتالى كده كانك جبتى 205 لان المستوى الرفيع هيعوض ال5 درجات النقص وبالتالى تجمعى 205 لسنه تالته باذن الله على 192 سنه تانيه والمجموع كده هيبقى 397 ما يساوى 96.8%

شرير الدماء · #7 20-07-2011, 07:59 AM

المستوى الرفيع 2% يضاف للمجموع النهائى بتاع الثانوية العامة يعنى لو جايبة 96 يبقى 98
والله أعلى وأعلم

الجنة امنيتى · #8 20-07-2011, 08:02 AM

صح تمام كدة
ربنا يخليكوا

طيب احول علمى علوم ولا افضل رياضة؟؟ اصلى مبحبش الرياضة...بس للاسف مجموعى فرض عليا كدة

والاحياء صعبة صح؟

الانيق الاشقر · #9 20-07-2011, 08:05 AM

استعينى بالله فى تحديد الافضل
اعملى صلاه استخاره وربنا باذن الله هيوجهك على الطريق الافضل
الاحياء مش صعبة لو انتى ذاكرتيها كويس

شرير الدماء · #10 20-07-2011, 08:26 AM

اقتباس:

المشاركة الأصلية كتبت بواسطة الجنة امنيتى

صح تمام كدة
ربنا يخليكوا

طيب احول علمى علوم ولا افضل رياضة؟؟ اصلى مبحبش الرياضة...بس للاسف مجموعى فرض عليا كدة

والاحياء صعبة صح؟

.الصراحة الأحياء فعلا مشكلة أختى علمى علوم وصدمت فى نتيجتها فى الأحياء مع أن أختى الصراحة شاطرة جدااا,
المهم رأى ممكن تخليكى علمى رياضة عشان تكونى فى السليم محدش يعرف إيه اللى هايحصل السنة اللى جاية!ضباب

الجنة امنيتى · #11 20-07-2011, 08:28 AM

طب و ان شاء الله 98 دى تدخلنى هندسة؟؟؟!!!!
وكأنى جايبة 92 ؟؟
ولا فى فرق؟؟