لكل اللى راح عمل تظلم اجمع

[mo2aa_2010]

الوقتى ياجماعه طبعا فى كتير عمل تظلم وبجد بجد حسينا كلنا بالقهر اما كون الواحد عمل اللى عليه وتعب وزاكر وحل كويس وفى الاخر مناخدش درجتنا ونكسر فرحه اهالينا بينا انا هحكيلوا انا عملت ايه كنت مراجعه الاحياء والفلسفه المصيبه الاولى فى الاحياء الاقى سؤال بدرجه متصححش وسؤال تانى بنص بردوه متصححش وسؤال تانى عملاه زى النموذج بس مفصله شويه الاقيه يدينى نص الدرجه بس البلوه التانيه الفلسفه سؤال فى المنطق زى النموذج بالظبط وادانى واحد من اتنين وسؤال الفلسفه بتاع الجبريه كتبت ادله الجبريه ادانى نص الدرجه وحياه ربنا زمايلى كاتبين زىى فى الفلفسه وجايبين الدرجه النهائيه فين بقه تكافؤ الفرص يعنى انا زنبى ايه ان ربنا وقعنى فى ايد مصححين بالشكل الزباله ده حقى يضيع واملى فى الكليه اللى عشت طول عمرى اتمناها يروح وبسسب ايه اموت واعرف بجد حاجه تقهر امانه عليكو كل اللى يدخل يدعى ان درجاتى تجيلى كامله عشان اعرف اروح كلي والله من حقىى 4 درجات يودونى الصيدله مرتاااااااااااااااااااااااااااااااح اعمل ايه لزم نشوف حل للموضوع ده تعبنا مش هيروح بسبب مصححين معندهمش ضمير منهم لله

[mega man166]

wllahy ana zyak fe elflsfa bs hn3ml a?
kadr allah w masha2 f3l

[أجمل زهرة]

ربنا ع الظالم والمفترى

انا كماان سؤال محسوب صح لاصحااااابى كلهم وكلنا نفس الاجابة

ومنقصنى نص ف الكيميا

والانجلش سؤال ف القطعة كاتبه زى النموذج ومزودة جزء كشرح يعنى وبردووووووووو مدينى نص الدرجة

وبنت تانية شفتها بعين والله كاتبه اجابة مش ف القطعة اصلا تأليف بمعنى الكلمة ومش زى النموذج واخدة الدرجة !!!!!


يـــــــــــــــــــــارب صبرنى

وان شاء الله ربنا هيردها للمصحيين ف عيالهم ولو ما اخدوش جزائهم ف الدنيا هياخدوه ف الاخرررره


اللهم بلغنا رمضااان...آآآمين

[هاجر آياتى]

ياجماعه بعد ما تظهر نتيجة التظلم قولولنا هو طلعلكم درجات ولا لا

[mo2aa_2010]

واحنا هنسكت على الموضوع ده ياجماعه هى العمليه سلق بيض ولا ايه يعنى ايه واحدد حالل كويس زى النموذج وميخدش رجاتتتتتتتتتتتتتتتتتتتتتتتتتتته همووووووووووووووووووووووووووووووووت

[دودي66]

يا رب كل واحد ياخد حقه

[بوبو انج ليتا]

يارب كل واحد له درجات ياخدهم وفيقيهم بوسة

[ALLALL]

يا جماعة اعرف واحد عمل تظلم فى مادة الفلسفة وطلعله 12.5
والغلط فى التصحيح وليس جمع الدرجات
طب نعرف منين ان الدرجات جت
يا ريت الرد

[Aya Abdelrahman]

يارب كل واحد ليه درجات ياخدها
بس انا عايزة ألفت نظركوا لحاجة ان الدرجات اللي بتتاخد بتبقي غلط في التجميع .. بمعنى ان الدرجة تبقي مكتوبة فوق السؤال المتصحح داخل كراسة الإجابة بس المصحح نسي يحطها برا وبالتالي اللي بيجمع ،بيجمع عـ اساس الدرجات اللي عنده برا ..

إعادة التصحيح دي هي اللي عليها قضية انك تبقى كاتب السؤال صح والمصحح منقصك عليه والقضية دي بترفعها وبتاخد الدرجات بعد كزا سنة يعني تبقى دخلت كلية واحتمال تكون خلصتها كمان .. حل غير مرغوب فيه مـ الآخر

عـن نفسي هروح أعمل تظلم في العربي منقصينني 2.5 درجة وأنا كاتبة أفضل من النموذج كمان وناس ناسية حاجات أصلا وناقصين 0.5 درجة بس!! وفـِ نفس اللجنة يعني نفس المصحح!!

أنا هعمل تظلم وأنا على يقين إنه احتمال 0.3% إني إخد ربع درجة بس يبقى اسمي عملت اللي عليا

مش عايزة أحبط حد بس صدقوني أعرف واحد كان هيموت بمعنى الكلمة عـَ نص درجة فرقت عـَ هندسة ودخل حاسبات ومعلومات وهو محبط ومستميت وربنا كرمه وبيشتغل برا دلوقتي وصاحبه اللي دخل هندسة طالع عينه وعين اللي خلفوه معاه ومشتغلش زي التاني ..

الحمـــد لله على كــل حــــال وربنا يرضي الجميع إن شاء الله

[msh835]

لى ملحوظة بسيطة ليس معنى أنك راجعتى مع زميلتك أنك مثلها تماما هذا لا يعقل فكلمة واحدة فى الاجابة بالزيادة أو النقصان تغير معنى الاجابة تماما . والتوفيق للجميع