كلنا ضد التوزيع الجغرافى الاجبارى !!! خشوا ادعموا الحملة !!

[Negmawy Design]

حملة ( كلنا ضد التنسيق الجغرافى الاجبارى )
بسم الله الرحمن الرحيم

احنا مش هنطول فى الكلام ....
الكلام اللى بيحصل فى التنسيق ده استهبال ، يعنى ايه توزيع جغرافى للتنسيق ؟؟!!

الكلام ده يتعمل لما يكون فى كل محافظة فرص متكافأه فى الكليات و نفس أقسام الكليات موجودة فى كل المحافظات

1- التوزيع الجغرافى تحديد لآمال و طموحات الطالب
هضرب مثل: أنا لو علمى رياضة و عاوز أخش هندسة قسم طيران ، مافيش فى مصر كليه هندسة طيران غير اللى فى القاهرة ، و لنفترض انى من المنوفية فتبعا للتوزيع الجغرافى انا مجبر على أحد أقسام كلية شبين ( اللى ما فيهاش طيران ) يعنى ببساطه قتلوا طموحى

2- الوزير بتاع التعليم العالى بيقول ان التوزيع الجغرافى معمول بيه لمنع ظاهرة الاغتراب لدى ابنائنا ، حاجة غريبة بقى علشان الاغتراب اضيع مستقبلى

و فى نظرة تانية للموضوع ، مثال برده (القاهرة) الاقبال عليها شديد فكلياتها هتأخد من مجموع عالى فممكن واحد من أهل القاهرة يكون مجموعه أقل من تنسيق كليات القاهرة فيضطر ان يبعد عن أهله -- دى مشكلة بس مش احنا اللى نحلها الحل يا سيادة الوزير انك توفر الأقسام و الكليات بالتساوى على المحافظات علشان تلغى المركزية فى التعليم العالى


3- احنا شايفين ان التوزيع الجغرافى ده مالهوش اى تلاتين لازمة
لأن كده كده اللى فى دماغة حاجة هيحوللها فى أول شهر ، طب التنسيق بقا عمل ايه ؟؟؟!!



ياريت نجمع أكبر عدد من طلاب الثانوية المتضامنين أو المتضررين فى الصفحة دى ، علشان صوتنا يبقى قوى و يسمعوا اللى هنقوله !

حق علينا ..... نتعلم فى المكان اللى يملا عنينا

Please support( like and share)

شير فى الخبر يا شباب