اعـــــــــــــــــــــــمل ايــــــــــــــــــــــــــه؟؟؟!!

[mr\ashraf]

ياجماعه انا مش فاهم حاجه وانا هبدأ بتساؤلاتى وحد رد عليا والنبى
1- الرغبات قبل التنسيق مايطلع ولا بعد
2- الرغبات هتتكتب ازاى وايه المووقع
3- اما اقدم رغبات علمى رياضه ازاى اعرف الكليات اللى ممكن مجموعى يدخلها
4- ايه قصة التوزيع الجغرافى دى لازم بالمكان ولا باختيار الطالب
ياريت حد يرد المره دى

[mr\ashraf]

ابوس ايديكم حد يرد عليا النهارده الخميس وانا خايف لو معملتش الرغبات النهارده حاجه تحصل ولا ايه؟

[تامر باسل]

1 - التنسيق بيعتمد على الرغبات .. يعني التنسيق بعد تقديم الرغبات .. من الآخر الرغبات عاملة زى الامتحان والتنسيق عامل زى النتيجة .

2 - بتدخل على موقع التنسيق الالكترونى .. سهل انك تلاقيه من خلال موقع جوجل .. وبعدين بتكتب رقم جلوسك والرقم القومى او اى حاجة يطلبها منك .. وبعدين بتتأكد من بياناتك .. وبعدين بتلاقى 48 خانة بتملى فيها رغباتك .

3 - انت قدامك 48 رغبة .. يعني اكيد هتبقى قدامك الفرصة علشان تملى الخانات بالكلية اللى انت عاوزها واللى مش عاوزها كمان .

4 - يعني لو قبلت فى كلية معينة .. بتروح اقرب جامعة ليك من حسب الموقع .. والحتة دى السنادى غصب عن الطالب . يعني لو مجموعك وصل لكلية معينة يبقي هتروح غصب عنك الجامعة الاقرب ليك .

[وليدصاوى]

صح بس قولى بقى الى جايب 272 هيلحق زراعة

[mr\ashraf]

طب هو لازم يوم الخميس اللى هو النهارده يعنى ولا اخر معاد امتى انا قلقان اوى

[mr\ashraf]

ياجدعان والنبى حد يرد

[مصطفى اسماعيل عبد الله]

لا ما تقلقش التقديم على الاقل بيستنى 4ايام

[mr\ashraf]

طب ونتيجة التنسيق هتبان امتى
وياريت حد يرد بسرعه

[joey_oggie]

Insha2allah ba3d mal mar7ala 2ola te5las be 48 saa3a. Wel mar7ala 2ola 7ate5las yom el 2arba3 el gy (27/7/2011)/

[كامل على]

حمل الدليل دة وانت تعرف كل حاجة
http://www.thanwya.com/vb/showthread...20#post3722320
التقديم شغال من يوم الخميس وحتلى الاربعاء القادم الساعة 7 مساء