القاضى يتقاضى 1600 جنيه بدل علاج شهريا

[atefshabara]

انا نفسى فى مرتب شهرى مثل بدل علاج القاضى بعد 22 سنه خدمه

[wahsh2008]

لايضيع حق وراءه مطالب

[الوردالجميل]

طيب هما عملوا المستشفيات الحكومى ليه والتامين الصحى لمين دول عملهم لينا احنا مش مشكله عندهم المهم عندهم القضاة ظباط الشرطة الممثلين لعيبة الكرة احنا فاكرين لما وزير المالية سفر زوجته تتعالج بملايين الشعب اللى كان بيجمعها من الضرايب على نفقة الدولة وكمان طلعت زكريا لما طلع يتالج على نفقة الدولة برضة تعالى كدا وتقول اسافر على نفقة الدولة حيقوللك اصل الدولة والسفر مكلف والدكاترة بتوعنا حلويين ومية سسب
من الاخر احنا لينا المستشفياتاللى فيها 20 فى اودة وهم ليهم حاجة تانية خالص وطل تحلم علشان الاحلام مضرة بالصحة وتتعب ومتلقيش بدل العلاج دا يجرالك حاجة

[sadq]

شعار بلدنا اطعم مطعوم ولا تطعم محروم، يعنى ببساطة كدة زود الغنى غنى على غناه وزود الفقير فقرا على فقره ، يعطوا للقاضى 1600 جنيه بدل علاج وكام ألف بدل سكن وبدل سيارة وبدل لبس إضافة لمرتبة الضخم قال إيه لزوم برستيج وتقدير لدوره وعلشان ما يرتشيش ، وإذا أعطوا المدرس مائة جنيه زيادة سموها كادر وبرنامج رئيس وفضحونا وطمعوا الناس فينا وعملوا لنا اختبارات مهينة كل خمس سنوات وجوعوا الإداريين وسلطوهم علينا يخصموا منا جزاءات ويسحبوا منا إتاوات ...

[teacher120]

ومعظمهم مرتشين وداحلين بالوسايط

[abohazem]

دخلت كلية العلوم بمجموع 85% والقاضى دخل الحقوق بمجموع50% ،نجحت فى العلوم بتقدير جيد واتعينت مدرس والقاضى نجح فى الحقوق بتقدير مقبول ودخل مجال القضاء.
بعد كل ده مين يستحق يكون مميز عن الآخر

[محمد حسين الشربينى]

أصل احنا لو كان لنا نقابة هنبقى كدا
احنا اللى بهدلنا نفسنا

[Nabila]

كل واحد عامل مقارتة ويقول فلان احسن منى فى اية؟ اية يا جماعة وهوة رئيس الجمهورية بيعمل اية علشان مرتبة يبقى قد كدة ؟ وواحد معاة دكتوراة مش عارف يعيش اية حكاية المقارنات دى انتوا عارفين الضغط النفسى على القاضى اية؟!!!!!!! وهوة المدرس بيعمل اية يعنى (انا مدرسة ) 30 سنة .... العامل فى المدرسة بيذل مجهود كنس ومسح اكتر منة ... هوة بيفع نقارن كدة .... والكناس فى الشارع شوف المدرس بياخد كام ..... الموضوع مش كدة الى بيتكلم بتكلم على اهمية شفلة
القاضى فى الدول الاجنبية بياخد شيك على بياض لانة لابد ان يقم العدل وعينة مليانة

[Nabila]

الى ميضيع حقوقنا مستشارين الوزارة وترزية القوانين

[teacher120]

مش موضوع مقارنات استاذه نبيله لكن لا تستقيم الامور والمعلم يتقاضى ملاليم وتلامذته الاف الجنيهات

[zidan956]

خد دية

3000 جنيه بدل المصيف للهيئات النيابية والقضائية فى العام

الكلام ده فى العام الماضى ومش عارف إذا كان زاد هذا العام أم لا

الناس حاسدينا على المكافأة أنا صرفتها بعد 17 سنة خدمة فى التعليم هذا العام 3000 جنيه مثل بدل المصيف للقضاة فى العام الماضى 0000000 يا بلاش !!!!!!!!!!!!!!!!!!!!!!!!!!!!!!!!!!!

[sadq]

المشاركة الأصلية كتبت بواسطة nabila

كل واحد عامل مقارتة ويقول فلان احسن منى فى اية؟ اية يا جماعة وهوة رئيس الجمهورية بيعمل اية علشان مرتبة يبقى قد كدة ؟ وواحد معاة دكتوراة مش عارف يعيش اية حكاية المقارنات دى انتوا عارفين الضغط النفسى على القاضى اية؟!!!!!!! وهوة المدرس بيعمل اية يعنى (انا مدرسة ) 30 سنة .... العامل فى المدرسة بيذل مجهود كنس ومسح اكتر منة ... هوة بيفع نقارن كدة .... والكناس فى الشارع شوف المدرس بياخد كام ..... الموضوع مش كدة الى بيتكلم بتكلم على اهمية شفلة
القاضى فى الدول الاجنبية بياخد شيك على بياض لانة لابد ان يقم العدل وعينة مليانة

غريبة جدا بعد 30 سنة فى التدريس وترين أن المدرس لا يبذل مجهودا مثل القاضى وليس عليه ضغوط كالتى تقع على القاضى وأنه ليس أفضل 100 مرة من القاضى ومن رئيس الدولة نفسه.
أنا عملت 12 سنة فقط فى التدريس ووجدت أن حصة واحدة فى فصل أولى ابتدائى فيها ضغط نفسى وعصبى أعظم بكثير من معظم المهن الأخرى.
ثم من قال إن القاضى لا تملأ عينه إلى إذا أخذ بدل علاج يعادل دخل 2 مدرسين أوائل ؟!
لا بد وأن يكون هناك نظرة أخرى للمعلم بداية من المعلم نفسه فنحن لسنا أقل من القضاه ولا من أساتذة الجامعة ولا يوجد فى هذه البلد من هو أشرف ولا أعظم مهنة من المعلم الابتدائى والإعدادى والثانوى وهذه ليست مبالغة بل هذه هى الحقيقة التى يقر بها العالم المتقدم.

[abohazem]

المشاركة الأصلية كتبت بواسطة nabila

كل واحد عامل مقارتة ويقول فلان احسن منى فى اية؟ اية يا جماعة وهوة رئيس الجمهورية بيعمل اية علشان مرتبة يبقى قد كدة ؟ وواحد معاة دكتوراة مش عارف يعيش اية حكاية المقارنات دى انتوا عارفين الضغط النفسى على القاضى اية؟!!!!!!! وهوة المدرس بيعمل اية يعنى (انا مدرسة ) 30 سنة .... العامل فى المدرسة بيذل مجهود كنس ومسح اكتر منة ... هوة بيفع نقارن كدة .... والكناس فى الشارع شوف المدرس بياخد كام ..... الموضوع مش كدة الى بيتكلم بتكلم على اهمية شفلة
القاضى فى الدول الاجنبية بياخد شيك على بياض لانة لابد ان يقم العدل وعينة مليانة

ياترى حضرتك مدرسة من ثلاثين سنة من أى نوعية أنا كان عندى مدرسات وأنا طالب بيقشروا بسلة وينقوا رز وعدس جوه الفصل ولى الأن زميلات مدرسات قمة فى العطاء والضمير داخل الفصل ياترى حضرتك من أى نوع وبعدين نحن مسلمين ونرضى بما قسمه الله لنا ولكننا لا نطلب الا العدل وعدم تمييز فئة معينة الا طبقا لمعايير محدة ومعلنة ( وعلى فكرة المدرس هو كمان مطلوب منه أن يقيم العدل بين طلابه وعينه مليانه،) مع أنى أعرف مدرسين بيغششوا بعد الحصول على سندوتش وزجاجة بيببسى وهما دول اللى ودوا البلد فى داهية

[هشام ابومنه]

يا اخوانى هل تعلمون كيف تقدمت اليابان هذا التقدم السريع ليس لعبقرية الشعب اليابانى ولكنهم اهتموا بالتعليم وخاصة المعلم فمنحوا المعلم اعلى راتب فى الدولة وايضا حصانة الدبلوماسى هذة الدول التى تريد ان تتقدم وتعلوا وغيرها من الدول اما نحن فنهين المعلم بتعين وزراع لايفقهون اصول التعليم او الادارة ونريد اذلال المعلم كانه تاجر مخدرات وليس صاحب رساله يستحق عليها التعظيم . وفى النهاية حسبى الله ونعم الوكيل

[abohazem]

المشاركة الأصلية كتبت بواسطة nabila

كل واحد عامل مقارتة ويقول فلان احسن منى فى اية؟ اية يا جماعة وهوة رئيس الجمهورية بيعمل اية علشان مرتبة يبقى قد كدة ؟ وواحد معاة دكتوراة مش عارف يعيش اية حكاية المقارنات دى انتوا عارفين الضغط النفسى على القاضى اية؟!!!!!!! وهوة المدرس بيعمل اية يعنى (انا مدرسة ) 30 سنة .... العامل فى المدرسة بيذل مجهود كنس ومسح اكتر منة ... هوة بيفع نقارن كدة .... والكناس فى الشارع شوف المدرس بياخد كام ..... الموضوع مش كدة الى بيتكلم بتكلم على اهمية شفلة
القاضى فى الدول الاجنبية بياخد شيك على بياض لانة لابد ان يقم العدل وعينة مليانة

ياست نبيلة للأسف طريقة كلامك بتقول ان لك ابن دخل الحقوق ب 50 % أو زوج يعمل فى القضاء من نوعية عبد السلام جمعة وكمان انا أشك انك مدرسة لأن المدرس صاحب الضمير بعد حصتين عمل يتعب مثل شخص آخر يعمل 8ساعات فى مهن اخرى الا اذا كان ماعندوش ضمير