*** ..أديها مقاطعة أديها الطعم كل فيها***

[**تسابيح**]

السلام عليكم ورحمة الله وبركاته
ازيكم؟
ايه الأخبار...
من كلمة &&مقاطعة && هينبثق موضوعي
مرة كنت مسافرة أنا وواحدة قريبي عزيزة عليه جداا
المهم انتم عارفين الجو حر وكنا مسافرين في عز عين الولعة
الساعة 2 الظهر
طبعا لما وصلنا لحد الميني والعطش بئا أجاركم الله
فقالت يلا نشتري مياه معدنية...
رحنا عن أول محل ...وسألت عن نوع ميه معين ..
فمش لقت ...!!
وانا عارفة انها دكتورة
فقلت يمكن ..الميه دي مفيدة للجسم أكثر
هي أدري طبعا
رحنا تاني مفيش النوع دا..
فقلت لها يابنتي ما تجيبي أي نوع وتخلصي ..كلها ميه ..
فقالت : لا أصل النوع الا أنا عايزة مش تبع المقاطعة ...

المهم رحت صاحبتكم **اللي هي أنا سكتت**...
فراحت جابت نوع من الأنواع العصاير بس في شكل كانز ..

فقالت النوع دا حلو وكمان مش تبع المقاطعة ...

جبت عصير عشان منشتريش ميه أبداا من المقاطعة

ولما وصلنا المكان ..اللي ريحينه ...

فضلت تسأل ع ميه لحد لما وصلت لميه

ولقيت لأول مرة في حياتي ميه مكتوب عليه اسم عربي خالص
مش اعجمي متعرب

كان اسمها الغدير...وطبعا بعد المعاناة دي كلها

قالت لي: أن الميه دي هي هي ..وأحسن كمان...

بس اللي انا عايزة أقلكم عليه أن قريبتي دي

انا بحبها جداا جداا ..
لأنها من النوع اللي عنده مبدأ في الحياة ...لا تغيرها

يعني المقاطعة بتاعها من سنيين ومع ذلك مش ملت ولا غيرت المبدأ أبدااا....

أم انا في طبعا قطعت اسبوعين وتعبت

.........
موقف تاني لشخص اعرف
المهم أن الشخص دا بيعمل عند الحكومة...

في مرة مكنش في جيبه ولا شلن...

وهو متجوز وعنده أطفال...

فاعترض عليه عشان يخلص مصلحة ويأخذ 50 جنية

شوفوا الإغراء

صحيح ممكن تشوفوا ال50 شيء قليل ...

بس ...هو وقتها مش معاه فلوس ومتجوز

ومع ذلك ..راح واخذ ال50 جنية وقاطعها نصين ...

وقال للراجل لو مش مشيت دلوقتي مش هيحصل لك طيب...

::::::::::::::

كنا في فرح...

أخت العروسة بئا ...ماشي...


لابسة فستان سوريه

ومسيبه شعرها....وبعدين بالصدفة

اتقال اادامي ان البنت دي محجبة....

بكل بساطة كداا ...اتخلت عن الحجاب عشان الفرح...

وكثير من الناس بتتخلي عن مبادؤها ...لأسباب واهية ...!!!