|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
22-07-2011, 05:37 PM
|
||||
|
||||
أوروبا بتقتل فى ولادنا
السلام عليكم
اسعد الله اوقتاكم بكل خير انهارده موضوعى ليه اكتر من فكره انا جمعت كل الافكار اللى جتلى فى فكره واحده يمكن اسم الموضوع مختلف شويه وغريب شويتين بس ممكن يكون حقيقه اه اوروبا بتقتل فى ولادنا او بمعنى اصج احنا بنبعت ولادنا اوروبا علشان يمتوا هناك اه عايزنهم يمتوا هناك طيب الموضوع الغريب ده بيتكلم عن ايه ؟ عن حاجات كتير نمسك من الاول كده كبت الآهل اهلنا بيكبتونا ومش بيخلونا نتعامل بحريتنا عايزنا نمشى بدماغهم مش بدماغنا عايزنا نفكر بتفكرهم مش تفكرنا عايزنا نبقى آله هما اللى يحركوها وبالطبع الشباب بيشوفوا انهم لما يسفروا بره مصر حيقدروا يفكروا لوحدهم حيقدروا يقفوا ويجربوا من غير ما حد يقول لهم لا علشان يقعوا ويرجعوا تانى يقفوا على رجليهم من جديد هما اهلنا السبب ومن هنا بتبدأ فكره الهجره خارج البلاد وطبعا الهجره بتكون غير شرعيه ماهو الشاب حيجيب منين فلوس علشان يسافر ماهو اصلا متخرج من طب ولا تريبه وقاعد على القهوه من غير شغل واهو سافر وراح ايطاليا مثلاً وبعدين حيشتغل هناك ايه ؟ يمسح الارض ويغسل الصحون وياريت كل ده بكرمته لا دى كرامته فى الزباله ونرجع ونقول كرامه المصرى بتتهان بره مصر وفى الغرب طيب يا ابن الحلال ما تقعد فى بلدك واشتغل هنا فى بلدك على الاقل حتقعد بكرمتك ومش حقول لك امسح واغسل لا اشتغل بياع فى محل مثلاً يجى عم الحاج الشاب يقول لك لا ابقى انا دكتور ولا مهندس وبشتغل بياع؟ واخد 300 ولا 400 جنيه فى الشهر ؟ اقولك انا اشتغل بياع فى محل وخدلك 400 ولا 300 جنيه دول وانت دكتور ويتقال عليك بتكافح ولا تقعد على القهوه وابوك يصرف عليك ويتقال عليك فاشل؟ ياعم الحج فكر شويه وخليك مكافح اشتغل سنه واتنين وسته واتمرمت كمان وبعدها اعمل مشروع واشتغل بشهادتك واتجوز وخليك اب مثلى لاولادك فى المستقبل مش تروح لبلاد بره وتخليهم يقتلوك بنفسك ونرجع فى الاخر نلومك يابلدى ونقول ما فيش شغل ومافيش حاجه والبلد بايظ والشباب قاعد على القهوه وابويا وامى محجمنى ومش عايزنى افكر لا وكمان عايزنى امشى بدماغهم ااه منك يا بلدى ياللى مش نافع فيكى حاجه ولا ليكى حل انا طالع بره واشتغل واتمرمت واهين كرمتى بس ابقى بحريتى انا كده اتكلمت باختصار عن كذا حاجه كبت الاهل للشباب واحباطهم ليهم الهجره الغير شرعيه الجلوس على المقاهى بحجه مافيش شغل وعلى فكره انا مش ضد السفر والشغل بره مصر بس اشتغل بشهاتدك وكرامتك ماشى لكن ليه تستخدم طرق غير مشروعه وتهين نفسك وبلدك ؟ وبجد كل واحد بيعمل كده هو فعلا فاشل وعمره ما حينجح وكمان الشباب دول فى نظرى مالهمش اى قيمه ولا حتى لازمه ومش رجاله كمان ده كان رأيى عن الشباب اللى بيهرب ويسيب بلده ويهج ويتحجج بحجج فارغه انت رأيك ايه ؟ كلامى صح ولا غلط ؟ اتمنى ان الموضوع ينال اعجاب الجميع zozza love بوابه الثانويه العامه
__________________
 |
|
#2
22-07-2011, 05:42 PM
|
|||
|
|||
|
احب اكون اول معلقين عليكى
بما انى تعابنه والله و مش قادره اكتب و مخنوقه فمش حقدر اناقش حاليا و لى عوده مره اخرى بس مبدائيا انا موافقاكى فى كل شئ و موضوع رائع يا عزة ربنا يوفقك و محدش بيقتل اولادنا هما الى بسمحوا لنفسهم بكدا
__________________
قررت أن أصوّت للسلفيين...لتصبح بلادي مزدهرة كأفغانستان،...متحدة كالسودان،شبعانة كالصومال,..و ديموقراطية كالسعودية!عليكم ان تحتارو بين نظام اسلامى كما فى هذة الدولوبين نظام اسلامى كما فى تركبا وماليزيا |
|
#3
22-07-2011, 06:15 PM
|
||||
|
||||
|
اقتباس:
سلامتك يا صوفيا
وفى انتظار تعليقك ^^
__________________
|
|
#4
22-07-2011, 07:47 PM
|
||||
|
||||
|
ما شاء الله يا عزة تفكيركـ أكبر من سنكـ !
بجد و الله عندكـ حق على موضوع الاهل دا لان دا شئ بيضايقنى جداً ان مثلاً ماما عايزانى لازم لازم لازم اخد احياء و اذا دخلت حاجة فيها رياضة2 هاتمشى من البيت  بهزر طبعاً بس فعلاً ماما قالتلى انها هاتزعل اذا دخلت رياضة2 ف تالتة و انا حلمـ حياتى ان ادخل هندسة بالذمة أعمل اييييه ؟؟ أما فكرة الشباب فـ بصراحة دا بيرجع الى البطالة طبعاً لان مفيش شغل فـ مفيش حاجة يعملها فـ يعمل اييه ؟؟ أكيد يسافر برا مصر عشان يلاقى شغلانة حلوة !! ربنا يهديهمـ .. موضوع جميل اوى يا عزة و يناقش مشكلة كبيرة بجد 
__________________
{وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ } |
|
#5
23-07-2011, 03:08 AM
|
||||
|
||||
|
اقتباس:
هى الدراسه كمان بالعافيه !!!!!!!
اعملى اللى انتى عايزه وحاوى تقنعى مامتك بكده وان انتى اللى حتدرسى مش حد تانى يابنتى ماهو الشاب ده بيطلع بره مصر يتمرمت ويطلع عينه ويهين نفسه وكرمته وبلده علشان كلمه " البطاله " طيب ما يتمرمت فى بلده وبكرمته يتهان سنه و2 و3 فى بلده وبعدها يبقى ملك ويشتغل بشهادته ولا يتمرمت 10 او 15 سنه بره ويرجع ايد ورا وايد قدام ؟ وياريت بيلاقى بره شغلانه حلوه ما انا اقول لك اللى بيشتغل شغلانه حلوه ده بيسافر بطريقه شرعيه وبيرح علشان بيشتغل بشهادته بيرح بره يشرف بلده ويرجع برده مشرفها مش بيروح بطريقه غير شرعيه ويغسل صحون ويمسح الارض ويهين نفسه وكرمته وبلده !!!! مرورك الآجمل ياقمر بس ياريت تكونى فهمتى وجهت نظرى نورتى،،
__________________
|
|
#6
23-07-2011, 04:50 AM
|
||||
|
||||
|
ما شاء الله موضوعك ممتاز وكلامك سليم جدا
بس عندى اضافة ان فى سبب كمان هوالجهل يعنى بالنسبة للى اعرفهم (منطقة ريفية)وبيهاجروا بطريقة غر شرعية يعتبروا شبه اميين لانهم إما تركوا الابتدائى واما كملوا بس فاشلين دراسيا لدرجة ان فى ناس بتسافر 12 سنة فقط وبالتالى مفيش ادراك للى هو بيعملوا واسباب تانية كتير ربنا يجزيك خير على الموضوع
__________________
يا قوم كفانا خذلانا سيروا فى ركب الرحمن عودوا للحق ولا تهنوا فالنصر لأهل القرآن |
|
#7
23-07-2011, 09:22 AM
|
||||
|
||||
|
اقتباس:
عندك حق طبعاً لانه لو بيفكر ماكنش ترك بلده وهان نفسه وكرمته وكمان بلده ولو كان متعلم او حاول يتعلم كان حيفكر وحيعرف ازاى يبقى راجل ويشتغل ومش يقعد على القهوه ويبقى عاطل!! جزاكى الله خيراً نورتى،،،
__________________
|
|
#8
23-07-2011, 10:36 AM
|
||||
|
||||
|
الموضوع جميل جدا وفعلا بيناقش مشاكل الشباب اللى موجودة على الساحة ..
لكن احب اقول ان مش كل الشباب كده .. فيه شباب بيقبل اى وظيفة حتى لا يقال عليه عاطل وهناك من تعود الاعتماد على الاهل ومش عايز يتعب نفسه بحجة مفيش وظايف ..واسهل الطرق للهروب فى نظره هو السفر للخارج و هناك بيحاول يقبل اقل المهن ما هو مفيش اى شخص يعرفه كمان عدم تحمل المسئوليه بيظهر كمان فى اختياره لوسيلة سفره اللى عادة بتكون خطر واحيانا بيدفع ثمن احلامه بموته ..زى ما قلتى انت تفكير اى شاب بيعتمد على طريقة تربيته .. نتمنى ربنا يوفق الشباب ويلاقوا خيط البداية اللى بيه تتحقق اخلامهم .. وياريت نرفع معاهم شعار لا للاحباط او الفشل .. موضوع جميل ... جزاكى الله خيراااااااااااا
__________________
استودعكم الله ..
|
|
#9
23-07-2011, 10:52 AM
|
||||
|
||||
|
اقتباس:
لا طبعاً انا مش بعمم الكلام على كل الشباب فى شباب مكافح ومش بيهمه المظاهر ولا كلام الناس وفى شباب تانين يقولوا لك لا احنا مدرسين ماينفعش نشتغل غير كده !!!! ودى اسمها مظاهر كدابه وطبعاً الاهل اللى بيشجعوا اولادهم على كده او بيحجمهم بالطريقه دى غلطانين جداً مافي آب او آم يحجم ابنه والمفروض يسبونا بحريتنا كمان وطبعا زى ما قولتى بيسافر وهو معرض حياته للخطر لانه حيسافر بطريقه غير شرعيه جزاكى الله خيراً على مرورك الجميل ، نورتى حبيبتى
__________________
|
|
#10
23-07-2011, 05:52 PM
|
|||
|
|||
|
بس المفروض الدوله توفر وظايف
|
|
#11
23-07-2011, 06:57 PM
|
||||
|
||||
|
اقتباس:
مش فاهمه قصد حضرتك
يعنى مصر توفر وظايف ؟ اينعم الوظائف الحكوميه قليله بس الخاصه كتيره والجدع والمكافح عارف كده كويس نورتى
__________________
|
|
#12
23-07-2011, 08:54 PM
|
||||
|
||||
|
قال إيه اللى غصبك على المر قال اللى أمر منه   الجوع كافر .... وفى بلادنا بلاد الجوعى وصل فيها الشعب إلى 40% منهم تحت خط الفقر أنا لا أبرر ما يفعله الشباب فمنهم من يفكر فى السفر وهو ليس فى حاجة له وإنما الموضوع بالنسبة له سياحة. لكن فيه شباب قعدوا يدوروا على شغل 4 سنين ولم يصلوا إلى شىء فما المطلوب منهم أن يظلوا على الحديدة ،،، فإذا كانت الحديدة نفسها قد بيعت ، فما المطلوب من شاب تمر به السنون وهو لا يجد ما يعمله ومتصدقيش ياعزة إن القطاع الخاص بيوفر للشباب زبادى وفرش أسنان ،، لا والله قوانين العمل موفرة لصاحب العمل الخاص كل المزايا ووكله حق الشباب فى ختام كلامى لست مع أو ضد
ولكن لا بد من الإنصاف
__________________
معلم اللغة العربية بمدارس المنصورة كولدج الدولية  |
|
#13
24-07-2011, 10:12 AM
|
||||
|
||||
|
اقتباس:
طيب انا عايزه أسال سؤال
هما اخواتى دول مش شباب ؟ واصحابهم وجيرانى وكل اللى بشوفهم ؟ ما دول شباب برضوه بس الفرق ان ده تعب شويه وبعدها ارتاح وده ارتاح شويتن وبعدها تعب وحيفضل طول عمرهم تعبان لان بكل صراحه فاشل فاشل فى نظر اهله ونظر نفسه ونظر المجتمع كمان علشان ماحولش يبقى مكافح ويتمرمت سنه واتين وعشره علشان يبقى راجل ومين قال لحضرتك ان القطاع الخاص مش كويس بالعكس ده كويس جداً اينعم فيه عيوب ولكن له مييزات انا قولت انى مش ضد السفر بس اسافر بكرمتى واشتغل بشهادتى مش اروح اغسل وامسح هناك لا اقعد هنا فى بلدى واهين نفسى وكرمتى احسن مش واحد يجى يقول لك انا مش بعرف اشتغل غير الحاجه الفلانيه ؟ ده عويل مش راجل ولو كان راجل كان عرف ان ايده لازم تكون خشنه مش يقعد ياخد مصروفه من ابوه ؟ وهى دى الازمه بقى بجد كل الناس تدخل كليات القمه ونرجع نقول مافيش شغل وهو اصلا فى حاجه اسمها كليه قمه يافرحتى لما واحد ولا واحده يدخلوا طب ولا صيدله ويقعدوا فى البيت ولا كانوهم اتعلموا حاجه من الاصل والله انا عندى ياخدوا دبلوم صناعى ويشتغلوا ويستفادوا احسن من كليه الطب دى اسفه يا استاذ عبدالله طولت على حضرتك نورت،،
__________________
|
|
#14
24-07-2011, 10:16 AM
|
||||
|
||||
|
بصراحة أنا اتفق مع رأي الأستاذ عبد الله الرفاعي
الموضوع معقد يا عزة, وياريت لا تقسين على الشباب لأن الله وحده أعلم بحالهم وفعلاً ‘يه إللي رمالك على المر.... الأمر منه بلدنا مش مستحملانا فقالوا : نشوف بلد تاني يمكن تستحملنا  وشكراً ليكي موضوع مثير  
__________________
قيل لاحد الخبثاء: كيف تخُرب البلاد. قال اٌخون الحكام وأسُب القضاء واهين الحراس وأُجهل الأراء واُسفه العقلاء واُسرّح السجناء واشجع الغوغاء وانصر الجهلاء.فقيل له: أهناك قوم يقبلون ذلك فى بلادهم.قال لهم: نعم.في بلاد يكثر فيها المنافقين و الجهلاء
|
|
#15
24-07-2011, 10:22 AM
|
||||
|
||||
|
اقتباس:
بصي يا عزة أنا متابع مشاركاتك وآرائك وواضح أنك بنت مليئة بالحماس, والجرأة ولكن أنا بصفتي اتمرمت على أرض الواقع, واحتكيت بسوق العمل بصراحة القطاع الخاص عايز خنازير مش بني آدمين يعني من الآخر تختار ما بين 2 (بيتك- شغلك!) الموضوع مش بالبساطة دي يا زوزا
__________________
قيل لاحد الخبثاء: كيف تخُرب البلاد. قال اٌخون الحكام وأسُب القضاء واهين الحراس وأُجهل الأراء واُسفه العقلاء واُسرّح السجناء واشجع الغوغاء وانصر الجهلاء.فقيل له: أهناك قوم يقبلون ذلك فى بلادهم.قال لهم: نعم.في بلاد يكثر فيها المنافقين و الجهلاء
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:36 PM.
