هل النطاق الجغرافي يلعب دورا في الحد الادنى للكليات ؟

[Hazem-Hamdy]

يعني مثلا

لو قلنا ان كلية طب القاهرة و عين شمس و صيدلة القاهرة و عين شمس حلوان كل واحدة هتاخد 500 طالب مثلا كدا يبقا 2500 و الاسنان للقاهرة و عين شمس و العلاج الطبيعي على بعض 500 يبقا كدا القطاع الطبي للنطاق الجغرافي دا 3000 طالب
لو فرضا ان فيه الي جايبين 96 و فوق 2500 هل ده مثلا يخلي الحد الادنى للقطاع الطبي للنطاق الجغرافي ده يقل ؟
اخذا في الاعتبار ان مثلا نطاق جغرافي تاني و ليكن ب بياخد 3000 برضه بس عدد الطلاب الي جايبين 96 و فوق 4000 دا هايخلي الحج الادنى للقطاع الطبي في النطاق ب اعلى منه في النطاق الاولاني ؟

و لا كله بيتأثر بعدد الي جايبين 96 و فوق في الجمهورية كلها ؟

[نؤنؤة...]

انا كنت عايزة اسال السؤال ده برضو عشان انا مش فاهمة ياريت اللى عارف يعرفنى معاك

[eng--zako]

كله بيتأثر بعدد الي جايبين 96 و فوق في الجمهورية كلها

[نؤنؤة...]

ممممممممم يعنى تفتكر كده انا ممكن الحق صيدلة القاهرة او عين شمس انا جايبة 398.5 يعنى 97.2 ؟؟؟؟؟؟؟؟؟؟

[eng--zako]

ان شاء الله تلحقيها ... لاقدر الله ملحقتهاش و جتلك بعيد و لا حاجة في تحويل مناظر عالنت بنسبة 10 % بعد المرحلة التانية لا قدر الله لو منفعش لعدم دخول مجموعك النسبة و ده فرض صعب خالص ... في تحويل ورقي مناظر بفلوس ... المهم متقلقيش يا دكتورة .. ان شاء الله خير

[نؤنؤة...]

المشاركة الأصلية كتبت بواسطة eng--zako

ان شاء الله تلحقيها ... لاقدر الله ملحقتهاش و جتلك بعيد و لا حاجة في تحويل مناظر عالنت بنسبة 10 % بعد المرحلة التانية لا قدر الله لو منفعش لعدم دخول مجموعك النسبة و ده فرض صعب خالص ... في تحويل ورقي مناظر بفلوس ... المهم متقلقيش يا دكتورة .. ان شاء الله خير

يارب الحقها ربنا ييسر اللى فيه الخير

[عبدالله مسعد حسن]

'طـــــــــــــــــبــــــــــــــــــــــــعـــــ ــــــــــــــــــاً
بص يا برنس هاديك مثال صغير : انا واحد من البحيرة ... عندنا عشان المحافظة كبييرة اوى وفيها الكليات اللى موجودة فى دمنهور ... تلاقى حضرتك الكليات دى اعلى كليات على مستوى الجمهورية ... زى تجارة دمنهور .. دايما بتكون اعلى تجارة .... عشان كده التوزيع الجغرافى بيرفع من كليات مش برستيج اوى ... ويقلل من كليات برستيجها عالى اوى زى اسكندرية مثلاُ...