الى وزير التعليم

[alneseem]

انت بتقعد على مكتب فخم وتكييفات حولك من كل مكان لو كنت اصلا مدرس وبتدخل الفصول وتتتعامل مباشرة مع الطلاب وتراقب عليهم فى الامتحانات اكيد كنت ها تشوف المر والعزاب والتعب الشاق الذى يتذوقه ويعانيه المعلم ابو طباشيرة وفى هذه الحالة مكنتش ها تتردد مطلقا فى تلبية مطالب المعلمين وتبطل النغمه بتعتك ديه كل شويه تطلع علينا وتقولنا المعلم كادر خاص والمتظاهرون دول قله قليلة لا يعبروا عن راى المعلمين ورسالة المعلم سامية والكلام المزوق ده نعم رسالة المعلم سامية ولكن علشان يؤديها بنجاح ويحقق رسالته كاملة لازم الدولة تكفل له حياه كريمة مثل القضاه او بتوع الضرائب او بتوع البنوك او .... او .... او ...... حتى علشان الطلبة يسمعوله ويتخذونه قدوة ومثل أعلى لكن تجاهل الدولة للمعلمين هو انتكاسة للتعليم وتدمير شامل للعملية التعليمية
ومثال بسيط نعيشه هذه الايام عملونا كادر واتناقش فى مجلس الشعب وبعد سنتين مناقشة اقره المجلس ووقف الريس بجلالة قدره وقال وعملنا للمعلم كادرا خاص ( يا فرحتى بيك يا خويا ) وامتحنا واتهنا واتعزبنا وزدنا كام 50 % ثم 50 % يعنى كله 100 % وكمان استكتروها علينا عملوها على الاساس القديم شوف الوقت بتوع المحليات ها يزيدو 200 % ومن غير قوانين ولا امتحانات ولا شهادة تربوى ولا icdl ولا ريس يقف يتنفخ ويقولك وعملنا كادرا خاص يعنى العامل فى المجلس المحلى ها ياخد اكتر منى ان صاحب الرسالة السامية

حرام حرام حرام عليك يا وزير التعليم حرام هذا الظلم للمعلمين