رسالة المعلم أهم من الاموال التي تبحثون عنها

[المعلم الثائر1]

ايها المعلمون والمعلمات المحترمين - الذين يعانون منذ سنوات طوال - هذه رسالة قصيرة من معلم يعاني مثلكم من ذل تلك المهنة التي هي من اقدس المهن على وجه الارض فلقد اصبحت رقبة التلميذ برقبة الف معلم كما تعلمون ولكن في اعتقادي ( أن المعلم يختاره الله عز وجل لتلك المهنة الشريفة ورسالتها المقدسة ) فنحن لا نبحث عن اموال - هل رأيتم مدرساً مليونيراً في يوم من الايام ؟ - فنحن من نصنع الاجيال التي تصنع الثورات فرجاءاً لا نريد مطالب فئوية بل نريد رفعة مصر ونعيد لمصر شبابها بعدما شاخت في عصر مبارك ، فلقد قبلنا العمل بقروش في بداية عملنا في تلك الوزارة ، فدعونا من السؤال عن الحد الادنى والاقصى يكفينا قوت يومنا ولنجعل سمو مهنتنا رسالة الى المصريين جميعاً .

-اقبل النقد بصدر رحب

[نهيره]

ايه العزيز اتقى الله اى رسالة تبحث عنها فى ظل لن مرتباتنا تنتهى يوم 5 فى الشهر ورسالتى لك ايه الوزير ان على وعلى اعدائى ابقى ابدا انت العام الدراسى الجديد لوحدك

[منار على]

يؤسفنى جدا انى اقول لحضرتك ان نسبه كبيره جدا من المعلمين اللى حضرتك بتتكلم عنهم وتقصدهم بكلامك انقرضت من زمااااااااااااااااااااااااااااااااااااااان جدااااااااااااااااااااااا ودا فى نظرى السبب الاساسى فى اللى احنا بنعانى منه دلوقت

[احمد عواد]

كيف تقوم بواجبك تحت كل هذا الضغط من الوزارة واولى الامر والمرتب 600 جنية وفى اجار واكل وشرب ولبس ودكتور للعيال ومياة ونور وغاز ودواء يا راجل العامل فى شركة النظافة بيقبض اكثر منا عشر سنوات عمل والمرتب 600 طب نسمع كلامك ولا نسمع طلبات اولادنا البسيطة اجب على هذا السؤال ؟!!!!!!!

[رضا عبد الحميد عبد الرازق]

أيها المعلمون مهلا مهلا طالما انت رضيت بهذا المرتب البسيط لابد ان تعمل بجد وتراعى الله فى شغلك ووالله بعقد الهاء سيبارك الله لك فى هذا القليل

[منار على]

المشاركة الأصلية كتبت بواسطة احمد عواد

كيف تقوم بواجبك تحت كل هذا الضغط من الوزارة واولى الامر والمرتب 600 جنية وفى اجار واكل وشرب ولبس ودكتور للعيال ومياة ونور وغاز ودواء يا راجل العامل فى شركة النظافة بيقبض اكثر منا عشر سنوات عمل والمرتب 600 طب نسمع كلامك ولا نسمع طلبات اولادنا البسيطة اجب على هذا السؤال ؟!!!!!!!

اسمحلى حضرتك انت اشتغلت الشغلانه دى بكامل ارادتك وسعيت ليها وكنت عارف كويس جدا المرتب كام

والعقد شريعه المتعاقدين وبما انك ارتضيت من الاول بيها ووافقت يبقى انت ملزم تأدى عملك على اكمل وجه

لان دا الشىء اللى ربنا هيحاسبنا عليه كلنا بغض النظر بقى عن اى شىء تانى ودا مش معناه انى بنكر عليك حقوقك بالعكس مش انت لوحدك اللى حاسس بالظلم وانعدام العداله الاجتماعيه كلنا كدا ومن حقنا اننا نطالب بحقوقنا بس من غير مانقصر فى شغلنابأى شكل من الاشكال خاصه لان شغلنا مع طلبه ودول امانه فى ايدينا منهم ولاد حضرتك

[طارق احمد عبد السلام]

مع أحترامى
لكلام سيادتك
سالة العلمين لم ولن تنقطع
الشىء الوحيد
اللى انقطع هو
الامل ف المستقيل
سؤال لسيادتك
ولأخوانى المعلمين
الزيادة فى الاسعار هذا الشهر فقط
فى السلع الااساسية
1-السكر زاد2.5جنيه
2-الفول3جنيه
3-الارز 2.5جنيه
4-اللحمة10جنيه
طبعا الزياده فى كل كيلو
وغيرهم
وشوف باقى الطلبات منظفات وخلافه
ولو فى علاج
او كشف دكتور
ولا أبنك فىالانوية وبياخد دروس هو وأخواته
ولاو لا ولا ولا ولا
ملعونه الرسالة الى
مبتديناش متطلبات الحياة العادية
أحنا مش طالبين فيلا وعربية
أحناطالبين عيشة
عادية

[احمد عواد]

المشاركة الأصلية كتبت بواسطة منار على

اسمحلى حضرتك انت اشتغلت الشغلانه دى بكامل ارادتك وسعيت ليها وكنت عارف كويس جدا المرتب كام

والعقد شريعه المتعاقدين وبما انك ارتضيت من الاول بيها ووافقت يبقى انت ملزم تأدى عملك على اكمل وجه

لان دا الشىء اللى ربنا هيحاسبنا عليه كلنا بغض النظر بقى عن اى شىء تانى

كلام جميل المهم الامم تقاس بما تخرجه من علماء واطباء ومهندسين ومخترعين يعنى بالتعليم والمهم مش فى الفلوس البركة من عند الله والحمد لله المهم فى العقول كام واحد فى المعلمين يقوم باداء واجبة والله انا بحاول مع المعلمين وللاسف كاننا نحفر فى ماء

[mrx2011]

اسمحلى حضرتك انت اشتغلت الشغلانه دى بكامل ارادتك وسعيت ليها وكنت عارف كويس جدا المرتب كام

والعقد شريعه المتعاقدين وبما انك ارتضيت من الاول بيها ووافقت يبقى انت ملزم تأدى عملك على اكمل وجه

لان دا الشىء اللى ربنا هيحاسبنا عليه كلنا بغض النظر بقى عن اى شىء تانى ودا مش معناه انى بنكر عليك حقوقك بالعكس مش انت لوحدك اللى حاسس بالظلم وانعدام العداله الاجتماعيه كلنا كدا ومن حقنا اننا نطالب بحقوقنا بس من غير مانقصر فى شغلنابأى شكل من الاشكال خاصه لان شغلنا مع طلبه ودول امانه فى ايدينا منهم ولاد حضرتك
يا ناس حرام عليكم هو فيه حد كان يعرف انالمرتب ملاليم انتم بتضجكوا على نفسكم او انتم بتوع دروس مش محتاجين ولو قارنت المرتب زمان والاسعار الان ؟؟؟؟؟؟

[احمد عواد]

لا يوجد تقصير فى العمل والصامت عن الحق شيطان اخرس المطالبه بالحق وجب وسوف نسأل عنه المهم ان احنا نطلب حقنا

[sammos]

ومين اللى فرض ان المعلم عمروا ماكان مليونير وعلى اساس نبقى ادنى فئات الدولة ايام الدولة العباسية كان اللى بيترجم كتاب بيخد وزنه دهب والعلما كانوا ندماء الحكام
احنا مش بنبحث عن اموال ولا عاوزين نبقى مليونيرات احنا عاوزين نقدر نعيش عيشه كريمة ومهما قولتوا اللى مش هيطالب بحقه يسكت ومالوش دعوه باللى عاوز حقه ولا بقى كلمة معلم مربوطه بكلمه شحات

[منار على]

المشاركة الأصلية كتبت بواسطة mrx2011

اسمحلى حضرتك انت اشتغلت الشغلانه دى بكامل ارادتك وسعيت ليها وكنت عارف كويس جدا المرتب كام

والعقد شريعه المتعاقدين وبما انك ارتضيت من الاول بيها ووافقت يبقى انت ملزم تأدى عملك على اكمل وجه

لان دا الشىء اللى ربنا هيحاسبنا عليه كلنا بغض النظر بقى عن اى شىء تانى ودا مش معناه انى بنكر عليك حقوقك بالعكس مش انت لوحدك اللى حاسس بالظلم وانعدام العداله الاجتماعيه كلنا كدا ومن حقنا اننا نطالب بحقوقنا بس من غير مانقصر فى شغلنابأى شكل من الاشكال خاصه لان شغلنا مع طلبه ودول امانه فى ايدينا منهم ولاد حضرتك
يا ناس حرام عليكم هو فيه حد كان يعرف انالمرتب ملاليم انتم بتضجكوا على نفسكم او انتم بتوع دروس مش محتاجين ولو قارنت المرتب زمان والاسعار الان ؟؟؟؟؟؟

على فكره حضرتك انا باخد 418 جنيه والحمد لله مرتبى بيخلص قبل نص الشهر وولو رحت للدكتور مثلا اهلى هما اللى بيصرفوا عليا والحمد لله مش بدى دروس ولا اى حاجه ولما اشتغلت كنت عارفه هاخد كام واعتقد ان اى حد اشتغل من عشر سنين او اكتر كان عارف هياخد كام كويس جدااااااااااااااااااااااا وعارف اوضاع المدرسين كمان انا مش بنكر على حضرتك انك تطالب بحقوقك انا بنكر عليك انك تقصر فى واجبك زى ماوضحت فى نهايه كلامى ياريت الناس تفهم كلامى صح قبل ما تهاجمنى مش معنى ان لينا حق واننا مظلومين اننا نقصر فى شغلنا اللى هنتحاسب عليه

[sammos]

المشاركة الأصلية كتبت بواسطة محمودعيد

الاخت اللى بتتفلسف المفروض انها فى عصمة راجل بيصرف عليها يعنى حتى لو اشتغلت ببلاش مش هيزعلها انما الشبا اللى فى رقبتها اسرة واولاد ومراته مش بتشتغل يعمل ايه بالرساله هيوكل اولاده رساله ولا لما يروح لدكتور هيدفعله رساله اصحى ياباشا انت وهى احنا اصبحنا احقر طبقة فى المجتمع عامة ايه منظرك قدام التلاميذ واقل تلميذ بياخد مصروفه اكتر من مرتبك ولا الولاد هتتعلم ليه اساسا بعد عشرين سنة تعليم هيكون مصيره زينا طيب ميوفر المصاريف ومن قصيرها يتعلم صنعه ايه رايكم ياترى كام تلاميذ مثله الاعلى مدرس ولا يتمنى يكون مدرس ولا ولى امر نفسه يكون ابنة مدرس اسف بس الدولة هى اللى حقرتنا وحقرة رسالتنا و وكل يوم تجيب وزير متخلف عن اللى قبله ولا يهمة مصلحة المدرس ولا التعليم قد ما يهمة رضا اسيادة عليه علشان الكرسى ولكن لا ضاع حق وراءة مطالب كم فعلت كل الهيءات والوزارات

معاك حق يا استاذ محمود فى كل كلمة وبالاضافه لهذا البنت اللى بتتجوز مدرس بتعرف ان كل احلامها انتهت
وبالنسبه لموضوع العقد كلنا عارفين اننا مجبرين على ده مش ارتضينا ولا اتنيلنا واكيد لو فيه اختيرات مش هتلاقى ولا موظف فى التربية والتعليم تانى يوم علشان كده مش فاضلنا غير اننا نطالب بحقنا
عارفين لما تشغل عامل باقل من حقه علشان انت عارف ان هو محتاج ومضطر لده ونستغل اضطرره كده يبقى ارتضى

[teacher_2]

رسالة ايه اللى بيتكلمو عنها ؟
والنبى بلاش الكلام ده
اصل الواحد ريقه نشف فى حلقه وعاوز حد يشبط فى زمارة رقابته
هما اللى بيقبضو ملايين لسه معندهمش رسائيل؟
sms طيب ؟

[راجي عفو الرحمن]

أستاذنا العزيز شحاتة معك حق في كل كلمة كتبتها ، ولكن .........
إن ضياع هيبة المعلم واحتقار مهنته اجتماعياً مرتبط أساساً براتبه وكذلك كل المهن في المجتمع إن غالبية الموظفين بالأماكن التي تتقاضى راتباً محترماً كالاتصالات ووزارة العدل والكهرباء والبترول وغيرها ينظر لهم على أنهم أكثر قيمة منك أنت أيها المعلم وذلك لارتفاع رواتبهم وتدني راتبك .
ولا تحسب أن هذا الأمر جاء جزافاً لأن الحط من قيمة المعلم هو أمر مقصود سياسياً لأن بضياع هيبة المعلم واحترامه ينتهي أمر التعليم في أي دولة .