كل سنة وأنتم طيبين ومصر طيبة

[حميد بدوى]

كل سنة وأنتم طيبين

ومصر طيبة

عدت سنة على الثورة

واحنا لسه على وضعنا

ومن حقنا ناخدوا حقنا

من كل اللي قهرونا

وحرقوا قلبنا

من اللي سحلونا وهتكوا عرضنا

يا مصر امتى هيتحقق حلمنا؟؟

يامصر عملنا ثورة بهرت العالم

وانتي زي ما انتي وكأنك مش هنا

فيكي حاجة غلط واحنا مش عارفين

احنا نازلين تاني يوم خمسة وعشرين

لحد ما نشوفوا

إية آخرتها مع مجلس مبارك الحزين

وأرجع وأقول احنا اللي غلطنين

إزاي القاتل يجيب حق القتيل

كلهم في حق مصر مجرمين

يفرق إية مبارك عن المشين

كل سنة وأنتم طيبين

مسلمين ومسحيين

وكل سنة وانتم طيبين

ومصر طيبة

صدقونى نفسى أقول للتغيير يا مرحبا

ساعتها هايبقى العيد بألف عيد

لما مصر تبدأ عهد جديد

بأيد ولادها الطيبة

كل سنة وأنتى يا مصر طيبة

الشاعر
عبد الحميد بدوى