استفسار ممكن حد يجاوبني عليه...

[eve deen]

السلام عليكم, صباح الخير ياجماعة

انا كنت عايزة استفسر استفسار صغير كده بس مهم بالنسبالي قوي..

انا دلوقتي رايحة سنة تالتة..وانا كنت علمي رياضة..بس في سنة تانية ماكنتش بذاكر كيمياء كويس ف جيت في

وقت الامتحانات حسيت اني لودخلت الامتحان بمذاكرة الكيمياء بتاعتي دي( مع العلم اني ممتازة في الكيمياء,بس

هو تقصير مذاكرة مني )..حتنزللي المجموع خالص..فقررت اني

اخدها معايا سنة تالتة يعني اجيب فيها ملحق ومش ادخل امتحان الدور التاني..وكمان قررت اني احول ادبي

في تالتة لان الكلية اللي انا عايزاها ادبية ومجموعها اقل من ادبي..ف انا عايزة اضمنها اكتر..

سؤالي دلوقتي "انا قريت في موضوع واحد بيقول انه اللي سقط في مادة واخدها معاه تالتة الدرجة بتتحسبله من

50% وماينفعش يحول أدبي لأنه علمي وشايل مادة علمية" يعني زيه زي كأني دخلت دور تاني..فهل الكلام ده

صحيح ولا ايه بالضبط ( لانه لو الكلام ده صحيح ..يبقى

كأني معملتش حاجة )؟؟؟..انا عايزة اتأكد

بالرغم من انه انا سالت و واحد برده قاللي لا دي الدرجة كده حتتحسب من 50 مش من 25..

فكلام مين فيهم اللي صح..وبالكيميا بتاعتي دي هل ينفع احول ادبي في تالتة ولا لا؟؟؟

بجد ياريت حد يجاوبني..ويقوللي الكلام الصح المتأكد منه..

وشكرا