ورجعت ريما لعادتها القديمــة

[المشتاقة إلى الجنة]

الســـــــــــــــــــــــــــــــلام عليكم ورحمة الله

ازيكم يا أحباب

ان شاء الله جميعا بخير

ريما كانت داخله علي امتحانات....مواد ثقيلة وصعبة وماكنتش بتذاكر من اول العام ...ودلوقتى بتذاكر ليل ونهار ومش عارفه تنجز حاجه ...أعصابها باظت خلاص كل ما تفتح تحل امتحانات تبكي وتسيب كل حاجه


وهنــــــا تتخذ ريما القرارات وتصدر الفرامانات وتبدأ حملة تغيير شاملة



الصــــــــــــلاة ما عدتش بتنقرها نقر الديوك
الدعاء والذكر لسانها ما بيبطلش
المصحف جنبها على طول تذاكر ساعة وتقرا ربع
قيام الليل عشرة على عشرة
وتيجي الامتحانات وتخلص الامتحانات وتظهر النتيجة وتنجح ريما


مبروك يا ريما نجحتي

احمــــدك يــارب.....أخيراً هعيش حياتي بقي في الأجازة !!!!!!!!!!!


وهنا ترجع ريما لعادتها القديمة!!!!!!

سؤال لريما ولنا كلنا : كنـا عايشين كل التــــوتر ده عشان امتحان الدنـــــــــيا أمال ليه مفكرناش في امتحان الاخرة يوم يفر المرء من أخيه وأمه وأبيه وصاحبته وبنيه؟

ما مبنفكرش في وقفتنا يوم الحساب بين يدي الله عز وجل ؟؟؟؟؟

مش حاسه برده ان احنا عايشين في دوامه منسيانا حاجات كتيرة ،

طب وبعدين ؟؟؟؟؟؟ وبعد الثانوية بعد الكلية ؟؟ وبعد الشغل ؟؟؟وبعد المركز المرموق ؟؟؟ وبعد كل ده مفكرناش إيه النهاية أو بداية النهاية؟؟؟؟؟؟؟

فضلنا فاكرين إن احنا اتخلقنا عشان نذاكر طول السنه ونرتاح في الصيف ثم نكرر دورة جديدة بنفس النظام وهكذا هي الحياة ...

افتكرنا إن راحة قلوبنا لما نخلص من هم الامتحانات ونعدي السنة علي خير ونعيش بأه في الصيف زي ما احنا عايزين بلا مسئوليه ولا قيود ؟؟؟؟

لكن لا والله قلوبنا تصرخ وسط كل ذلك باحثة عن الحياة الحياة الحقيقة والسعادة الحقيقية.......تعرف إنها خلقت لتعيش في نور الله وتحلق حول عرش الرحمن ...


لماذا؟؟؟؟؟؟؟؟

لأننا أخطأنا فهم المطلوب منا ؟؟؟أم لأننا تعلقنا باّمال مؤقتة وتركنا البحث عن السعادة الأبديه ؟؟؟؟؟ انشغلنا بشبه حياة للعقــــــــــول وبحياة للأبـــــــــــــــــــدان وتركنا حياة الروح !!!!!!!!


طب والحل ؟؟؟؟؟؟؟

هل ممكن نجلس مع أنفسنا ولو لدقائق نعيد حساباتنا ؟؟؟


نفكر بجد إيه المطلوب منا طب ويا تري فين سعادتنا ؟؟؟؟؟؟؟

هل ممكن نبدأ حملة التغيير اللي بدأتها ريما بس بمفهوم تاني وبهدف تاني أسمي وأعلى ؟؟