|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
#1
18-07-2011, 10:07 AM
|
||||
|
||||
ادخلها ولا مدخلهاش ؟
السلام عليكم ورحمة الله وبركاته
ازي حضراتكم ؟ عاملين اى؟؟ اولا اعرفكو بنفسى آلاء محمد شهيرة بالتريكاوية ((نسبة لابوتريكة)) والحمد لله ربنا وفقنى وجبت 98.2% وانا بعد كام يوم هقدم على التنسيق فعاوزة آخد رأى حضراتكو ادخل بشرى ولا لاء اصل انا بصراحة خايفة منها وكدة يعنى محتاجة لنصيحة حضراتكو  وهل لو انا رضيت بيها هى هترضى بيا؟  يعنى مجموعى يدخلنى ولا لاء  وشكراااااااا 
|
|
#2
18-07-2011, 10:25 AM
|
||||
|
||||
|
اولا الف مبروك يا الاء
اعرفك بنفسى انا كمان انا امل انا كمان الحمد لله جبت 98.6 وبرده محتاره زيك بالظبط ف موضوع بشرى ده فياريت حد من الدكاتره يقولنا مع انى اعتقد ان مفيش حد منهم بيدخل اصلا
__________________
كل سنه وانتم طيبين 
|
|
#3
18-07-2011, 12:09 PM
|
|||
|
|||
|
انا كمان زيكم (98.2)بس مفيش حد درس صيدلة(مثلا) وطب بشرى عشان ينصحنا
والله اعلم ياريت حد يفدنا بسرعة
|
|
#4
18-07-2011, 12:12 PM
|
||||
|
||||
|
صلى الاستخارة وربنا يوفق الجميع
__________________
|
|
#5
18-07-2011, 01:16 PM
|
||||
|
||||
|
الطب افضل كمستوي و مكانة تعليمية
افضل من حيث التخصص , في تخصصات كتير جدا الطب كل يوم بيتطور عن اللي قبله ودا بينعكس علي التخصصات بعكس صيدلة و اسنان مهنة الطب الأكثر تقديرا في البلاد العربية و الاوروبية و ما تسمعش كلام واحد يقولك 7 سنين والكلام الفارغ دا .. مجرد رأي شخصي ...
__________________
الحمدلله
(كل نفس بما كسبت رهينة ( 38 ) إلا أصحاب اليمين ( 39 ) في جنات يتساءلون ( 40 ) عن المجرمين ( 41 ) ما سلككم في سقر ( 42 ) قالوا لم نك من المصلين ( 43 )
|
|
#6
18-07-2011, 01:18 PM
|
||||
|
||||
|
اقتباس:
ولو سألت واحد بتاع صيدله هيقولك يا سلام علي الصيدلة محدش هيفيدك , عقلك في راسك .. اعرف خلاصك .. مجرد رأي شخصي ..
__________________
الحمدلله
(كل نفس بما كسبت رهينة ( 38 ) إلا أصحاب اليمين ( 39 ) في جنات يتساءلون ( 40 ) عن المجرمين ( 41 ) ما سلككم في سقر ( 42 ) قالوا لم نك من المصلين ( 43 )
|
|
#7
20-07-2011, 12:37 AM
|
||||
|
||||
|
شكرا لحضرتك
انا فعلا صليت استخارة وحاليا مرتحالها كتيير واقتنعت بيها ومستعدة اشد حيلى فيها لكن المشكلة الكبيرة هى التنسيق واضح انه رافع جدا وممكن مجموعى ميدخلنيش بشرى ربنا يقدم اللى فيه الخير شكرا لكل اللى شارك شكرا لحضراتكو جميعا والف مبروك لأحمد وأمل اللى ربنا وفقهم ان شاء الله تحققو احلامكو
|
|
#8
20-07-2011, 01:24 AM
|
|||
|
|||
|
انا 99 % الحمدلله
انا ولد والمشكلة اللي محيراني هي ان الطب 7 سنين + 2 ماجستير باين يعني عبال ما اتخرج اكون 27 سنة ولسة باخد مصروفي و اقعد لسة ادور علي شغل او عقد برة او حاجة والصيدلة تعبانة جدا ومش مستريح لها خالص انا دلوقتي بقول ايه اللي دخلني علمي علوم كانت رياضة احسن ومضمونة الهندسة مشعارف اعمل ايه ؟
|
|
#9
20-07-2011, 05:30 AM
|
|||
|
|||
|
السلام علي من اتبع الهدي
انا اسلام الحريف ثانوية ازهرية والحمد لله انا جبت ( 100.5%) انا عارف اختياري طبعا بشري ومفيش حاجة اسمها صعب زي ما ذاكرنا الثانوية باقتدار هنذاكر الطب ونتفوق كمان هما اللي دخلوها قبلنا احسن مننا في ايه وبعدين لو مش احنا اللي ندخل بشري مين يدخل والف مبرووووووووووووووك
|
|
#10
21-07-2011, 01:16 PM
|
|||
|
|||
|
انا الحمد لله جبت 99.7% و ناوية على طب بشري ان شاء الله .... المشكلة ان كل الناس اللى ف الكلية نفسها بتحبطني وبتقولي بلاااااااااااااااش و هتتعبي و و و و و و
بس من يخش صعود الجبال يعش أبد الدهر بين الحفر ... الكلية مش سهلة نهاااااااااااائيا بشهادة اللى فيها واللى فاكر انه هيرتاح بعد ثانوية عامة يبقى بيحلم هنتعب كتييييييييييييييييييييير .... عشان تدخلي الكلية دي لازم تبقي بتحبيها جداااااااااااااااااااااااااااااااا انا والله مش بحبطك ولا حاجة بالعكس كلية الطب للي بيحبها بتبقى جنة و الواحد بيعرف جسم الانسان كلللله وقدرة ربنا فيه ... ده غير البريستيج بقى واحترام الناس العام للدكاترة والدكتورة راحت والدكتورة جت و الاحساس التحفة لما مريض يدعيلك ولما تكوني انتى اللى ربنا مختارها عشان يخفف عن مريض ألمه ^^ ليها مزايا وليها عيوب فكري كويس واعملي استخارة وان شاء الله مجموعك يلحقها
|
|
#12
23-07-2011, 09:53 AM
|
||||
|
||||
|
انا عن نفسى مستعدة اتعب فى اى كليه هروحهاا
بس اصلا المؤشرات بتقول ان مجموعى مش هيطول طب ياللا انا خلاص صليت وقررت هكتب رغية اولى طب بشر وتانية طب اسنان لانى كنت محتارة بينهم واكيد اللى هدخله هو اللى ربنا اختارهولى بالتالى هو اللى يرضينى شكرا لاهتمامكم جميعا جزاكم الله خيرا
|
|
#13
23-07-2011, 07:36 PM
|
|||
|
|||
|
بصوا ياجماعة انا معاكم الدكتور مصطفى دفعة 2010
كلية الطب محيرة جدا على اد ماناس بتحبها جدا على اد ماناس بتكرهها جدا نخش فى الموضوع الكلية سبع سنين بالامتياز يعنى حضراتكم هتخلصوا على 25 سنة بعدا هيبقى ليكم سنتين تكليف فى وحدات صحية لو دخلت جيش سنة بتتحسب منهم انت بتخلص امتيازك على شهر تلاتة وبتثعد سبع شهور جاب بينهم وبين الجيش بتستلم تكليفك يعنى هتخلص على 27 سنه هتبدا تقدم فى النيابة ودى خمس سنين ممكن تبدا تحضر ماستر على 28 هتخلصه غالبا فى سن 32 الى 34 هيبقى معاك ماجستير كده بتقعد حوالى ست سنين مع تبقى اخصائى على سن 38 الى 40 السفر مش بيعتمد على ماجستيرك ولا غيره بيعتمد انت نايب ولا اخصائى ولا استشارى وده بيبقى بالادمية وحسب تخصصك يعنى مطلوب جدا التخدير طوارئ اشعة عناية الحاجات اللى محدش بيغشها طبعا النسا رجالة محدش بيعبرهم حريم بس مرتب الامتياز 257 التكليف بيقولوا 1300 النيابة 1500 مقابل 56 ساعة اسبوعية باين كده النبطشيات حسب نوع المستشفى جامعى وتعليمى ومعاهد تلات نبطشيات فى الاسبوع 24 النبطشية 45 جنيه مركزى وتكامل ومستشفيات بيئة ممكن مرتين فى الاسبوع الخلاصة ومع الارف ده كله احسن حالا من الصيدلة والاسنان والطبيعى فى الارياف ممكن تفتح عيادة بسهولة ولو عظم ممكن تمص دم الناس العملية بالشئ الفلانى على العموم المهنة دى فيها نصب واستغلال كتير قوى على العموم كل المهن برده صيدلة بتبيع مخدرات والاسنان اكتر نصب من الطب وربنا يرزقنا بالحلال
|
|
#14
23-07-2011, 07:40 PM
|
|||
|
|||
|
بصوا انا مقدرش اقول لحد متخشش حتى لو فيها ايه اصلا انا مش مقتنع بكل كليات الطب انا نفسى اطلع مبدع او عالم علشان كده اتمنى اى حد هيخش علوم يحبها ويحاول يبدع فيها بلدنا مش محتاجة اطباء ولا مهندسين بلدنا محتاجة علماء ومبدعين ومع ذلك اى حد جاله فرصة طب يخشها
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:04 PM.
