|
#1
03-08-2011, 09:43 AM
|
|||
|
|||
لولولولولولولى.....بعد 14سنة خدمة فى ثانوى
بفضل من الله سبحانه وتعالى بعد 14سنة خدمة فى ثانوى تم ...........
لالالالالالالالالالا يا سنا بلاش افترى وظلم هم12 سنة فقط وكانوا فى الاعدادى والابتدائى فقط ولم يكونوا فى الثانوى المهم علشان ما أطولش عليكم أنا الحمد لله وفضله وبعد سنين تم تعييينى على الدرجة الثالثة معلم مساعد حاسب آلى ياااااااااااااااااه 12 سنة مروا فى كل سنة أقول بإذن الله هذه السنة هيتم شئ وتمر السنة ولا جديد وكل مرة تظلمات وفاكسات وشكاوى وفى كل مرة يرموا الورق أو يتريقوا عليا ويقولوا لى إنتِ كنتى ساكتة السنين اللى فاتت وجاية لنا السنة دى ما فيش حاجة ليكِ فآخد بعضى من قدامهم( ما أسيبش حتة منى ) وأمشى وأعدى السنة ما أنا ما كنتش أعرف أعمل أكتر من كدة !!!!!!!!!!!!!!!!!! هذه السنة نزل قرار فى 2/3/2011 بتثبيت كل مَنْ مر عليه أكثر من 3 سنوات حلو الكلام؟؟؟ كلام جميل وانتظرنا ... انتظرنا .. ولكن الذى حدث إن فى يوم 8/5 اتوزع ورق على المدارس فيه إن على مدرسى الحصة التواجد فى المدارس فى الاجازة الصيفية لحين التعيين أو التعاقد ، والحمد لله اتواجدنا، وفجأة وبدون مقدمات فى 15 / 6 نزل عقد ( غير آدمى ) *بينك وبين مدير المدرسة ومن حقه فصلك دون إبداء سبب *ومن حق الموجه العام نقلك لإدارة أخرى دون أن تسأل عن بدل سفر وليس لك أى نوع من أى أجازة وكل هذا بـ 105 يعنى لو بتتفق مع عربية جمع القمامة على إنها تنظف شارعك كنت هتتفق معاهم إتفاق آدمى فكان الهتاف الموحد على مستوى المحافظة لكل معلمى الحصة بسم الله الرحمن ........ المعلم ليه مُهان وتحركت مجموعة وسافرت وقابلت وزير التربية والتعليم الذى رحب بهم وبكل ود رمى الكرة فى ملعب المحافظ وكانت هناك جولات مع المحافظ و مديرية التربية والتعليم *وفى كل مرة كان الرد احمدوا ربنا على العقد إنتوا كنتم طايلين حاجة؟؟؟؟؟؟؟؟؟؟ فمش عارفة قصدهم إيه بإحمدوا ربنا هو إحنا لما نشتغل مثل أى مدرس متعين دا غير الحصص الاحتياطى اللى بالهبل وكنا قبل قرار مكافأة الامتحانات نقبض السنة كلها 200 جنيه،مش بنبقى حمدين ربنا وأحلف لكم بالله العظيم أننا لم نقبض بعد حصص هذه السنة ولسة قبضة أمس مكافأة الامتحانات المخصوم منها مبلغ كبير لماذا يا جماعة؟؟؟ علشان التأمينات والمعاشات!!! هو احنا لينا تأمينات ومعاشات ؟؟؟ *وفى أثناء مقابلاتنا مع معلمى الادارات الأخرى اكتشفنا التفاوت فى المعاملة ناس مثلنا وأقل اتعينوا أو اتعمل لهم عقود مميزة وبعد شهر متواصل من السفر والبهدلة الحمد لله نزل قرار التعيين عموماً كان لازم أكتب كل هذا لكى تقدروا قيمة فرحتنا بالتعيين وحسبنا الله ونعم الوكيل فى كل اللى كان السبب فى التأخير كل هذه السنين وأخيراً ألف ألف مبرووووووووووووووك لكل مَنْ تم تعيينه وبكدة أنا الحمد لله أديت رسالتى فى الحياة وأستأذنكم بقى أروح أعمل إجراءات المعاش ههههههههههههه  
|
|
#2
03-08-2011, 12:20 PM
|
|||
|
|||
|
الف مبروووووووووووك من قلبنا لكل ايلي اتعين
|
|
#3
03-08-2011, 01:24 PM
|
|||
|
|||
 
__________________
|
|
#4
03-08-2011, 04:59 PM
|
|||
|
|||
|
جات الحزينة تفرح ملأتش ليها مطرح دا أنت اتعينتى مدرسة و لا مؤخذة
|
|
#7
10-08-2011, 11:07 AM
|
|||
|
|||
|
اقتباس:
متهيألى مهما كانت وضعية العمل الذى تقوم به ما دمت راضٍ بداخلك عن نفسك وجواك سكينة وراحة نفسية هيكون بالنسبة لك كأنك رئيس الوزراء المهم قناعتك بعملك وخلينا نفرح بحاجة
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:19 AM.
