عدم قانونية تجديد العقود فى الازهر ووجوب عمل الاعتصام لاسترجاع الحق

الاخوة متعاقدى الازهر الشريف
السلام عليكم و رحمة الله و بركاته
بالنسبة لتجديد العقد لمن مر علية اكثر من 3 سنوات فهو باطل لان القرار الذى اصدره و زير المالية السابق و صدق علية المجلس العسكرى هو التثبيت لمن مر عليه 3 سنوات لذا يبطل اى تجديد للعقد لمن مر عليه ثلاث سنوات و يجوز لصاحب العقد رفع دعوى قضائية ضد المؤسسة التابع لها فى حال عدم صدور تثيبت لصاحب العقد
و من مطلق كلمة الحق و ليس من باب الفتنة فالمتاح للمتعاقدين بالازهر الذين لم يتم تثبيتهم حتى الان التالى :
1- عمل اعتصامات سلمية امام الجهات المعنية بالامر سواء المشيخة او المناطق او وزارة المالية او التنظيم والادارة
2- عمل اضراب تام عن التدريس فى اول العام
3- عدم التجديد للعقود التى مر عليها 3 سنوات فاكثر
هذا و ليتذكر الجميع ان سيدنا الحسين بن على رضى الله عنهما قتل لاعلاء كلمة الله و اظهار كلمة الحق فكونوا تابعين لسيد شباب اهل الجنة
لهذا نذكركم بان التظاهر الان او الاعتصامات لن تفيد لعدة اسباب منها :
1-انا معطم المتعاقدين فى شهر رمضان لن يستطيعوا المشاركة بسبب التعب او الحرارة الشديدة
لذا نرجو من حضراتكم الانتهاء من شهر رمضان مع التحضير لاعتصام قوى بعد رمضان والامتناع اصلا عن التجديد و ليبقى كلا فى مكانه وسوف نوافيكم بيوم الزلزال العظيم لاسترجاع الحقوق الضائعة كونوا على ثقة باننا معاكم والله الموفق
و نرجو من الاخوة القائمين على الاشراف فى المنتدى بعدم حذف الموضوع للاهمية
و السلام عليكم و رحمة الله و بركاته

[أ/ هشام العيسوى]

والله انا مش مستريحلك مش عارف ليه!!

[تحيامصر777]

انا عارف يا استاذ هشام انت مش مستريح ليه ليه عرفت السبب

الله يسامحك و شكرا على الرد الجميل انا متعاقد من 2005 و اكتر واحد بدور على التثبيت لكن بفكر بعقل علشان ميحصلش زى المرات اللى فاتت و منقدرش نعمل حاجة

[تحيامصر777]

المشاركة الأصلية كتبت بواسطة ادارة الازهر الشريف

الله يسامحك و شكرا على الرد الجميل انا متعاقد من 2005 و اكتر واحد بدور على التثبيت لكن بفكر بعقل علشان ميحصلش زى المرات اللى فاتت و منقدرش نعمل حاجة

طيب ياريت تعرفنا انت سئلت محامي وقالك الكلام ده ولا الكلام ده اجتهادات شخصية بعيد عنك الناس المتعاقدين بتخاف جداً وخايفيين عقودهم تتلغيى لازم نطمنهم

الاول يا استاذى لازم تفهم انى انا اكتر واحد موجود بينكم اتوقفت عضويتى كل فترة فانا الملك النائم اللى اتوقف علشان بقول كلمة الحق وانا منظم الاعتصامات بقنا وانا منسق الجبهة بقنا لكن لازم تعرفوا يا اخوانى اننا عملنا 3 اعتصامات باءت بالفشل فلازم الاعتصام القادم يكون بفايدة مش عايزين نندم زى كل مرة فكروا بعقولكم لازم نعمل الاعتصام بس يكون بعقل وفكر و نستدرك الاخطاء السابقة مش عشوائى و خلاص و لو احنا قلنا للناس اطلعوا دلوقتى محدش هيطلع لانه كله يقلك رمضان و التعب و الكلام اللى انتو عارفينه علشان كدا بنقول ان عنصر الوقت لازم يكون فى صالحنا

[أحمد سعيد عبد العظيم]

أتفق معك
وأرجو من جميع الأخوة المتعاقدين أن يسترجلوا و لا يخشوا إلا الله

فو الله الذي لا إلـــــــــــــــــــه إلا هو إن لم نتحد ونقف وقفة رجل واحد مطالبين بحقنا في التثبيت قبل وش الانتخابات فلن نحصل علي التثبيت ولا بعد عام


والله الموفق

[تحيامصر777]

والله انت راجل طيب بعد عام كل سنة وانت طيب ياراجل ياطيب مفيش غير رفع دعاوي قضائية وانا واثق كل الثقه مدي خوف مسئولين الازهر من رفع الدعاوي القضائيه
هنطالب بتعوضيات مادية وادبية وضم مدة الخدمة وصرف الكادر غير مصاريف المحاماة هتكون علي حسابهم الحل في رفع دعاوي قضائية لازم ننظم الصفوف وكل الي يغرف محامي يسئله ويكتب رده ايه

معاكم بس فى حاجة لازم نجرى فى كل الاتجاهات يعنى اتجاه القضاء واتجاه الاعتصامات بس لو كان فى اعتصامات لازم تكون كبيرة مش زى كل مرة و اقسملك بالله انى بكون اول واحد فى الاعتصامات وانا اللى بدبس فيها لوحدى نظرا لقرابتى لشيخ الازهر و دائما بيتهمونى انى بقف ضد الشيخ و كل ما بفهمهم انى بدافع عن حقى مبيقتنعوش علشان كدا ليكون فى اعتصامات قوية يا نقعد فى بيوتنا ونلبس الطرح اصلا

[Mr Ahmed lotfy]

انا شخصيا هرفع قضية قريبا ضد شيخ الازهر ووزير المالية ورئيس الوزراء لا انا امتحنت الكادر ولم اعين على درجة معلم ولم اصرف الكادر حتى الان والقانون واضح وصريح بيننا

[فاروق ابوعيانه]

فعلا مسألة الجانب القضائى ورفع القضايا دى كانت تايهة عننا مع أنها شايفها إنها ممكن تجيب لنا حقنا الضايع

[تحيامصر777]

العيار الي ميصبش اكيد هيدوش رفع دعاوي قضائية حتب لو هتطول بس هتحفظ حقوقنا الضايعه وهنطالب بتعويضات مادية ضخمة
غير كمان كل من قصر في حقوقنا هيتحسلب ومش بعيد كمان يتوقف عن العمل او يدخل القفص الذهبي ذي عمو حسني
انتم الي جبتوه لنفسكم يا ادارة الازهر اعتصام اعتصام حتي يسقط النظام
محدش يسيب حقه ده حقنا احنا مواطنين مصريين ذينا ذي معلمين التربية والتعليم ولا خلاص الازهر انهار
كرامة معلمين الازهر من كرامة شيخ الازهر فين حقوقنا ياشيخ الازهر كنت مشغول بايه وضيعتنا يا راجل ياطيب الكرسي مش دايم لحد السيرة الحلوة هي الي بتدوم حرام عليك خزلتنا وضيعتنا

[albahs]

يجماعة الراجل كلامة صحيح وادي دليل تاني وهو انا قانون الكادر اقصي مده للتعاقد كمعلم مساعد فيه هي ثلاث سنوات ومفيش بعدها تجديد
واحنا طبعا مرت السنين واحنا لم نمتحن كادر ولازم نضغط في هذا الاتجاه وحاسس ان الاختبار هو الحل الوحيد للتثبيت زي التربية والتعليم

مادة(73)
يكون شغل وظيفة "معلم مساعد" بالتعاقد لمدة سنتين قابلة للتجديد سنة أخرى بقرار من وزير التربية والتعليم ويجب على شاغلها خلال هذه المدة الحصول على شهادة الصلاحية لمزاولة التعليم بالمرحلة التعليمية التي يتقدم لها فإذا لم يحصل على الشهادة خلالها انتهى عقده تلقائياً دون حاجة لأي إجراء.
ويتم التعاقد مع المعلمين المؤقتين الذين يباشرون فعلاً أعمال التعليم في تاريخ العمل بهذا الباب لشغل وظيفة معلم مساعد وذلك متى توافرت فيهم شروط شغل الوظيفة.
ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة التنفيذية .
ويسري حكم الفقرة الأولى على الأخصائيين الاجتماعيين والنفسيين وأخصائيي التكنولوجيا وأخصائي الصحافة والإعلام وأمناء المكتبات المشار إليهم في المادة (70) من هذا القانون الذين يعينون بعقود مؤقتة

[ناصر65]

بتقول ما فيش اعتصام غير بعد رمضان

وتجديد العقد خلال رمضان

ومافيش تجديد

يبقى يعملوا ايه ؟؟

المتضرر من عدم التجديد هو المتعاقد ..... وبكون العقد لاغى !!!!!!!!!!!!!!!!!!!

[ناصر65]

المشاركة الأصلية كتبت بواسطة albahs

يجماعة الراجل كلامة صحيح وادي دليل تاني وهو انا قانون الكادر اقصي مده للتعاقد كمعلم مساعد فيه هي ثلاث سنوات ومفيش بعدها تجديد
واحنا طبعا مرت السنين واحنا لم نمتحن كادر ولازم نضغط في هذا الاتجاه وحاسس ان الاختبار هو الحل الوحيد للتثبيت زي التربية والتعليم

مادة(73)
يكون شغل وظيفة "معلم مساعد" بالتعاقد لمدة سنتين قابلة للتجديد سنة أخرى بقرار من وزير التربية والتعليم ويجب على شاغلها خلال هذه المدة الحصول على شهادة الصلاحية لمزاولة التعليم بالمرحلة التعليمية التي يتقدم لها فإذا لم يحصل على الشهادة خلالها انتهى عقده تلقائياً دون حاجة لأي إجراء.
ويتم التعاقد مع المعلمين المؤقتين الذين يباشرون فعلاً أعمال التعليم في تاريخ العمل بهذا الباب لشغل وظيفة معلم مساعد وذلك متى توافرت فيهم شروط شغل الوظيفة.
ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة التنفيذية .
ويسري حكم الفقرة الأولى على الأخصائيين الاجتماعيين والنفسيين وأخصائيي التكنولوجيا وأخصائي الصحافة والإعلام وأمناء المكتبات المشار إليهم في المادة (70) من هذا القانون الذين يعينون بعقود مؤقتة

كلام سليم

لكن القانون اللى حضرتك بتتكلم عليه 155 لسنة 2007

بيقول التعاقد 3 سنين .......لكن فى متعاقدين من 5 سنين ومن 6 سنين

يعنى التعاقد اصلا غير قانونى من زماااااااااااااااااااااااااان

حد اتكلم ....؟؟؟؟؟؟!!!!!!!!!!!!!!!!!!!!