للاسف ...أنـا مش متفائل .. أقرأ ...

[ibrahim_eltony]

العمال والموظفين كانو بيقبضو 75% بقو بيقبضو 200% حلو ؟؟

أيوه حلو وآخر حلاوه ولو قبضو أكتر من كده أحسن إحنا عايزين الأجور ترتفع وحاله المواطن المصرى تتحسن ,

الأطباء كانو بيقبضو 175% وبقو بيقبضو 200% حلو ؟؟؟

لأ مش حلو وزفت وقطران كمان ليه ؟؟

أولا : كده معاليك بتساوى بين الطبيب والعامل فى الحوافز وده غير عادل كما أنه مهين للطبيب .

ثانيا : هناك من العمال من تعين بعد الدبلوم يعنى فى سن 18 سنه بينما الطبيب الذى فى مثل عمره يعين فى سن الرابعه والعشرين أوالخامسه والعشرين وده نتيجته أيه ياشاطر ؟؟

ده نتيجته إن ممكن العامل فى سن الخامسه والخمسين يقبض مرتب وحوافز أكتر من الطبيب الإستشارى ودى كارثه تانيه وإهانه تانيه , وهنا يبقى ملعون أبو التفوق والتميز فى بلده لا تعرف قيمه النابغين والمتفوقين .

ثالثا : بعد كل هذا ده يتضح أن هذه الزيادات هى فتات و لم يستفد منها الطبيب بشىء ويظل راتب الطبيب أقل من نظيره فى الكهرباء وفى البنوك وفى السنترال ,

قرر جموع الأطباء فى مجموعاتهم الخاصه على الفيس بوك عمل مسيره جماعيه إلى وزاره الصحه لتحقيق مطالبهم بالكادر الخاص وبتأمينهم اثناء عملهم بالمستشفيات ,

والأطباء مصرين على هذه المطالب بعدها سوف يتم عمل إضراب شامل عن العمل بجميع أنحاء الجمهوريه حتى تتحقق هذه المطالب ,

هذا جزء من مقال ... http://www.elbashayeronline.com/news-149784.html
يطب فية الاطباء بالكادر الخاص ...كدة كملت ....