تغيير المسمي الوظيفي

[يوسفحسين1000000]

يا جماعة اللي مشي في إجراءات تغيير المسمي الوظيفي يقولي عمل ايه بالظبط
أنا معلمة لغة انجليزية اتعينت ابتدائي في 1/3/2011 ومؤهلي تربية عام (محافظة بني سويف)
أنا رحت المديرية قالي مدير شئون العاملين لما تستوفي شرط الأكاديمية نبقي نشوف

[صلاح عمر]

احنا في البحيرة أعطونا استمارة تحتوي على الرغبات والبيانات وطلبو ا صور الشهادات مختومة وصحيفة أحوال وقرار القيام بالعمل ويا عالم هيعملوا معانا إيه؟؟؟؟؟

[محمود صلاح]

تغير المسمى الوظيفى اسهل مما يكون وذلك عن طريق التوجه الى قسم الاحصاء والقيام بتعديل البيانات

[Mr.Hesham Shaaban]

انا من كفرالدوار وفعلا وصل القرار الوزاري عندنا في ادارة المركز وطلبوا صورة من ( المؤهل / جواب التعيين أو صورة أخر عقد بالنسبة للمتعاقدين / اقرار القيام بالعمل /صحيفة الاحوال الالكترونية / بيان اجتياز الكادر لمن اجتاز ) وكل الصور دي مختومة صورة طبق الاصل في موعد غايته 21/8/2011 وبعد كده حيبقى فيه دورات تدريبية في الاكاديمية واللي هيجتازها يقدر يحول وكل سنة وكل المسلمين والمصريين بوجه عام بخير ورمضان كريم. لا تنسونا من الدعاء .

[اسماء بلال (السويس)]

يا جماعة انا اتعينت ابتدائى وامتحنت ابتدائى والمؤهل اعدادى القرار دة من حقى ولا لا ولو من حقى همتحن تانى اعدادى ولا ايية

[يوسفحسين1000000]

شكرا لكل الناس اللي ردت علي
و يا جماعة لو في حد في محافظة بني سويف عمل هذه الإجراءات يقولي الزاي بالظبط لأنيمش عارفة أسأل فين وخايفة يكون ليها ميعاد يروح علي

[خلف حلمي]

لنا الله ، والله المستعان

[Mr.Hesham Shaaban]

المشاركة الأصلية كتبت بواسطة اسماء بلال (السويس)

يا جماعة انا اتعينت ابتدائى وامتحنت ابتدائى والمؤهل اعدادى القرار دة من حقى ولا لا ولو من حقى همتحن تانى اعدادى ولا ايية

يا أخت أسماء من حقك طبعا تغيري مسمى وظيفي حتى لو امتحنتي الكادر ابتدائي لأن الاكاديمية حتعمل بعد كدة دورات تدريبية واللي حيجتازها حيحول ان شاء الله .واملنا في الله.

[ahmedtahabasha]

لو حد من سوهاج غير او مشى فى الإجراءات ياريت لو نتابع مع بعض حتى نمشى فى الخطوات مع بعض

[اسماء بلال (السويس)]

يا أخت أسماء من حقك طبعا تغيري مسمى وظيفي حتى لو امتحنتي الكادر ابتدائي لأن الاكاديمية حتعمل بعد كدة دورات تدريبية واللي حيجتازها حيحول ان شاء الله .واملنا في الله.

بجد متشكرة على ردك اديتنى دفعة تفاااااااااااااااؤل وهروح اسال النهاردة فى الادارة يمكن يعملو حاجة كويسة مرة فى الحياة
ادعوووووووووووووووووووووولى يا جماعة

[معمر القذافى]

بيان مفردات مرتب المعلميين الجدد المثبتون سنه 2011

على الرابط
http://www.mediafire.com/i/?g9rewl6m9jhpc1a

[malakdarsh]

بلا تعليم بلا زفت الطين
ضيعتنا ياجمال الدين

[أيمن الشابوري]

يا أستاذ / شعبان ابراهيم سالم
لو سمحت انت قدمت الطلبات دي فين لأني رحت عندنا النهاردة إدارة الدلنجات / بحيرة . وقالوا لي إن فيه استمارة مسمي وظيفي ومطلبوش مني الحاجات إللي انت قلت عليها دي بخصوص الصور طبق الأصل وقالوا لي إن الاستمارة حتروح في البريد علي المدارس . لو سمحت قول لي علي اللي انت عملته بالضبط خطوة خطوة .

[الأسطورة1]

على الرغم من الطلبات التي تقدم والأوراق المطلوبة إلا أن المديريات متعنتة وترفض تنفيذ قرار السيد الوزير رقم 275/2011 بإحقية تغير المسمى الوظيفي
فياريت اللى عنده أي أخبار في المديريات بتنفيذ القرار يبلغنا لكي نشتهد به أمام المديريات الآخري
فأنا اتبع مديرية التربية والتعليم محافظة الجيزة التي لا تشعر بأي مسئولية وترفض تنفيذ القرار

[الأسطورة1]

فياريت اللى عنده أي أخبار في المديريات بتنفيذ القرار يبلغنا لكي نستشهد به أمام المديريات الآخري