اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > قصر الثقافة > إبداعات و نقاشات هادفة

إضافة رد
 
أدوات الموضوع انواع عرض الموضوع
  #1  
قديم 07-06-2010, 12:09 PM
حميد بدوى حميد بدوى غير متواجد حالياً
عضو خبير
 
تاريخ التسجيل: May 2010
المشاركات: 513
معدل تقييم المستوى: 15
حميد بدوى is on a distinguished road
افتراضي شوفوا حواديت الميكروباص فى مصر


وانا داخل بالميكروباص المدينة


وقبل ما أدخل المدينة


كل الأخبار حزينة


كل الحكايات حزينة


كل الوشوش حزينة


والبلد كأنها طلعة من هزيمة وداخلة هزيمة


والطريق حفر ومطبات ومجاري طفحة


ومناظر أليمة


ما تكلمنيش عن إنجازات


كلها حاجات عقيمة
*****
وأنا داخل بالمكروباص المدينة


وما بين وبين


ما بين السواق اللي ما بيتفاهمش


ويزعق ويقول في واحد ما حاسبش


والباب مربوط بحبل علشان ما ينزلش


والشباك كمان ما بيفتحش


والحر وأيامة اللي مابترحمش


قاعدين خمستاشر واحد كبس


داغير كام سبت على كام طشت


واحد بيقول ليا بريزة


والتاني بيقول ياعم فين الريال



ودة كلة واحنا في أول المشوار
*****
واحدة بتقول للجنبها ماعدش حاجة لها قيمة


أحلي بني أدم ما يحصلش بهيمة


قالت لها إزاي يا فهيمة


فية اللي واكلنها ولعة اللي في التلفزيون واللي في السيما


مش إحنا اللي مش عارفين نبني جدار بينا وبين الزريبة


واللة انت اللي بهيمة


هو احنا ياختي عايشين


شوفي الناس اللي بيكسبوا ملايين


أنا مش عارفه هايودوا فلوسهم فين ولا فين


اللي عاندهم فادادين وفادادين


وعمرهم ما زرعو ولا شافوا فلاحين


وقاعدين في قصور حوليها اراضي ومساحة


وفيها قال ياختي حمامات سباحة


وفيها الخيل يجري يومين ما يعرفش الراحة


مش زيينا بيحسدونا علي القيراطين


ورجعت تقولها كل حاجة يااختي بقت نار


والأسعار بتغلي كل نهار


والعيشة غلب ومرار


ولا عارفين نسوقوا ولا عارفين نجيبوا كيلو خيار
*****
ورجعت تقولها البنت بنت اختي كريمة خطبها جدع نجار


عندة معرض معرض وعربية ومنشار


كبير عنها يجي بعشرين سنة وزيادة


بس ما عندوش شهادة


قالت لها ياختي إن كنت عايزة عندنا الشهادات بزيادة


قالت لها عندي الجعدان تلاتة


كلهم مخلصين كليات ومعاهم أعلي الشهادات


بعد ما كسروا دهرنا


وصرفنا عليهم الأولوفات


ما تقوليش ياختي هايمسكوا الوزارات


والأخر قعدوا جنب إخوتهم البنات


لا شغلة ولا مشغلة كل يوم بيلعنوا الشهادات


بكرة هاتتستت وهاتبقى ست السيتات


وباركيلي لكريمة


وقللها خالتك عدلات هي اللي هاتفرق الشربات


وماتحملش هم الشهادات


هاجيبلها شهادات العيال بس تجيبلي بيهم بلح أمهات
*****
الواد ابني الكبير خاطب من اربع سنين


كل شوية في مشاكل


أهل العروسة مستعجلين


بيقولوا يا كدة يا كدة


إحنا مش هانفضلو مربوطين


قالت لها علي اية كل دة


دخلية في المطبخ جنب البوتاجاز يولعوا الشعلتين


واللة إحنا اللي هانولعوا والدمعة محبوسة في العين


والواد ابني الوسطاني أمين راح ليبيا من شهرين


ومين يوم ما راح لا بعت ولا سأل ولا قال انتوا فين


العيال من الغلب اللي شايفينة بقي قلبهم قاسي حبتين


وأنا مش عارفة ألقيها منين وإلا منين


والتالت ربنا ينجية ويحرصوا من العين


شباب زي الورد تتهز الأرض من تحتهم هز


اللي يشوفهم يقوم يفز


يتكايلوا بالدهب


البلد بتقولهم بالخط العريض طظ


يعني إية اتعلموا تعليم عالي ياريتهم إتعلموا الهز


واحدة تانية بتشكي اللي جانبها وتقولها


إحنا ياختي جالنا إزالة


وقال جايبين معاهم المطافي والإسعاف


وعساكر لابسين اسود تقوليش إقحاف


أول ما شوفتهم قلت خرب بيتك يا أنصاف


أعمل إية سبع عيال وأمهم متغطيين بلحاف


علشان ينبسطوا سادة القوم والأشراف


هم قاعدين في برج عالي وإحنا الهم بنغرفوا منة بمغراف


ولا عمرهم حسوا بينا ول كانوا علينا خفاف


الراجل مات وسبلي العيال كوم لحم


حمل تقيل ما تشيلة إكتاف


ما لناش حد في الدنيا غير ربنا


رب العدل والإنصاف
*****
واحدة فاعدة لوحدها بتدعي للريس من قلبها


بتقول يكون في عونك يا أبو جمال


عليك حمل ما يشيلوا جبال


ربنا يخليك لنا ويخللينا جمال


تلاتين سنة غارز أيد ك في النار


علشان تخلي البلد في أحسن حال


بس هي مشكلتنا كتر الخلفة والعيال


علي شوية إهمال


ولو ظبتنا نفسنا هانبقوا عال العال


اللي عندة عيل وإلا إتنين ما بيبقاش عارف يربيهم إزين


وانت عندك شعب


واحد كان نايم جنبها


بعد ما لاقاها بتدعي من قلبها سألها سؤال


قالها يا حاجة عندك كام من العيال


قالتلة عندي اربع جدعان


قال لها في حد فيهم الريس بيعاملة زي جمال
*****


اتنين حريم بيتكلموا بتقول للجنبها


المفعوص ابني جاب كرسي الحمام ووقف علية


ومسك الكسرونة وقلب اللبن وهوة بيغلي علية


الواد جسمة بقلل وقعد يصرخ وانا ما بقيتش عارفة اعمل اية


شلتة علي كتفي وجريت بية عالقصر اودية


لاقيتهم قاعدين خمس بنات وشبين لا حد اتحرك ولا حد قالي فية اية


الا لما صرخت في وشهم قالولي بتصرخي لية


قاتلهم الواد كب اللبن وهوة بيغلي علية


وجسمة كلة أنحرق ايدية ورجلية


قالولي هاتي كيس قطن وسرنجة وادفعي خمسة جنية


قالتلهم وعلي اية ما اجيبلكم كيلو رنجة تتغدوا بية


وجريت بالولد علي دكتور تاني كشفة عشرين جنية


قعد كلة شوية يقولي اتأخرتي لية وانا ما باقيتش عارفة اقولة


وواحد بيقول لتانى ابن عمي إبراهيم


بعد سبع سنين غربة جي علي التربة


أهلة باتوا في المطار ليلتين


بيقولوا عيون الناس حربة


والناس من القدر هايروحوا فين


قال بيحسدوا الولد علشان جاب قرشين


كانت كل البلد في الدفنة بيضربوا بالكفين


مكتوب علينا الشقي ومن الشقي هانروحوا فين


وأديك شايف الغلا يا حسين


وبيحكوا قال جم ياخدوا الشيخ محمود


خدوه السا عة إتنين


ماحدش سأل رايح فين


اصلها مش مرة ولا مرتين


ده بقليلة ييجي تلاتين اصلهم متعودين


إمال واجعين دماغنا ببلد الأمن والأمان


قالوا ما لناش دعوة أصل دول إخوان

الشاعر
عبد الحميد بدوى

رد مع اقتباس
  #2  
قديم 07-06-2010, 04:19 PM
الصورة الرمزية روووووز
روووووز روووووز غير متواجد حالياً
عضو متألق
 
تاريخ التسجيل: Apr 2010
المشاركات: 2,614
معدل تقييم المستوى: 17
روووووز is on a distinguished road
Icon10

والله انا حاسيت انى موجودة وسطهم وانا بقرأ القصيدة

مكنتش اعرف ان الميكروباص فيه كل ده كل واحد بيشكى همة لللى جمبة
ربنا يستر الايام الجاية اصعب
شكراااااااااااا على القصيدة الروووووعة
اخدنا فكرة عن الميكروباص هههههههههههههههه وكلام الناس فيه
__________________




رد مع اقتباس
  #3  
قديم 07-06-2010, 04:53 PM
حميد بدوى حميد بدوى غير متواجد حالياً
عضو خبير
 
تاريخ التسجيل: May 2010
المشاركات: 513
معدل تقييم المستوى: 15
حميد بدوى is on a distinguished road
افتراضي

اية ياروووز انتى ملكيش فى الميكروباص؟؟؟؟؟؟؟؟
رد مع اقتباس
  #4  
قديم 08-06-2010, 01:17 AM
الصورة الرمزية ibrahim elsayed
ibrahim elsayed ibrahim elsayed غير متواجد حالياً
عضو سوبر
 
تاريخ التسجيل: Jan 2010
المشاركات: 699
معدل تقييم المستوى: 15
ibrahim elsayed is on a distinguished road
افتراضي

روعه ياعم حميد تعرف انا بقى للاسف راكب الميكروباص وواقف مش لاقى حتى مكان اقعد فيه
نفسى ييجى اليوم اللى الاقيك بتقولى متيجى نركب الميكروباص من حلاوته وتكون راحت زنقته
ونستمتع بفسحته::::::::::::::::::واللى يعيش ياما هيشوف هون عليك ياعم اكيد ربك هيعدلها
رد مع اقتباس
  #5  
قديم 08-06-2010, 09:12 AM
حميد بدوى حميد بدوى غير متواجد حالياً
عضو خبير
 
تاريخ التسجيل: May 2010
المشاركات: 513
معدل تقييم المستوى: 15
حميد بدوى is on a distinguished road
افتراضي

الميكروباص هو مجلس الشعب الحقيقى؟؟؟؟ وحواديت الميكروباص لا تنتهى
رد مع اقتباس
  #6  
قديم 08-06-2010, 04:00 PM
الصورة الرمزية روووووز
روووووز روووووز غير متواجد حالياً
عضو متألق
 
تاريخ التسجيل: Apr 2010
المشاركات: 2,614
معدل تقييم المستوى: 17
روووووز is on a distinguished road
افتراضي

اقتباس:
المشاركة الأصلية كتبت بواسطة حميد بدوى مشاهدة المشاركة
اية ياروووز انتى ملكيش فى الميكروباص؟؟؟؟؟؟؟؟

لا ملياش فيه
لما ابقى اروح الجامعة ان شاء الله نجربوا
__________________




رد مع اقتباس
  #7  
قديم 08-06-2010, 08:59 PM
حميد بدوى حميد بدوى غير متواجد حالياً
عضو خبير
 
تاريخ التسجيل: May 2010
المشاركات: 513
معدل تقييم المستوى: 15
حميد بدوى is on a distinguished road
افتراضي

لية مفيش اى مشوارالدنيا مشاوير؟؟؟؟؟؟؟؟؟
رد مع اقتباس
  #8  
قديم 08-06-2010, 09:02 PM
حميد بدوى حميد بدوى غير متواجد حالياً
عضو خبير
 
تاريخ التسجيل: May 2010
المشاركات: 513
معدل تقييم المستوى: 15
حميد بدوى is on a distinguished road
افتراضي

لية مفيش اى مشوار كدا او كدا

الدنيا مشا وير

ولا انتى واخدة موقف من الميكروباص؟؟؟؟؟؟؟؟
رد مع اقتباس
  #9  
قديم 08-06-2010, 11:25 PM
الصورة الرمزية igita
igita igita غير متواجد حالياً
عضو نشيط
 
تاريخ التسجيل: Jan 2009
المشاركات: 181
معدل تقييم المستوى: 16
igita is on a distinguished road
افتراضي

حلوة اووووووووووووووووووووووووووووووووووووووووووووي
__________________
ساعيش رغم الداء والاعداء
كالنسر فوق القمة الشماء
Didy
رد مع اقتباس
  #10  
قديم 09-06-2010, 01:43 AM
صفاء بهنساوي صفاء بهنساوي غير متواجد حالياً
عضو خبير
 
تاريخ التسجيل: Dec 2009
المشاركات: 612
معدل تقييم المستوى: 15
صفاء بهنساوي is on a distinguished road
Opp

هى جميلة بس.......................عاملة ذي......العسل المر.

من فضلك ممكن تبقي تكتب قبلها ملحوظة: قراءة القصيدة قبل النوم تؤدي إلى.................

أرجو الا تغضب من تعليقي هو فقط على الواقع الأليم وليس علىالأسلوب .
رد مع اقتباس
  #11  
قديم 09-06-2010, 02:00 AM
الصورة الرمزية عاشقة الطفولة
عاشقة الطفولة عاشقة الطفولة غير متواجد حالياً
Faculty of Veterinary Medicine, South Valley University
 
تاريخ التسجيل: Nov 2009
المشاركات: 6,977
معدل تقييم المستوى: 21
عاشقة الطفولة is on a distinguished road
افتراضي

مشكوووووووووووور على القصيدة المؤلمة
رد مع اقتباس
  #12  
قديم 09-06-2010, 11:37 PM
الصورة الرمزية شروق الغد
شروق الغد شروق الغد غير متواجد حالياً
عضو مجتهد
 
تاريخ التسجيل: Jan 2010
المشاركات: 99
معدل تقييم المستوى: 15
شروق الغد is on a distinguished road
افتراضي

حلوه اوى بس احنا عندنا فى بورسعيد الميكروباص كويس مش زحمه قوى

بس عندى ملحوظه
اكتر حاجه بتلفت نظرى فى الميكروباص العليال الصغيره بتلاقيهم بيتكلموا فى الحب وحاجات غريبه جدا وبرده البنات
على فكره اللى عايز يعرف مصر كويس يركبالميكرو باص ده كمان يعتبر ثروه للابداع
رد مع اقتباس
  #13  
قديم 10-06-2010, 09:31 AM
حميد بدوى حميد بدوى غير متواجد حالياً
عضو خبير
 
تاريخ التسجيل: May 2010
المشاركات: 513
معدل تقييم المستوى: 15
حميد بدوى is on a distinguished road
افتراضي

اشكرك يا شروق وسلامى الى بورسعيد واهل بورسعيد وفعلا الميكروباص حواديتة لا تنتهى فى كل حاجة وفى اى حاجة

وساعات كمان بيتكتب على الكراسى وبيترسم قلوب واسامى وذكريات ومذكرات الميكروباص دنيا
رد مع اقتباس
  #14  
قديم 10-06-2010, 09:33 AM
حميد بدوى حميد بدوى غير متواجد حالياً
عضو خبير
 
تاريخ التسجيل: May 2010
المشاركات: 513
معدل تقييم المستوى: 15
حميد بدوى is on a distinguished road
افتراضي

اشكرك يا شروق وسلامى الى بورسعيد واهل بورسعيد وفعلا الميكروباص حواديتة لا تنتهى فى كل حاجة وفى اى حاجة

وساعات كمان بيتكتب على الكراسى وبيترسم قلوب واسامى وذكريات ومذكرات الميكروباص دنيا ولكنى كتبت الاهم

ومشاكل الناس التى ايضا لا تنتهى
رد مع اقتباس
  #15  
قديم 10-06-2010, 04:04 PM
الصورة الرمزية روووووز
روووووز روووووز غير متواجد حالياً
عضو متألق
 
تاريخ التسجيل: Apr 2010
المشاركات: 2,614
معدل تقييم المستوى: 17
روووووز is on a distinguished road
Icon10

اقتباس:
المشاركة الأصلية كتبت بواسطة حميد بدوى مشاهدة المشاركة
لية مفيش اى مشوار كدا او كدا

الدنيا مشا وير

ولا انتى واخدة موقف من الميكروباص؟؟؟؟؟؟؟؟

وانا اروح فين يعنى
وانا معنديش مشاوير هههههههههههه
انا واحدة فاضية معنديش شغل
__________________




رد مع اقتباس
إضافة رد

العلامات المرجعية


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 07:13 AM.