هام جدا جدالمعلمى المنيا

ffmbu · #1 08-08-2011, 10:05 AM

ارسل د/ محمود وهدان فاكس إلى إدارة سمالوط بتاريخ 6/8/2011 بعمل حافز اثابة للإداريين بنسة 90 % والمعلم المساعد بنسبة 40 % فقط وباقى المعلمين ليس لهم شيئ وهذا طبعا مخالف لمااقره مجلس الوزراء .
فهذا يعتبر استفزاز للمعلمين . فادعو لوقفة ضد د/ محمود وهدان نظرا لما يفعله من استفزاز للمعلمين .

وليد العيسوى · #2 08-08-2011, 12:47 PM

كلامك صح 100%

محمد الفواخرى · #3 08-08-2011, 03:31 PM

حسبي الله ونعم الوكيل

د.عبدالرحمن المنياوي · #4 08-08-2011, 04:02 PM

على فكرة الكلام ده مظبوط وغير مخالف للقانون لان المعلم إجمالي حوافزه وبدلاته 208% يعني أزيد من 200% والمعلم الأول أزيد وهكذا .. أما المعلم المساعد فلا يصرف بدل الاعتماد وهو يصرف فقط 150% بدلات وحوافز .. أما موضوع الحافز الجديد اللي اقره مجلس الوزراء للمعلمين فده غير الحد الأدنى خالص .. ده حافز زياده اسمه حافز أداء .. وده قيمته 25% للمعلم الأول فاعلى .. و50% للمعلم .. و75% للمعلم المساعد ---> غير الـ40%اللي قبضها ..

mrenglish22 · #5 08-08-2011, 04:14 PM

يا دكتور عبدالرحمن بلاش فزلكه علينا الكادر الخاص ليس حافز بنص القانون كما ان قانون حافز الاثابه لم يقضى بحرمان من يتقاضون كادر خاص من حافز الاثابه وزى ما بتقول حافز الاداء دا شىء جميل ودا يعتبر المرحله الثالثه من كادر المعلم اوكى واهلا وسهلا فين بقا حافز الاثابه بتاعنا ؟؟؟؟؟؟؟؟؟؟؟؟؟؟؟؟؟؟

ffmbu · #6 08-08-2011, 06:05 PM

يا د/ عبد الرحمن الفاكس لم يحتوي الا غير اللى قلت عليه فقط والمعلمين ملهمش اى حاجة تانى خالص وكنت فى الإدارة اليوم وههيطبقوا الكلام ده من اليوم . وفين حقنا بقى من حافز الاداء اللى قلت عليه .
عاى الرغم ان العمل فى قصر الثقافة اخذ 125% زيادة يعنى مرتيه فوق ال 850 ج
وكمان لسه ماتعينش .
والله ده حرام حسبى الله ونعم الوكيل .

الدزاوى1970 · #7 08-08-2011, 06:14 PM

ابشروا بالخير من مصدر اللة العلم بة هناك بدل شحاتة للمدرسين على باب الفولى امتداد الكورنيش كل المدرسين ينتظروا هناك اهل الخير كثير فى رمضان

أيمن البدري · #8 09-08-2011, 12:34 AM

اقتباس:

المشاركة الأصلية كتبت بواسطة د.عبدالرحمن المنياوي

على فكرة الكلام ده مظبوط وغير مخالف للقانون لان المعلم إجمالي حوافزه وبدلاته 208% يعني أزيد من 200% والمعلم الأول أزيد وهكذا .. أما المعلم المساعد فلا يصرف بدل الاعتماد وهو يصرف فقط 150% بدلات وحوافز .. أما موضوع الحافز الجديد اللي اقره مجلس الوزراء للمعلمين فده غير الحد الأدنى خالص .. ده حافز زياده اسمه حافز أداء .. وده قيمته 25% للمعلم الأول فاعلى .. و50% للمعلم .. و75% للمعلم المساعد ---> غير الـ40%اللي قبضها ..

على كلامك ده يبقى الحوافز و البدلات اللى هيأخذها المعلم المساعد كالآتى :
25% حافز قديم + 40 % ( بتاعة وهدان ) + 75 % حافز أداء + 50 % بدل معلم + 85 % المكافأة = 275 % !!!!!
يعنى الأستاذ محمود وهدان نفسه هيتمنى أنه يكون معلم مساعد

احمد السيد التونى · #9 09-08-2011, 01:32 AM

وزارة نصصصصصصصصصصص كم/مازال الفساد قائم /وانتم عارفين الباقى

احمد السيد التونى · #10 09-08-2011, 01:37 AM

كل يوم نسمع العجب فى وزارة التربية والتامين /كل
الوزارات ماشيه تمام ماعدا هذه الوزارة الله يسامحكم
متى ياخذ المعلم حقة .. وشكرااااااااااا

foxwood55 · #11 09-08-2011, 06:49 PM

ايه رأيكم لما نأخذ اجازة جماعية كلنا كمعلمين اجازة وبدون مرتب نشوف الوزارة والحاشية بتعته هتسد ف الفصول مع الاولاد وريحتها وقرفها وهل مرتبهم كمعلمين هيكفي المواصلات وايجار الشقة والاكل والشرب
صدقوني انا مش عاوز اروح مصيف زي الناس ولا اجيب عربية ( الحمد لله على العجلة ) بس عاوز احس انني مهم اودي عملي بكرامة وراحة بال مش اخرج من المدرسة اجري على الشغل التاني علشان الحق اجيب عيش حاف للعيال تاكله
حرامممممممممممممممممم اللي بيتعمل فينا ده

alneseem · #12 09-08-2011, 07:19 PM

يسقط الببلاوى عميل النظام الساقط

د.عبدالرحمن المنياوي · #13 10-08-2011, 02:26 AM

اقتباس:

المشاركة الأصلية كتبت بواسطة mrenglish22

يا دكتور عبدالرحمن بلاش فزلكه علينا الكادر الخاص ليس حافز بنص القانون كما ان قانون حافز الاثابه لم يقضى بحرمان من يتقاضون كادر خاص من حافز الاثابه وزى ما بتقول حافز الاداء دا شىء جميل ودا يعتبر المرحله الثالثه من كادر المعلم اوكى واهلا وسهلا فين بقا حافز الاثابه بتاعنا ؟؟؟؟؟؟؟؟؟؟؟؟؟؟؟؟؟؟

أولا يا أستاذ مش من الاحترام لما تكلمني تقول كلمة فزلكة .. لازم الناس تعرف مقام الناس وتقدرهم علشان الناس تعرف تقدرهم وتحترمهم .. وانا مش هارد عليك بنفس أسلوبك ..

ثانيا لما تحب تتكلم ياإما تتكلم عن وعي يا إما تسكت خالص .. الكادر مش حافز برافو عليك انك عرفتها دي لوحدك .. بس يابيه الحد الأدنى نزل بالقرار كالآتي ترفع نسبة إجمالي الحوافز والبدلات والمكافآت الدورية والشهرية والسنوية لما يعادل 200% .. طيب نرجع بقى ونقول هو الكادر سعادتك اسمه إيه ؟!!!!!!!!!

اسمه بدل معلم .. وكمان بدل اعتماد .. يعني

بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل .. بدل ..

يعني يدخل ضمن الحسبة .. انت بقى مش مصدقني براحتك بس انا غلطان والوزارة غلطانه والقانون غلطان والقرار غلطان ؟؟؟؟ وانت بس الصح ؟؟؟؟؟؟

أرجع بقى علشان تستريح .. الكادر بالقانون لا يمنح كاملا إلا لمن اجتاز الاختبار .. يبقى المفروض تنحيته من الحسبة ولكن ده لايصح إلا بقرار من وزير التربية والتعليم بالتنسيق مع وزارة المالية وانا لا أتوقع ذلك ..

أخيرا بلاش ناخد القبة من الراس ونجري بيها .. اسم القرار رفع حافز الإثابة .. لكن تفاصيل القرار يشمل البدلات ..

د.عبدالرحمن المنياوي · #14 10-08-2011, 02:30 AM

اقتباس:

المشاركة الأصلية كتبت بواسطة captin9000

على كلامك ده يبقى الحوافز و البدلات اللى هيأخذها المعلم المساعد كالآتى :
25% حافز قديم + 40 % ( بتاعة وهدان ) + 75 % حافز أداء + 50 % بدل معلم + 85 % المكافأة = 275 % !!!!!
يعنى الأستاذ محمود وهدان نفسه هيتمنى أنه يكون معلم مساعد

وهو أساسي وكيل الوزارة زي أساسي المعلم المساعد ؟؟؟؟؟؟؟؟؟؟

maher275 · #15 10-08-2011, 03:42 AM

الحمد لله رب العالمين وبعد الأخوة المعلمين أحب أن أنوه عن شئ بسيط مادمنا نبحث عن المصلحة العامة للمعلم فلا بد أن نكون قدوة فى الحوار وحتى لو أخطأ فينا الطرف الآخر وهذا لسبب بسيط وهو أننا معلمون يعنى نعلم الناس ونهذب أخلاقهم وشكرا