ازاى يتساوى المعلم المساعد بالمعلم ؟؟؟؟؟؟؟؟

[mmagdy_81]

السلام عليكم ورحمه الله وبركاته



انا كتبت هذا الكلام من تعبى النفسى بسبب الظلم الواقع على المعلم المعين حديثا


ومش عايز الجماعه المعلمين المساعدين يزعلوا بس ده الحقيقه حتى وان كانت فيها بعض المشاكل , هذا رزقهم ولا جدال ولا شك فى ذلك وليس هذا عيبهم بل عيب من وضعوا هذا الحافز الفاشل


ازاى المعلم المساعد يحصل على 125 فى الميه والمعلم يحصل على 75 فى الميه ؟


المعلم الذى ادى كل ما يلزمه من اجل الترقيه الى معلم واستحقاق التعيين


بكده فرق ال 50 فى الميه بتوع المرحله التانيه من الكادر اصبحت غير موجوده بالمره


ولو تلاحظوا ان كل الناس زادت وفرقت عن غيرها الا المعلم

كيف يكون اتنين تعيين مختلف ومسمى مختلف ومرتبهم واحد ,حد يحل اللغز ده ؟

[marwa noor]

وأوضحت "التعليم" أن إجمالى الحوافز، بعد إقرار الزيادات الجديدة، سيصل إلى 235% للمعلم المساعد، و260% للمعلم والمعلم الأول، و285% للمعلم الأول "أ"، و310% للمعلم الخبير و335% لـ"كبير معلمين"، بحساب مجموع كل من الحوافز الحالية وبدل المعلم وبدل الاعتماد ومكافأة الامتحانات ونسبة الحوافز الجديدة.

[mmagdy_81]

عندنا فى الشرقيه اداره شرق المعلم المساعد فرق الحوافز لشهرين 491ج والمعلم 294ج

[مصري13]

اديني عقلك

[mmagdy_81]

منتهى قله الدين ؟

[ايهاب90]

انا مش فاهم حاجة
انا اللى اعرفه ان المعلم المساعد 75% حوافز مش 125% ذى ما حضرتك اما تقول

[mmagdy_81]

المشاركة الأصلية كتبت بواسطة ايهاب90

انا مش فاهم حاجة
انا اللى اعرفه ان المعلم المساعد 75% حوافز مش 125% ذى ما حضرتك اما تقول

افهمك يااستاذ ايهاب كل ماهو اقل من 200فى الميه رفعوه الى 200فى الميه احنا كنا بناخد بالكادر والحوفز 125 وصلونا الى 200 فى الميه وزودونا 75 فى الميه


المعلم المساعد كذلك


بياخد 75 فى الميه كادر وحوافز وصلهم الى 200 فى الميه وادوهم 125 فى الميه


وضحت !!!!!!!!!!!!

[عثمان محمد ( اخصائى اجتماعى )]

افلح الوزير ( فرق تسود )
فعلها بين الاداريين والعمال - والمعلمين
والمعلمين فيما بينهم - وذلك لتفكيك وحدتهم
رغم انى اخصائ مساعد يعنى معلم مساعد ولكن مش زعلان منك برغم انى خريج 1999 وبتقدير ومتعاقد 2009 واعمل فى مدرستين كاملتين مدرسه اعدادى ومدرسه ابتدائ واقوم بعملى على اكمل وجه وحدى وقمت بعمل الدبلومه التربويه عامين وما ادراك ما تكاليف الدراسه ومع ذلك ( معلم مساعد ) فلماذا لم نقل نريد مرتب اثنين مدرسين لاننا نقوم بعمل مضاعف وكيف انا معلم مساعد وانا اعمل لوحدى ( امال مساعد لمين )
هذا حال كل الاخصائيين المساعدين زملائ فى ادارة ابنوب
ورغم اننا نعمل بتخصصنا ولكن اجبرنا على الدبلومه التربويه
وفى اللآخر مستكترين علينا ال 40% الزياده
حسبنا الله ونعم الوكيل

[mmagdy_81]

يااخى عثمان انا لم اقصد اى تجريح فيك او فى غيرك فكلنا اخوه انا اتحدث عن الفروق بين المعلمين بعضهم ببعض ونحن وانا شخصيا لاانظر الى الزياده لكم ولكن اشعر باننا لم نحصل على مايجعلنا نشعر بكوننا معلمين وهذه فى الاول والاخر ارزاق كما ذكرت سابقا وشكرا على تعليقك

[د.عبدالرحمن المنياوي]

توضيح فقط .. المعلم المساعد ----> حوافزه 25% + 85% مكافأة + 50 بدل معلم + 75% الحافز الجديد (حافز أداء) = 235% المعلم الحديث التعيين ----> حوافزه 25% + 85% مكافأة + 50% بدل معلم + 50% بدل اعتماد + 50% حافز أداء = 260% يبقى المعلم بياخد أكتر من المعلم المساعد يا باشا .. انت حسبتها غلط ..

[mmagdy_81]

ياجماعه انا بتكلم بناء على محافظه الشرقيه العكاكه فقط وعن اداره شرق فقط وغير مسئول عن اى محافظه تانيه

القصه ملخصها ان عندنا العك على واسع

كل ماهو اقل من 200فى الميه رفعوه الى 200فى الميه احنا كنا بناخد الكادر 100فى الميهمرحلتين 1,2 وحافز 25فى الميه رفعونا 75 فى الميه علشان نوصل الى200 فى الميه وزودونا 75 فى الميه


المعلم المساعد كذلك


بياخد 50 فى الميه كادرمرحله 1 وحوافز 25فى الميه وصلهم الى 200 فى الميه وادوهم 125 فى الميه


يبقى هم اخدوا 50 فى الميه من غير امتحان اللى احنا المفروض خدنها نتيجه اجتياز امتحان الكادر

كمان اساسيهم 219ج زينا بالظبط دول اللى اتعينوا بالقرار 57 عندنا فى الشرقيه

وانا بتكلم على لسان ادارتى ومحافظتى فقط لايعنينى اى محافظه اخرى غير للعلم فقط

وضحت !!!!!!!!!!!!

[marwasamy]

انتوا عاوزين جنازة وتشبعوا فيها لطم

[Mrs/Marwa]

يا استاذ محمد انا من الشرقيه ومن اللى اتعينوا بعد بقرار 75 ورضيت انا وغيري بالحصه 20 جنيه ونحن معانا تمهيدي ماجستير وللاسف قفلوها في وشنا ولم نجد عقود وعلى الرغم يوجد كتييييييير اوي مقبول وتم التعاقد معهم .ربنا يكرم الجميع
ياريت حضرتك ما تقارنش نفسك بينا احنا لينا حقوق كتييييير اوي واتظلمنا اوي اوي
دور على حقك
مش انت نفسك تتساوى بالمعلم المعين من زمان واول ما اشتغلو اصبحوا معلمين ولا في دورات كمبيوتر ولا امتحنات كادر كان التكليف موجود ومعظمهم خريجي دبلوم معلمين ودار علوم وانت بتحس انك افضل منهم واحق منهم طيب شوف بئه حال ناس اوائل كليات ومحضرين دراسات ورضيو ب 20 جنيه في الشهر لسنووواااااات
فين العداله الاجتماعيه ولا الثوره دي كان فيها ناس بيلعبو وبيمثلوا انهم شهداء
سعد زغلول قلها (( مفيش فايده))

[mmagdy_81]

المشاركة الأصلية كتبت بواسطة mrs/marwa

يا استاذ محمد انا من الشرقيه ومن اللى اتعينوا بعد بقرار 75 ورضيت انا وغيري بالحصه 20 جنيه ونحن معانا تمهيدي ماجستير وللاسف قفلوها في وشنا ولم نجد عقود وعلى الرغم يوجد كتييييييير اوي مقبول وتم التعاقد معهم .ربنا يكرم الجميع
ياريت حضرتك ما تقارنش نفسك بينا احنا لينا حقوق كتييييير اوي واتظلمنا اوي اوي
دور على حقك
مش انت نفسك تتساوى بالمعلم المعين من زمان واول ما اشتغلو اصبحوا معلمين ولا في دورات كمبيوتر ولا امتحنات كادر كان التكليف موجود ومعظمهم خريجي دبلوم معلمين ودار علوم وانت بتحس انك افضل منهم واحق منهم طيب شوف بئه حال ناس اوائل كليات ومحضرين دراسات ورضيو ب 20 جنيه في الشهر لسنووواااااات
فين العداله الاجتماعيه ولا الثوره دي كان فيها ناس بيلعبو وبيمثلوا انهم شهداء
سعد زغلول قلها (( مفيش فايده))

ياجماعه انا هقولها تانى وتالت وعاشر كلنا مظلومين وانا لم اقصد من هذا الكلام اى تجريح

ولكن انا بس عايز افهم هل الكلام ده قانونا يمشى ان ناس على مسمى مختلف وتتساوى فى الراتب ؟ هذا هو سؤالى ليس اكثر

انا اتمنى انكم تاخدوا افضل شىء ولكن ده مغذى سؤالى

وبرده حضرتك احنا ناس جايبين تقديرات عاليه ومشتغلناش بالوسطه ولا حاجه وطلع عنينا يعنى كلنا فى الهوا سوا


وربنا معانا كلنا

[الاستاذ مروان]

مش عارف ليه محسسنى ان ده مرتبه بقى يكفى بعد محصلت الزياده كله كلام فاضىحسبنا الله ونعم الوكيلوش عاوز حد يقنعنى انه بيشتغل شغلانه واحده كلنا فى الهو سوا