|
#1
27-08-2011, 01:01 PM
|
|||
|
|||
شوف دي بتفكر ازاي
السلام عليكم و أنا قاعدة كده و لابسة الروب بتاعى ^^ و مج النسكافيه فى إيدى ...... سألت نفسى سؤال هو رمضان ضاع منى فعلاً ؟؟ و لسه هلوم نفسى على إنى ضيعت رمضان و كده نطت فكرة فى بالى  و افتكرت ايام المدرسة بتاعتى ساعة أما مستر الإنجليزى ..قالنا الواجب..صفحة كذا و كذا و كذا و الواجب ده هتسلموه ليا بعد العيد كان ساعتها أجازة العيد 4 أيام يعنى المفروض كنا هنسلمه يوم الخميس مش مشكلة بقى هعمل الواجب إمتى الاحد و للا الاتنين و للا الثلاثاء و للا حتى الأربعاء المهم إنى أسلم الواجب فى الميعاد عارفين؟؟ لو عملته الصبح يوم الخميس قبل أما الباص يعدى عليا برضه عااااااااااااااااادى طالما اما المستر هيسألنى الواجب فين يا فدوى هقوله ..اتفضل هى دى نفس الفكرة بالظبط هو ربنا قالنا اللى مش هيبقى كويس أول رمضان هدخله النار و مش هغفر له؟؟ ما حصلش ربنا إداك واجب و قالك هستلمه منك يوم 30 مش مشكلة بقى هتعمله يوم 5 و للا 10 و للا كل يوم هتاخود جزء من الواجب و تعمله المهم إن أما يوم 30 يجيى تقول لربنا اتفضل يارب ده الواجب بتاعى طيب اسمعوا تفكيرى الذكى ده  من فترة كده...قررت مع نفسى إنى مش هصلى آل إيه خير اللهم اجعله خير شايفة إن وقفتى فى الصلاة مش تليق بربنا فبدل أما أبقى كويسة و أحسن من نفسى قولت لاااااااااااا هو أنا هعمل زى الحديث اللى بيقول فيما معناه إن الرجل صلى 60 سنة و لم تحسب له صلاة؟؟ فذكاء حضرتى المتناهى قالى طالما الصلاة مش هتتحسبلك...يبقى بلاش منها ^^ طبعاً ده تفكير غبى لا محالة  بس الحمد لله مش نفذته ^_* ساعتها كده فوقت من كاس الخمر اللى تقريباً كنت شرباه ههههههه و قولت لااااااااااااااااا أنا هكمل صلاة عادى و نيتى من جوه بتقول لربنا..اهدينى و ساعتها قعدت أدعى الدعاء ده اللهمَ آجعلنيّ ممنْ يصّلي الصّلآةَ لـ يرتّآحَ بهّآ وليسَ منَ أجلَ آنّ أرتّآح منهّآ و بعد كده قولت بسسسسسسسسس أنا هفضل أصلى حتى لو هقصر في الصلاة أو أسرح أو أياً كان و لا إنى أسيب الصلاة خالص . يعنى لو هاخود فى الصلاة 2 من عشرة أحسن من صفر من عشرة يعنى من الآخر بتعلق بأى قشة عارفين لو كنت اتهبلت و وقفت الصلاة؟؟ كنت هعرف منين إنى بقيت مؤهلة إنى أصلى صلاة تليق بوقفة عبد قدام ربه؟؟ طيب مش يمكن الشيطان كان لعب فى دماغى و ألاقى نفسى فى الباى باى..و كبرت دماغى عن الصلاة؟؟ يعنى من الآخر لو كنت مت و أنا بنفذ ده..كنت زمانى كافرة دلوقتى و العياذ بالله !! و هى دى نفس الفكرة و الله اطلع من رمضان و إنت واخد 1 من 10 و لا إنك تطلع صفر يا عم إنت و إنتى و هو و هى ما تتكسفش مش مشكلة مش قرأت قرءان كنت بتتفرج على مسلسلات و مقضيها خيم رمضانية و أغانى؟؟ يا سيدى مش مشكلة طيب أقولك حاجة؟؟ اقرا معايا كده بسم الله الرحمن الرحيم قل هو الله أحد الله الصمد لم يلد و لم يولد و لم يكن له كفواً أحد مبروك يا باشا إنت كده خلصت ثلث القرءان يعنى 10 أجزاء بصوا كده لحديث النبي صلى الله عليه و سلم: احشدوا . فإني سأقرأ عليكم ثلث القرآن فحشد من حشد . ثم خرج نبي الله صلى الله عليه وسلم فقرأ : قل هو الله أحد . ثم دخل . فقال بعضنا لبعض : إني أرى هذا خبر جاءه من السماء . فذاك الذي أدخله . ثم خرج نبي الله صلى الله عليه وسلم فقال : إني قلت لكم : سأقرأ عليكم ثلث القرآن . ألا إنها تعدل ثلث القرآن الراوي: أبو هريرة المحدث: مسلم - المصدر: صحيح مسلم - الصفحة أو الرقم: 812 خلاصة حكم المحدث: صحيح قولها كمان مرتين و يبقى ختمت القرءان مرة يعنى ياللى مش فتحت القرءان من أول رمضان..و قرأت سورة الإخلاص 6 مرات فى اليوم ابشر يا عم ختمت القرءان مرتين ^^ و الله العظيم إحنا بنستعبط هنلاقى فين سماحة زى سماحة ربنا؟؟ طيب خود دى كمان قولوا معايا سبحان الله و بحمده سبحان الله العظيم كلمتان خفيفتان على اللسان ، ثقيلتان في الميزان ، حبيبتان إلى الرحمن : سبحان الله و بحمده ، سبحان الله العظيم الراوي: أبو هريرة المحدث: الألباني - المصدر: صحيح الجامع - الصفحة أو الرقم: 4572 خلاصة حكم المحدث: صحيح يالا يا عم محدش ادك..ربنا بيسمعك دلوقتى و إنت بتقوله الكلام اللى بيحبه شبااااااااب ..حاجات صغيرة بتفرح ربنا بيك هتضيعها؟؟  يالا يا بت منك ليها و يالا يا واد منك ليه و يالا يا اللى ما تتسمى يا فدوى ههههه روحوا صالحوا ربنا..و الله ربنا بيحبنا أوى ^^ بس مين اللى يفهم ^^ عفواً يا ذنوبى لقد حان وقت الكنس صاعقة صاعقة صاعقة واد يا دقدق ههههه مأشة الهلال و النجمة فى إيدك اليمين المساحة فى إيدك الشمال جردل الماية قدامك و تقول للذنوب ايه؟؟ هششششششش : 
|
|
#2
27-08-2011, 01:40 PM
|
||||
|
||||
هو فعلا ربنا رحمته كبيره جدا .. وعارفين اللي يقرا سورة الفاتحه قبل ماينام أربع مرات أكنه قرا القرأن كله .. مافيش رحمه ويسر أكتر من كده يعني بصراحه اللي مايستغلش الحاجات السهله البسيطه دي
يبقي .......
__________________
Dr\KaRiMaN MaGdY
|
|
#3
27-08-2011, 04:46 PM
|
||||
|
||||
|
فعلا نصائح جميلة جدا شكرا جزيلا وبارك الله فيك
|
|
#4
28-08-2011, 03:19 AM
|
||||
|
||||
|
ما اروع فكرة الموضوع ده..جزاك الله خير
|
|
#5
28-08-2011, 11:51 AM
|
||||
|
||||
|
موضوع رائع جزاكي الله خيرا
|
|
#7
28-08-2011, 12:24 PM
|
|||
|
|||
|
بارك الله فيكي و جزاكي كل خير
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران :: إلا الحبيب .. يا عُبَّـاد الصليب ::
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:28 PM.
