مليونية المعلم

[سارة الازهرية]

اولا السلام عليكم كنت عايزة اسال بس الاساتذة الافاضل اللى بيدخلوا المنتدى هايشركوا ف مليونية المعلم ولا لا علشان ياخدوا حقوقهم ويحققوا ذاتهم ولا معلمين الازهر مش تبع وزارة التربية والتعليم فهايتنسوا ف الزحمة انا بصراحة من رايى حتى لو معلمين الازهر مش تبع وزارة التربية والتعليم لازم ياخدوا هما كمان حقهم لان علشان تعليم مصر يتصلح وخاصة التعليم ف الازهر لازم الاساس يكون كويس لان تقدير المعلم واجب لانه بيربى اجيال ف اميركا مثلا اعلى مرتب بيقى للمدرس لانه بالنسبه لهم اهم حاجة لانه هو اللى بيطلع الدكتور والمهندس والمحامى وضابط الشرطة وف ده كله اساسه المعلم انا مش مدرسه انا لسه بدرس ولا هطلع مدرسه بس بقول كده لان المعلم لو بقى عنده اكتفاء ذاتى وخد حقه بجد هننهض بالتعليم بسرعة هيكون المعلم عنده دافع كبير انه يخرج اجيال اصلح ياريت تهتموا وماحدش يسيب حقه انا طبعا مش بدعى لثورة معلمين ولا حاجة لا لا انا بس حابة اقول لما كل واحد ف ايده انه ممكن يصلح من حاجة وياخد حقه ليه مايعملهاش لان بجد مصر محتاجة نهضة ف التعليم وبقول تانى ده اساسه المعلم

[سالم حسين]

تسلمي يا أخت سارة وجزاك الله خيرا ......... هذا كلام العقلاء

[Super Teacher]

لا فُض فوكي يا سارة
صدقت والله هذا هو عين العقل

[MOHSEN1960]

لافرق بين الازهر والتربية والتعليم
الكل لابد وان يشارك
شعارنا كلنا معلمين

[عبدالعزيز السيد عرابى]

الله يسترك

[سارة الازهرية]

انا بشكر جدا الردود اللى من الاساتذة الكرام وده حققم بس انا مش شايفة ردود كتير انا والله قصدى بالموضوع ده انى اشجع كل معلم انه لازم صوته يوصل

[نورشاكر]

فين التفاعل لا حياة لمن تنادى

[سارة الازهرية]

المشاركة الأصلية كتبت بواسطة نورشاكر

فين التفاعل لا حياة لمن تنادى

حضرتك عندك حق انا بقول كده برده

[Super Teacher]

دول مشايخ بيحبوا النوم والطبيخ اكتر حاجة ومعظم اللي ردوا من مدرسي المواد الثقافية

[سارة الازهرية]

المشاركة الأصلية كتبت بواسطة mr. Mohannad

دول مشايخ بيحبوا النوم والطبيخ اكتر حاجة ومعظم اللي ردوا من مدرسي المواد الثقافية

فعلا انا ملاحظة كده برده شكرا لمرورك بس هو مشايخ الازهر هيفضلوا كده طول عمرهم مش هيتغيروا ابدا