|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
16-08-2011, 04:26 PM
|
||||
|
||||
فى بيتنا محمية طبيعية!
السلام عليكم ورحمة الله وبركاته
دة أول موضوع ليا فى قسم النقاش الهادف وأتمنى يعجبكم نبدأ بقى.... كل واحد منكم يتخيل معايا إن وهو قاعد كدة فى أمان ربنا لقى بومة داخلة عليه هايعمل إيه ساعتها؟ أنا بقى حصل لى الموقف دة أحكيلكم الحكاية ولاهأطول عليكم؟ أحكيها بالمرة وخلاص أصل وإحنا قاعدين بنفطر فى يوم كنا سايبين الباب مفتوح(البيت بتاعنا لوحدنا) فسمعنا صوت خبط ورزع جااااامد كنا نحسبها قطة نازلة من فوق ولاحاجة أصل القطط قاعدة عندنا فوق ونفاجأ ببومة داخلة علينا وشها استغفر الله العظيم يارب طبعاً أنا اتلبشت فى بعضيا وخفت منها أول مرة تدخل عليا بومة!  وبرغم إن البومة كانت بيضة إلا إن بياضها مخفاش كآبة وشها (استغفر الله العظيم يارب) وطبعاً مقدرتش أمسك نفسى من التشاؤم ومقدرتش أمسك مشاعرى وخاصةً إن أنا دلوقتى مصدوم مع إنى شفت بومة قبل كدة بس أنا ساعتها اللى رحت لمكانها آخر ماكنت أتوقع إن البومة هى اللى تنزلى من فوق  وباينها كدة كانت نعسانة أو مش شايفة بسبب النور اللى كنا مشغلينه علشان كدة كانت بتدور على مكان عتمة وماارتاحتش غير لما حطينا عليها طبق كبير وبعد كدة طلعناها برة بعد عناء طويل  وطبعاً بعد اللى حصل دة حسيت لوهلة إن أنا عايش فى محمية طبيعية مش فى بيت وخاصةً إن بعديها دخلت علينا اليمامة اللى معششة عندنا من الباب برده فالواحد حس إنه لازم يكون معاه بندقية صيد تحسباً للظروف ليلاقى أسد داخل عليه ولا غراب يلبس فى وشه ولا خفاش يلزق فيه  المهم بعد المحمية اللى دخلنا فيها دى ودخلتكوا معايا قعدنا نتساهر فحكينا عن الناس ومعتقداتها الخرافية واستغربت لما سمعت الحاجات اللى هاقولها لكم دى 1- يقول لك طائر أبوقردان دة كان إنسان واتوضأ بلبن فربنا سخطه طائر!!!!!  2_ يقول لك إن السلحفاة دى كانت ست عندها طاحونة قمح فجت ست تستعير منها الطاحونة فالست رفضت فربنا سخطها سلحفاة واتحشرت الست دى بين قرصين الطاحونة فبقت بكدة سلحفاة  3_ يقول لك إن البومة دى كانت ست عينيها وحشة فربنا سخطها بومة ويقول لك لو دققت النظر فى وش البومة هاتلاحظ وش ست علشان كدة اللى بيحسد بنقول عليه بومة!يعنى شفت خيالهم الواسع كان عامل إزاى!!!!! أتمنى إن الموضوع يعجبكم 
|
|
#2
16-08-2011, 06:02 PM
|
||||
|
||||
ههههههههههههههه اقوال تموت من الضحك
ازاى ممكن حد يصدق كدة بس بجد حضرتك حسستنى انى كنت بفطر معاكو وانت بتحكى بس انا عن نفسى لو لقيت بومة وقعت عندى هفرح وهجرى اتفرج عليها وممكن اخدها اربيها حرام عليكو متقلوش عليها شؤم دة دة طائر مسكين انا شفت البومة مرة فى الحديقة كانت بيضة بردو بس كانت بصالنا علطول كدة من فوق الشجرة كأنها بتراقبنا فخفت شوية بس انا مع ذلك بحب الكائنات اللى مش مؤذية واليمامة غلبانة بقى محدش ييجى عند العش بتاعها بس يا ريت حضرتك لو تعرف خرافات تانى بتتقال قوللنا عليها هو يظهر ان كل الكائنات الحية كانت بنى آديمن وكل بعمله اتسخط زى الحدوتة بتاعت الامير اللى اتسخط ضفدع لانه كان مزعل الساحرة الشريييييرة اللى بتطلع بالليل والحصان نعمان اللى كان انسان ((والله وحشنى السندباد)) شكرا على التوبيك ومحدش ييجى عن اليمامة
|
|
#3
16-08-2011, 11:22 PM
|
||||
|
||||
|
اقتباس:
أصل أنتى مشوفتيش البومة دى كانت ضخمة وعينيها كبيرة وريحتها وحشة ومخالبها طويلة زى ماتكون كانت عايشة فى غابة مع إنها كانت ساكنة فى البيت اللى جنبنا واليمامة إحنا مجيناش عندها بس حرقنا العش بتاعها أصله بيجيب حشرات غريبة صغيرة اسمها الطيار لما تدخل فى حد لازم يستحمى وتبقى كارثة لو دخلت فى شعره بتبقى أسوأ من القمل وبأدعوكى لزيارة المحمية الطبيعية اللى أنا ساكن فيها دى وإن شاء الله هادور لك على خرافات تانى كانوا بيقولوها شكراً على مرورك المعطر
|
|
#5
17-08-2011, 05:54 AM
|
|||
|
|||
|
ايه كميه الحيونات ديه ؟؟
ديه دخلت البيت ازاى ؟؟ احنا من سنه كان بيتنا قيه خمس قطط و ما ادارك انك تعيش فى بيت فى خمس قطط و كلهم شلقين جدا و عالطول بيجروا ورا بعض و بيضربوا بعض و يهزروا مع بعض و احتمال تكون قاعد فى امان الله و تلاقى اذ فجاه قط فى رجلك و تانى بيجرى ورا حواليك ... احنا كنا لما نجتمع على سفره و عندنا ضيوف كانت قطط و انت قاعد تاكل تنزل تحت السفره و تلعب فى رجلين الضيوف و تجرى و طبعا محدش بيعرف ياكل و لما قط يدخل يستخبى فى اوضتك و تكون فاكر الاوضه فاضيه و تدخل تنام و فجاه تلاقى القط جنبك على سرير ده احساس بجد وحش اوى و فظيع و كنت ساعتها بتخض جدا ديه اقل ذكريات ممكن اقولها مع القطط و ده غير بقى الى كانت ايدى على طول متعورة بسبب سيمبا معرفش ليه مش كان بيحبنى ,,,تقريبا عشان كنت بدلع ميشو و هو لا حتى الحقد بقى بين القطط بس حاليا البيت مش فيه و لا قط و لما خالى راح اشترى قط و قالى انا الى اربيه ماما قالت لى لو دخل البيت حكرشك بره البيت ههههه اظن ماما بتعشق حاجه اسمها قطط و الله بس احنا اتبهدنا جدا فى موضوع القطط ده و صالون يبوظ بسبب الخربشه و حاجات تجنن فعلا بس محمد اخويا صغير ماما وعدته فى عيد ميلاده حتجيب قطه ايه رايك بقى فى محميه الطبيعه الى كنت انا عايشه فيها ؟؟
__________________
قررت أن أصوّت للسلفيين...لتصبح بلادي مزدهرة كأفغانستان،...متحدة كالسودان،شبعانة كالصومال,..و ديموقراطية كالسعودية!عليكم ان تحتارو بين نظام اسلامى كما فى هذة الدولوبين نظام اسلامى كما فى تركبا وماليزيا
|
|
#6
17-08-2011, 06:05 AM
|
||||
|
||||
|
ههههههههههههههههههههه
والله فكرتني بالبيت عندنا وحلوة أوي الحكايات الخرافية أول مرة أسمعها بس إنتوا رحمة بكتييييييييييييييير عننا ده إحنا عندنا قنافذ وقدامي دلوقتي 2 بيتعرفوا على بعض ولا القطط بقى والكلاب والسلاحف والذي منه بس العطف حلو بردو وكله بثوابه تسلم إيدك على الموضوع الجميل
__________________
عندي حلم ومش هسيبه . . 
|
|
#7
17-08-2011, 09:30 AM
|
||||
|
||||
|
موضوع رائع على فكرة معظم الحكايات الخرافية دى جدتى حكتهالى قبل كده والظاهر إن دا موروث شعبى لأنه منتشر بنفس الطريقة .
أنا بقى دخل عليا قبل كده البيت خفاش ودخلت أنا وابن عمتى علشان نموته ، فما كان من ابن عمتى الا انه بمجرد دخولى الأوضه اللى الخفاش عمال يلف ويطير فيها .... وراح قافل عليا الباب من بره وقالى اتعامل يانجم أنا بخاف من الخفاش وسبنى أنا والخفاش فى معركة دامية انتصرت فيها بضربة نجلاء من المقشة اللى فى إيدى .
__________________
معلم اللغة العربية بمدارس المنصورة كولدج الدولية 
|
|
#8
17-08-2011, 06:16 PM
|
||||
|
||||
|
اقتباس:
|
|
#9
17-08-2011, 06:19 PM
|
||||
|
||||
|
اقتباس:
شكراً على مرورك الكريم
|
|
#10
17-08-2011, 06:21 PM
|
||||
|
||||
|
اقتباس:
 دة إحنا كدة فعلاً أرحم بكتييرر من عندكم شكراً على المرور الكريم
|
|
#11
17-08-2011, 06:25 PM
|
||||
|
||||
|
اقتباس:
 الحمدلله إن ربنا نصرك فى موقعة المقشة دى على فكرة أحسن سلاح فى البيت المقشة يعنى لمادخلت البومة ضربناها بالمقشة لما كان بيدخل علينا فار كنا بنموتوا بالمقشة ومن الواضح كدة برده إن المقشة سلاح فعال مع الخفافيش دة طلع المقشة ليها لزمة غير الكنس بيها 
|
|
#12
17-08-2011, 06:28 PM
|
||||
|
||||
|
إيه دة؟
دة طلع معظم البيوت فيها محميات طبيعية كدة ممكن نعمل مشروع محمية فى كل بيت لحماية الحيوانات الضالة شكراً على مروركم الكريييييم
|
|
#13
17-08-2011, 08:33 PM
|
||||
|
||||
|
حاسس انك في محمية طبيعية حاسس مش متاكد يعني !!!!!!!!!!!
انا ماشفتش بومه قبل كده و مش عايزه اشوف لكن ربيت قطط كتير و عصفور بس مات ( الله يرحمه بقا) هو العصفور مكانش عامل حاجة في البيت وكان هادي جدا لكن القطط هي الي كانت شقية جدا و بتفجعنا عالطول انتوا فكرتوني لما ماتت القطه الي كنا مربينها عملت ايه اعت اعيط لغاية الصبح ( كنت ضغنونه بقا)
__________________
http://ask.fm/Ranosh_Hafez https://www.facebook.com/mariam.adel.3979 https://twitter.com/mariama95721538
|
|
#14
18-08-2011, 02:43 AM
|
|||
|
|||
|
هههههههههه دا ايه دا كلو ..
انا اخري اشوف قطة وكلب وشكراً وطبعا العصافير دي حاجة اساسية و كمان حمام بيحب يعشش عندنا ونطيره ويرجع اما بالنسبة للخرافات دي اول مرة اسمعها بس جميلة جداً ودي عادة بتبقى قصص ألفوها زمان وفضلت تتنقل لحد ماوصلتلنا ، والناس بتصدق اي حاجة كالعادة و شكرا عالمحميات الرائعة دي
|
|
#15
18-08-2011, 05:32 PM
|
||||
|
||||
|
اقتباس:
القطط فعلاً مشكلة فى البيوت وصدقينى لغاية دلوقتى مش مصدق إن بومة دخلت البيت كانت صدمة البيوت اللى جنبنا فيها بوم لدرجة إن فى بيت فى 3بومات مرة واحدة أب وأم وابن أسرة واحدة يعنى بس مفيش ولاواحدة دخلت جوة الشقة بالمنظر دةربنا ياخد البوم كله
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:48 AM.
