الله الله على رجالة ابوصوير الصناعية المشتركة

[جنى حمزاوى]

بسم الله الرحمن الرحيم
مدرسة ابوصوير الصناعية المشتركة بالاسماعيلية
اليوم الاول للإضراب العام بتاريخ 18 / 9 / 2011
اولا : اعتذار واجب لكل زملائى المعلمين فأنا كنت سيئ الظن بهم ولم اقدرهم حق تقديرهم وكنت اظن انهم لن يفعلوا اى شئ .
بداية اليوم :
- الزملاء يتشاورون حول عملية الاضراب ، البعض مقتنع والغالبية تتسائل
- موظف من الادارة ( لا اعرف وظيفته تحديدآ ) اسمه ( أحمد شومان ) عضو الحزب الوطنى المنحل يدخل المدرسة ( والظاهر انه نسى ان هذه المدرسة لم يستطع فى اى يوم من الايام قبل او بعد الثورة ان يفرض تسلطه على العاملين بها وانهم مثل باقى المدارس سيقابلونه بالخوف وتناسى ان بها رجال شعارهم فى الحياة أن الله عز وجل فى السماء بيده الرزق والحياة والموت ومن يستطيع ان يغير كتابهم فليفعل ) ، صائحآ فى المدير ( اللى عايز يعمل اضراب يعمل وهاتلى اساميهم ) فانقلب الحال واصبح كل العاملين مقتنعين بالاضراب وتسابقوا على التوقيع فى مذكرة الاضراب حتى وصلنا الى بضع وتسعون موقع ومن لم يوقع شارك فى الاضراب ولم يحيد احدنا عن موقفه . ( اشهد الله ان كل ما اكتبه حقيقة حدثت بالفعل )


- الطابور فى موعده ، كلمة المعلمين للطلاب وتهنئتهم بالعام الدراسى الجديد ونبذه قصيرة عن اسباب الاضراب ، تحية العلم .
- تجمع المعلمين امام مبنى الادارة ، المدير يأمر الطلبة بالصعود الى الفصول ، متابعة من المعلمين للطلبه حتى لايحدث تدمير لأثاث المدرسة وتوعيتهم بان الاثاث الذى سوف يدمرونه سوف يجلسون عليه بحالته ، تفهم الطلبه لهذا الامر ثم يسألون نبقى فى المدرسة ام نذهب الى منازلنا ، نرد عليهم ان الامر متروك لكم لكننا مضربون عن العمل .
- الطلبة تبدأ فى مغادرة المدرسة عدا البنات فتم صرفهم فى موعد الدراسة العادى .
- رئيس القرية يحضر الى المدرسة ويسأل لماذا الباب مفتوح ؟ يرد عليه احد الزملاء ( والله دى مش وظيفتنا )
- تحضر الينا رئيسة مدينة ابوصوير نيابة عن المحافظ ( داخله متحفزه جدآ ) تطلب التحدث مع شخص واحد فقط فتم الرد عليها ان هناك لجنة مشكله من المعلمين للتفاوض وعددهم 5 معلمين ان اردت التفاوض ، ترخض للامر وتجتمع بهم فى مكتب المدير،
- تتسلم صورة من مذكرة الاضراب ويتصادف ان مسئول المرتبات يريد توقيع المدير على الكشوف ، تعرض عليها اللجنة مرتباتنا وتكتشف ان مدير المدرسة وصاحب اعلى مرتب و35 سنة خدمة فى التربية والتعليم يتقاضى ( اول عن اخر ) مبلغ لا يتجاوز 1400 ( الف وأربعمائة ) جنية مصري ( لحسن الوزير يقول استرلينى ) فتبدأ بالذهول والتعاطف وتسأل بشده هل هذه كشوف المرتبات ام كشوف الحوافز نؤكد لها ان هذه هى كشوف المرتبات ترد علينا ( لأ مش معقول ) نؤكد لها مره اخرى ان هذه هى مرتباتنا ثم تتحول الجلسة معها لجلسة ودية طريفة ( بعد ما كانت داخله مدخنه - الظاهر صعبنا عليها ) ثم تنصرف .
- تصل انباء عن حضور رفعت طنطاوى وكيل الوزارة ثم نفاجأ بوصول مدير التعليم الفنى ومدير التعليم الصناعى .
- زميل لى وعلى عهدته هذا الكلام يقول انه سمع حسن سعد ( مدير التعليم الصناعى ) وهو يقول مستهذئآ عند دخوله المدرسة ( عاملين اضراب علشان التليفزيون هايجي يصور ) . يدعو المعلمين لاجتماع مع اننا كنا رافضين - ولكن من باب الادب هذا ضيفنا - اجتمعنا معه بدأ بالحديث باسلوبه المستفذ فثرنا عليه ثم تركناه لانه اعتاد على التحدث فقط ونسى انه جاء ليسمع .
- موعد الانصراف
- نوقع جميعا ثم ننصرف بهدوء وغدآ يوم جديد

[yousri_2000]

والله رجاله فعلا ربنا معاكم

[jamyka555]

واحنا معاكم الشهيد محمود نافع ابو صوير )
وعلي فكره اتصل الاستاذ شكري بمدير المدرسه عندنا وقال له انه تم وقف مرتبات المدرسين المضربين عن العمل
وهذا لاضعاف موقف المدرسين وتشتيتهم

[جنى حمزاوى]

مدرسة ابوصوير الصناعية
19 / 9 / 2011
اليوم الثانى للإضراب
- بداية اليوم الدراسى بشكل طبيعى ، توقيع المعلمين فى دفاتر الحضور ، الطابور وتحية العلم
- حضور ( شكرى ابوجازيه ) مدير إدارة ابوصوير التعليمية ويطلب من المعلمين الصعود للفصول
- لا استجابة ولا رد من اى معلم ولا تعليق للإضراب
- بعدما تيقن انه فشل حتى فى اسلوب الطلب صرخ قائلآ ( طيب لو انتوا رجاله خليكوا قاعدين كده لآخر الشهر )
- الراجل جاى يستفزنا وعايز يوقعنا فى الغلط ، لكن تم الاعداد النفسى الجيد لنا من خلال حوارتنا مع بعضنا بأن هذا متوقع حدوثه من زبانية النظام السابق والذين استفادوا منه بالجلوس على كراسيهم وسيقاتلون للبقاء عليها ( الهبره كبيرة يا جماعة اخر الشهر لازم يموت نفسه علشان يحافظ عليها ) ، المهم محدش برضه رد عليه ( مع انه عارف كويس اوى ان صنايع ابوصوير مبيعرفوش لا هوه ولا اى حد من رجالته ياخدوا حق ولا باطل من رجالة المدرسة )
- راح مخبط اكتر ليواصل الاستفزاز ( هربت منه ياجماعه) وقالنا هو انتوا بتفهموا اساسآ و كل ده حصل قدام الطلبة
بالله عليكم ايه رأيكم فى المسئولين عنا ( انا رايى انهم بلح )
- دخل شكرى ابو جازيه مكتب المدير فى انتظار وكيل الوزارة
- تم كتابة مذكرة بما حدث موجهه الى المحافظ و وكيل الوزارة ووقع عليها المعلمون
- الظاهر الخبر بتاع المذكرة وصل ليه شويه لقيناه طلع من المكتب وجالنا ( حقكوا عليا متزعلوش منى انتوا زى اخواتى ) ( عمل قطة ) عرفتوا مين فينا الراجل .
- وصول وكيل الوزارة ( رفعت طنطاوى ) ومعاه ( مسئول الأمن فى المديرية ) !!!!!!!!!!!
- طلب الاجتماع مع السادة المعلمين
- بدأ فى الحديث : نفس كلام الوزير حرفيآ لا اكتر ولا اقل .
- بدأ يكلم على حافز الاداء ووسعت منه اوى وراح قايل لشكرى الناس تصرف الحافز ده انهارده او بكرة بالكتير اوى دى تعليماتى ليك وتنفذ .
- طبعآ كلام للإستهلاك اللوكال وبدأ المعلمون المشاركة فى الحوار
- سلمناه صورة مذكرة الاضراب وبعدين تكلم بعضنا وكل مايقوم حد يكلم بتاع الامن يسأل على اسمه واحد زميلنا قاعد جنبه
( فاكرينها لسه زى زمان ) زميلنا قاله بتسأل على اسمه ليه ملكش دعوه بأسم حد .
- بيقولنا معدش فى امتحانات تانى نقوله الكلام ده مش مظبوط ونازل على موقع الاكاديمية علشان نترقى نتدرب وبعدين نمتحن وننجح وبعدين تقرير من مدير المدرسة وتقرير من الموجه علشان نتمم اجراءات الترقية يقولنا لأ مش مظبوط اسمعوا اللى بقولكوا عليه .
- طبعآ احنا على اتصال ببعضنا مع المدارس التانيه فى الادارة وخارجها الكل عامل اضراب وطنطاوى يقولك مفيش غير انتو بس اللى لسه عاملين اضراب ( وطنى وطنى ) لسه برضه اسلوب الكذب فى دمهم يا اخى وكل زمايلنا اللى راحلهم المدارس التانيه بيقولهم نفس الجمله ( يعنى كل الناس بقت حلوه وانتوا اللى لسه كخه )
- طلب فض الاضراب مع وعد ببحث المطالب ورفعها ردينا عليه واحنا كمان هنبحث فض الاعتصام
قالنا هتبحثوا طلبى قولناله زى ما هتبحثوا طلباتنا ( ولع ) وسأل زميلنا اللى قاله الكلمه دى على اسمه الراجل قاله اسمه بالكامل سأله وكيل الوزارة انت مضيت على المذكرة قاله طبعآ دور على اسمه من بين الموقعين وعلم عليه
ثم فض الاجتماع الظاهر انه حقق هدفه بالحصول على اسم معين .
- طبعا المعلمين سمعوه رساله معينه ان زميلهم اللى اتاخد اسمه لو حصله اى حاجه لو حتى قرصته نموسه فى بيته وهو نايم مش هتعدى بالساهل
- بدأنا فى الاتصال بزمايلنا فى المدارس التانيه على مستوى الادارة والمحافظة ووصلنالهم اللى دار فى الاجتماع وابلغونا بتضامنهم معانا واتفقنا على حاجه : اى مدرس فى أى مدرسة هيتأذى بسبب الاضراب دلوقتى او بعدين هنكون راجل واحد والموضوع هيتطور من اضراب فى المدارس لاعتصام فى مكتبه هو شخصيآ (ماشاء الله والله اكبر علينا ) وتم الاتصال ببعض مراسلى ومندوبى الصحف فى الاسماعيلية ووضعهم فى الصوره
- مر اليوم ومضينا انصراف ومشينا وبكره يوم جديد انشاء الله

[فداك يارسول الله]

و المصحف رجاالة

ايه دا انتوا تشرفوا والله

[محسن هانى]

فين يا ابوجنى اليوم الثالث متنساش الفطار يا نجم من كنتاكى هههههههههههههه