عايزة حد يفهمنى ويقول نعمل ايه

[misdodo]

سالت فى الادارة فى محافظة القاهرة والهانم مسؤله شئون العاملين قالت الى امتحنوا كادر 1/4 دول كدا هيثبتوا بس ومن غير درجه ماليه ومش تعين نعمل ايه عشان نتأكد ونأكد ليها ان ده تعين مش تثبيت ازاى الفرق يبقى بينى وبين اللى مر عليهم 3 سنين يتثبتوا والمعلم المساعد اللى امتحن الكادر ومعه تربوى يبقى بردوا اسمه تثبيت
انا مش فاهمه ده يبقى ايه ياريت اللى يعرف يفهمنى ومبتديش فرصه لحد ولا بتفهم ولا بتسمع

[احمد كابونى]

قرار محافظ القاهرة رقم 7100 بيقول تتخذ إجراءات التعيين للمعلم المساعد وما يعادلها والذين أجتازوا الاختبارات الخاصة بكادر المعلم وحصلوا على شهادة الصلاحية واستوفوا كافة الشروط المطلوبة فى وظيفة معلم وما يعادلها .
ومدير عام المديرية صدق على القرار ده واصدر قرار التعيين رقم 157 .
يعنى مش عاوزين حد يضحك علينا ويحطوا ابو قرش على قرشين .

[احمد كابونى]

وعلى فكرة يا جماعة فى لعب وعك فى الموضوع لان انا لما شوفت اسمى فى المديرية كان اسامى الاداره عندنا 51 معلم مساعد بس ولما وصلت الادارة لقتها 85 معلم مساعد فا ياريت الناس تاخود بالها . لان الناس اللى اسميها اضافت ديه دخلت الكادر ونجحت بس مش معاها تربوى .

[eshak2009]

مــــــــــــصـــــــــرفـــــــــــــــــــوق الجمــــــــــــــــــــيع

[misdodo]

المشاركة الأصلية كتبت بواسطة احمد كابونى

وعلى فكرة يا جماعة فى لعب وعك فى الموضوع لان انا لما شوفت اسمى فى المديرية كان اسامى الاداره عندنا 51 معلم مساعد بس ولما وصلت الادارة لقتها 85 معلم مساعد فا ياريت الناس تاخود بالها . لان الناس اللى اسميها اضافت ديه دخلت الكادر ونجحت بس مش معاها تربوى .

يعنى يا استاذ احمد ممكن يعملونا مشكله ويوقفوا التنفيذ
والقرار اتنفذ فى ادارتك ولا لسه زينا
وايه رائيك فى كلام الهانم مسؤله شئون العاملين ده ونرد عليها بأيه مفيش حاجه تثبت ان القرار ده تعين مش تثبيت

[احمد كابونى]

ياميس هناك فرق بين التعيين والتثبيت
التعيين بيكون على درجه ماليه ,اما التثبيت بيكون على الوضع الحالى لحين استيفاء الشروط او لحين توفير درجة لمن استوفوا الشروط .
وعلى حد علمى المحافظ كاتب فى القرار تعيين على درجة معلم لمن استوفوا الشروط مقلش تثبيت .