اكلات سريعة تشبع فى السحور

[عسولة]

السلام عليكم ورحمة الله وبركاته


بمناسبة الشهر الكريم حبيت اقلوكم على اكلات سريعة تشبع مبيخلاش منها بيت مصرى فالسحور

1_(الفول):بتسوى الفول وتحطى عليه طماطم قبل ما يستوى بحبه عشان يدى طعم بتسويه قبل السحور بشوية كتير لانه بياخد وقت فى التسوية بطلعيه وبتهرسيه وخدى بالك من كل الحجات اللى هقول عليها دلوقتى تخلى الفول يجنن..*زيت حار *طحينة *الملح والفلفل..اهمية الفول فى السحور "بياخد وقت كبير عشان يتهضم فبالتالى بيشبع الصايم"

2_اللبن ومشتقاته من الجبن والزبادى:اهميتهم "يقللوا من عطش الصائم"

3_التمر_التمر باللبن:وده مهم جدا "لقيمته الغذائية وكمان لانوا بيشبع وبيقلل من الجوع والعطش"

4_البيض المسلوق:"ده كمان عامل زى الفول بياخد وقت كبير عشان يتهضم"

5_عصير المشمش:"بيقلل من عطش الصايم وبيشبعه" وديه طريقته بسيطة جدا (بتسلقى المشمش وضفيله سكر وبعدين بتصفيه ومترميش الميه اللى سلقتى بيها وبعدين بتسبيه يبرد وبيضرب فى الخلاط هو وميه السلق وبعدين بتحطى سكر على حسب مانتى عايزه وبلاش تكترى من السكر"

*ملحوظة:متكليش حلويات مسكرة او حاجة فيها سكر لان السكر بيجوع

وده عصير بنعمله علطول فى الفطار وهو سهل عبارة عن عصاير بتتخلط فبعضيها..طعمه بيبقى جميل اوى كذا طعم وفيه مزازة متنوعة

1_الكركديه

2_الخروب

3_التمر الهندى

اعمليهم عادى خالص..وعلى حسب متحبى الطعم..يعنى ممكن تزودى حاجة عالتانية..وياريت يا فتوكات بلاش الحاجات الصناعية او البودرة لانها بضر اوى وبتهرى الكلى

صوما مقبولا ان شاء الله..رمضان كريم