|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
06-10-2011, 07:11 AM
|
||||
|
||||
مشكله مستفزه ارجو إللي مر بحاجة زي كده مايبخلش عليَّ
السلام عليكم ورحمه الله
ندخل في الموضوع على طول.... أنا في تانية ثانوي مشكلتي بقى إن صحابي بيحسدوني في الرايحة وفي الجاية كل ده بسبب امتحان كيمياء جبت فيه درجة كويسة ! حسسوني إني طول الوقت بذاكر أو إني جاي من المريخ مثلا  المهم أن كلهم مجتمعين عليَّ !  وأنا لا بذاكر طول الوقت ولا حاجة من إللي هم فاكرينها مجرد توفيق من ربنا مفيش ما شاء الله ولا أي حاجة كله حسد كده عيني عينك  المشكلة بقى إن اعصابي بتتعب من الكلام ده و بيقعد في ذهني كتير بفكر فيه وبيأثر على مذاكرتي وخايف نفضل طول السنة على الموال ده لدرجة فكرت إن اغير دروسي علشان ابعد عنهم ! بس للاسف صعب جدا أنا مش عارف أعمل إيه علشان اتجنب الكلام ده لا أنا عايز اتخانق معاهم كلهم ولا عايز أعمل مشاكل بس بجد حاجة مستفزة المهم إن منهم فيه إللي مستواه زي وفيه الاقل وفيه الاعلى !! قياسا يعني على السنين إللي فاتت وكلهم بيحسدوني !!!!!!!!!! أعمل إيه بس علشان اتجنب وجع الدماغ ده ! بجد قرفوني في عيشتي وأنا برده من النوع إللي بيخاف من الحسد بس مش ببين قدام حد بجد يا جماعة لو حد مر بالتجربة ديه أو يعرف حل أو نصيحة أو أي حاجة مايبخلش عليَّ لإن الموضوع بدأ فعلا يأثر على مذاكرتي و السلام خير الختام .........
__________________
 Problem ؟  
|
|
#3
06-10-2011, 08:37 AM
|
||||
|
||||
بسم الله الرحمن الرحيم
قل اعوذ برب الفلق من شر ما خلق و من شر غاسق اذا وقب ومن شر النفاثات فى العقد ومن شر حاسد اذا حسد صدق الله العظيم اولا انا شايفة ان الحكاية دى غريبة اوى ممكن يكونوا بيسحدوك اه بس مش لدرجة عينى عينك كده انا مش عارفة اقولك الحل ايه يا اما انت تطلب من مدرسك ينقلك مجموعة تانية بعيد عنهم يا اما تحكى لمدرسك بينك وبينه واقرا قران كتير....دا هيحميك من الحسد ولو كانوا واخدين كورسات فى حسد الناس وبردو مش تسيب السورة دى من لسانك ابدا ابدا وربنا يحميك ويحفظك ويبعد عنك كل شر وحاسد يا رب
|
|
#4
06-10-2011, 10:26 AM
|
||||
|
||||
|
يااااما كان بيحصل الكلام ده .. بس اقرا الحديث ده كويس .. و استعيذ بالله و توكل على الله
عن أبى العباس عبدالله بن عباس رضى الله عنهماقال كنت خلف النبى صلى الله عليه وسلم يوماً فقال "ياغلام إنى أعلمك كلمات :أحفظ الله يحفظك أحفظ الله تجده تجاهك إذا سألت فسأل الله إذا أستعنت فاستعن بالله واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك وإن أجتمعواعلى أن يضروك بشئ لن يضروك إلابشئ قد كتبه الله عليك رفعت الأقلام وجفت الصحف
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength
|
|
#5
06-10-2011, 10:33 AM
|
|||
|
|||
|
اقتباس:
شايف انا عملت ايه ف التكست فوق ؟؟ عملت كلمة صحابي بالاحمر التقيل عشان تاخد بالك كلمة صحابي لا تنطبق ابدا على الاولاد دول مافيش صاحب بيحسد صاحبه لازم نفرق بين زمايل وصحاب بص مشكلتك تضايق فعلا لانها بتحصل مع ناس كتير مش انتا بس اولا اوعى تخرج من بيتك واوعي يعدي يومك من غير ماتقول الاذكار (سورة الاخلاص والفلق والناس) بسم الله الذي لا يضر مع اسمه شيء في الارض ولا ف السماء وهو السميع العليم اعوذ بكلمات الله التامات من شر ما خلق وكله 3 مرات وان شاء الله ربنا هيحميك تمام كدا.. ثانيا الناس اللي بتقول عليهم صحابك دول حاول تتجنبهم ماتعدش معاهم كتير لانهم ممكن ياثروا عليك اكتر بكلامهم واحتمال يضيعوك وينزلوا مستواك ثالثا لما حد يسالك عن المذاكرة قول الحمدلله ماتقولش اي كلمة تانية 4- اوعى تفتكر انك لما تعد معاهم اكتر دا هيسكتهم بالعكس انتا كدا بتضيع وقتك على الفاضي 5-حاول تنقل مجموعة درس تانية باي شكل لو تقدر 6- اوعى يبان عليك انك متاثر بكلامهم لان دا هيزود كلامهم واهم حاجة بوصيك بيها الاذكار ثم الاذكار ثم الاذكار ليل ونهار وادعي ربنا يحفظك وربنا معاك يارب
__________________
الحمدلله الذي هدانا لهذا يقيني بالله يقيني
|
|
#6
06-10-2011, 10:46 AM
|
||||
|
||||
|
اقتباس:
اصل هم مش صحابي المقربين هم مجرد زمايل في الفصل والمدرسة والدروس فـبشوفهم كتير بقى فـمش ببقى قاعد معاهم على طول و أنا جربت اطنش فعلا بس مش بعرف الكلام يقعد يذن في ودني اقتباس:
ماهو المستفز فعلا إنه حسد عيني عينك كده لدرجة واحد معرفوش خالص بياخد معانا جه وقال لي وإنت بقى
الدحاح إللي فيهم !  أنا كنت عايز أعمل كل حاجة غلط وقتها اتخانق معاهم وكده بس فضلت إني اسكت... المهم إني عمري ماكنت بذاكر كتير بالطريقة إللي هم فاكرينها بعملها دلوقتي بس بفضل الله ربنا بيكرمني لما بذاكر أنا فكرت اغير مواعيد دروسي بس معنى كده حروح مكان بعيد شوية عن بيتي وأنا اصلا كل الدروس دلوقتي جنب بيتي فـكاني بضيع وقتي أو بستهبل لإن الناس بتتمنى إن دروسها تبقى جنب بيتها اروح انا ابعد علشان الحسد ؟! ولو قلت لاهلي حيقوللي سيبك منهم ومش عارف إيه بس لو مفيش حل غير إني ابعد عنهم يبقى كان به اهلي قالولي مش تخلي حد يتحكم فيك بس أنا شايف إن الموضوع مستفز ومقصر عليَّ نفسيا الله اعلم بعد كده ! وربنا يخليكم والله إنه بالنسبالي اقرب حتى من زملائي إللي مابتمنوش الخير لحد على دعواتكم ومساعدتكم ليا وياريت تقوللي علشان عايز اخد قرار احول في مكان تاني بعيد ولا لأ ؟
__________________
Problem ؟
|
|
#7
06-10-2011, 11:03 AM
|
||||
|
||||
|
أنا مش لاقي كلام أقوله بعد اللي قاله اخواتي ميدو وهاي لايت وناريمان ومورا
بص يا عم الحج أنا والله جربت الكلام ده كتير وكمان اتكسر دراعي ال2 و رجلي كمان  كل ده بسببهم طبعاًاولاً لازم تؤمن تماماً إن الحسد ده موجود في القران الكريم ومن شر حاسدٍ اذا حسد أم يحسدون الناس على ما أتاهم الله من فضله وغير ذلك من الأيات و بجد احفظ كلام الله يحفظك ,,,, داوم على الأذكار ولا تحقرن من المعروف شئ يعني لو هتداوم على حاجه صغيرة من الأذكار يبقى كتر خيرك والله عليك بصلاة الفجر ما تفوتش صلاة في المسجد خالص ولو مضطر عشان معاد الدرس ساعة الصلاة لازم يكون همك انك لما تخرج من وسط الحساد دول انك تروح تصلي وادعوهم للصلاة معاك اصبر على كيد الحسود فإن صبرك قاتله ,,,,,,,,,,,,فالنار تأكل بعضها بعضاً إن لم تجد ما تأكله القافلة تسير ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,والحُساد(الكلاب) تعوي تمام ؟ تحذيرين 1-ايااااااااااااااك تقف عن التفوق بسبب كلامهم 2-ايااااااااااااااك متنفذش النصايح اللي قلنهالك حبيبي اهتم بمستقبلك ولا تلتفت الى الوراء أبداً أبداً أبداً
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life 
|
|
#8
06-10-2011, 11:08 AM
|
||||
|
||||
|
اقتباس:
ربنا يبارك فيك يا رب والله الحديث ده ريحني نفسيا  بس أنا بحب آخد بالاسباب برده جزاك الله خيرا اقتباس:
وعليكم السلام ورحمة الله وبركاته
فعلا نقطة صحابي ديه أنا وضحتها في الرد إللي فوق ماكانتش واضحة هم فعلا مش صحابي المقربين و إن شاء الله ححفظ الاذكار إللي حضرتك كتباها وشكرا لكي على النصائح فعلا... يعني مفيش حل عملي غير اني اغير مواعيد الدروس ؟ طب إيه رايكم في حكاية إن المجاميع التانية بعيدة بس بصراحة مش قوي بس حضطر اخد موصلات وكده يعني شايفين الموضوع يستاهل إني اغير... اصل اهلي شايفينه مش مستاهل بس لو استمر موضوع الحسد طول السنة أنا فعلا حتعب نفسيا.. وجزاكم الله خيرا يا رب ويارب يحميكم من كل شر وتحققوا كل إللي نفسكم فيه يارب بجد أنتم ناس نضيفة وكويسة قوي من جوه
__________________
Problem ؟
|
|
#9
06-10-2011, 11:11 AM
|
||||
|
||||
|
لاوالف لا
اوعى تبعد وتروح دروس بعيد عن بيتك غير ان ده هيضيع وقت...هيتعبك اكتر ومن كلامك بتقول واحد متعرفهوش جه وبيقولك الكلام ده فا مش هتستفاد حاجة لو كان الدرس بعيد عنك لانك هتلاقى نفس الشكل هناك مممممممم............. انا عندى فكرة بقى......ولو انها مش جامدة يعنى....بس نجرب هى انك تحرجهم يعنى اللى زى اللى قالك انت الدحيح اللى فيهم لما اى واحد تانى ييجى يقولك كده احرجه وقوله اللهم لا حسد....طب ما تذاكر انت كمان عشان تبقى متفوق عليا....ملكش دعوة بيا....ربنا يحمينى من امثالك ممكن الكلام يخليهم يختشوا على دمهم ويحسدوك براحتهم بس على الاقل مش عينى عينك...وتبقى زى اى حد متفوق كله بيحسده وعايز يبقى زيه وبالمرة بما ان الكلام جاب بعضه حسدهم ده مش النوع الحلو اللى الرسول صلى الله عليه وسلم قال عليه عشان لو عمل فيها مفتى عليك ومتخليش كلامهم ياثر عليك....خليه يزودك ثقة بنفسك و زيادة مذاكرة هنقول ايه غير حسبى الله ونعم الوكيل فيهم (وابقى اسمع كلام باش مهندس محمد...دا هيخليك دكتور ميكانيكى...زى ما عمل فيا...ههههههههه) وصدقنى والله القران كافيين انهم يحموك من اى حاجة تانية ومرة كمان ربنا يحميك ويحفظك من عنيهم ان شاء الله
|
|
#10
06-10-2011, 11:15 AM
|
||||
|
||||
|
اقتباس:
حاضر ححاول ادوم على الصلاه في المسجد.. تصدق بإيه يا باشمهندس أنا أول امبارح كانت عربية حتشيلني فعلا
لولا ستر ربنا والله أنا كان زماني متجبس في البيت وجزاكم الله خيرا يا رب على نصائحك وتحذيراتك ليَّ بس إيه رأي حضرتك في تغير المواعيد ؟
__________________
Problem ؟
|
|
#11
06-10-2011, 11:24 AM
|
||||
|
||||
|
اقتباس:
بس أنا حاسس إني مش هأقدر استحمل لو فضلنا على الموال ده طول السنة حاسس إن التغير هيفيدني اكتر
و للتوضيح هيبقى درس واحد بس بعيد عن البيت إللي هو الكمياء يعني مرتين في الاسبوع ولو إنه مش هيبقى بعيد قوي يعني بس هاركب موصلة زي ما وضحت ... بصراحة صعب قوي يا جماعة, دول استلموني امبارح قبل الدرس وروحت نفسيتي وحشة وولا فهمت حاجة من الدرس بجد الموضوع كبير أنا عايز اعرف ليه الثانوية العامة بتغير الناس كده !!
__________________
Problem ؟
|
|
#12
06-10-2011, 11:36 AM
|
||||
|
||||
|
ما احنا قولنا..........كده كده لو غيرت المجموعة هتلاقي زيهم هناك...
بس لو شايف ان ده اريح شوية عن انك تستحمل المجموعة دى........خلاص توكل على الله وغيرها وصدقنى راحتك النفسية مهمة جدا فى الثانوية العامة
|
|
#13
06-10-2011, 12:58 PM
|
||||
|
||||
|
لأ المجموعة التانية ماحدش يعرفني فيها مش عارف بقى
أعمل إيه
__________________
Problem ؟
|
|
#14
06-10-2011, 02:03 PM
|
||||
|
||||
|
الدحيح اهو اهو الدحيح اهو هههههههه
 اقولك حاجه احسن حاجه لما يكون عندك امتحان علشان تبعد من الحسد متحلش مسئله انت عارفها ! علشان تنقص وتبعد عن العين وتريح نفسك واهو المهم انت تكون عارف مستواك فى نفسك
__________________
|
|
#15
06-10-2011, 02:12 PM
|
||||
|
||||
|
لالالالالالالالا
انا بقى من رأيى انقل الدرس انا نقلت درس العربى بسبب انى مش مرتاحة مع ال باخد معاهم ونفس النوعية دى بس مش حسد بقى لا بيكرهوك فى المواد ال بتاخدها بطريقة مستخبية شوية وخليك بجح انت كمان واكسفهم زى ما هاى لايت قالتلك انت ساكت ليهم لية اصلا لحد دلوقتى دول مستفزين اوووى بجد روح جرب حصة ف المجموعة التانية ارتحت فيها كمل اهم حاجة راحتك النفسية حتى تبعد عن الاشكال دى فى ناس تخصص انها تعقد ال اودامهم بس تبقى معلشى عبيط لو سمعت كلامهم والله وركزت فية هما عاوزين كدا اصلا خليك شاطر واعند معاهم ومتخليش الكلام دا ياثر فيك
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:36 PM.
