ماليش نفس اذاكر خااالص مش عارفة اعمل ايه !!

[sara asem]

السلام عليكم ..

ادخل ف الموضوع علي طول ..

انا طالبة ثانوية ازهرية ,, بدأت السنة بحماس وجوايا طموحات وآمال كبيرة اوي وفعلا بدأـ اذاكر ونظمت نفسي من نص شهر 9 كدة بقالي كدة بتاع اسبوعين مش عارفة مالي ماليش نفس للمذاكرة خالص مع العلم اني مش كنت بجهد نفسي اوي ف المذاكرة يعني بدي لنفسي وقت ريست كدة عشان مش امل لكن الحكاية دلوقتي مش حكاية ملل انا لسة ف اولها قدامي ع الامتحان حوالي 7 شهور لكن من دلوقتي ماليش نفس خالص كل ما افتح مادة احس انها تقيلة علي قلبي كدة وبتكون مادة يعني سهلة اوي وانا بحبها اقعد اقلب ف كل المواد والاقي نفسي بطلع عقدة ف كل مادة وف الاخر اقفل الكتب واقوم اقعد ع النت اقول يمكن اذاكر حاجة ع النت مذكرة افتحها ولا اي حاجة بلاقي نفسي بضيع وقت وخلاص تحت مسمي اني بدور علي مذكرة ,,,,, مش عارفة اعمل ايه وبدعي ربنا يهديني لان كدة مش هينفع خااالص حد يقولي بقي اعمل ايه ؟ ها؟

[T!to]

ظروف بيمر بيها كل طالب ثانوى
استعينى بالله + بصلاة قراءة ولو سطر قرءان
نظمى وقتك
حددى جدول للمذاكرة
واوقات الراحة
واوقات الدروس
وحاولى باقصى مايمكن تنفيذه لحد ماتتاقلمى لوحدك
ماتفتحيش الكمبيوتر غير بعد ماتخلصى مذاكرة عشان ماتتاثريش بيه
الموضوع فى القسم الغلط
المفروض فى قسم اجتماعيات طالب وهو ملىء بمواضيع ان شاء الله تفيدك
وهجيبلك اللينك دلوقتى
وربنا يهديكى ويهدينا جميعااااا
وبالتوفيق

[T!to]

ده اللينك القسم http://www.thanwya.com/vb/forumdisplay.php?f=112
فيه مواضيع كتيرررر هتفيدك ان شاء الله

[Dr.Nariman]

الموضوع دا بيحصل معايا كل اسبوع تقريبا

دا طبيعي لكل طالب ثانوي لان احنا مش متعودين عالمذاكرة دي

بس مرة بمرة بعون الله كل شيء هيهون

بصي صلي ركعتين قضاء حاجة وادعي ربنا وصدقيني هتلاقي نفسك رقتي جاااامد

بالتوفيق

[sara asem]

الف شكر يا جماعة وربنا يوفق الجميع

[عطرشان]

نفس الحالة اللى بمر بيها دلوقتى
ربنا يوفقنا

[sad nono]

الحالة دي انا شايفة ان كلنا بنمر بيها
حاولي تفتكري املك كل شوية وتتخيلي لحظة نجاحك وتفوقك وخلي ايمانك بربنا وتوكلك عليه اكبر دافع ليكي ..

وبالتوفيق ان شاء الله